February 16th, 2010, 01:47 PM
السلام عليكم ورحمة الله وبركاته
أسعد الله أوقاتكم بكل خير
في البداية أحب أقول لكل الخوافين وأنا أولكم لا تشيلوا هم المقابلة
والله ما تستاهل الخوف أو
الحرص الزايد ==> مثلي
ورح أشرحلكم الوضع بالكامل:
اليوم السابق ليوم للمقابلة: قلت لازم أتهنتك وأكشخ
، رحت للهندي اللي مقابل للفندق وقلتله سولي سكسوكة كويس عاد ما صدق الهندي لعب في وجهي وحفر فيه وقطعه بالموس وفي الأخير جاب مرايا وقال شوف ===>
قلتله يمشي الحال. مريت على المكوجي وأخذت الملابس بعدين أقلكم وش هالملابس!
ليلة المقابلة: تعشيت بدري ورتبت كل أوراقي (هي أصلا مرتبة قبل ما أسافر للرياض ولكن من الحرص الزايد)، المهم جهزت كل أغراضي من أوراق وملابس وساعتي اللي اشتريتها من الخطوط ==> فرحان فيها
الثلث الآخير من الليل: صحيت وأخذت دش دافئ وأتوضيت وصليت لله وتر ودعيته
بأن يوفقني ويسهل لي المقابلة، وانتظرت شوي وأذن الفجر ورحت صليت.
الصباح: أفطرت فطور جااااااااااااااااامد. ولبست الملابس وش هي؟؟ بدلة رسمية.. وعاد مع السكسوكة طلعت كلام ثاني. خخخخخخخخ.
المهم آخذلي تاكسي وأتجه لحي السفارات.. طبعا أخذنا لفتين في الموقع الين ما عرفنا السفارة.
الوصول: طبعا أنا وصلت للسفارة قبل الموعد بـ 41 دقيقة ==> سلملي على الدقة في الوقت..
وأنا أدري انها السفارة الأمريكية بس قلت لازم أتأكد 100% رحت للمدرعة اللي بجنب البوابة وسألت الأخوان اللي فيها وين السفارة؟؟ قالولي أبد وصلت هذي البوابة!
فجعتهم بالسؤال المفاجئ والحمد لله ما تطور الوضع
السرا: كان قدامي اثنين واحد منهم يتهاوش مع الخال الأمريكي
(اللي بعض الأخوان يفتكرونه سوداني)، اللي فهمته انه نسي جوازه، بس حمدلله مشيت أموره.
المهم جا دوري وأعطيه أوراقي كامله (عرفت وش أخذ من اللي قبلي وجهزت الورق بالترتيب كمان). أبتسم لي وقال تفضل، غرفة التفتيش.. خرجت ونظرت يمين شمال مادري وين الله حاطني.. وربي يسخر لي الخال (نفسه اللي أخذ مني الأوراق في السرا) وآخذها فرصة وأدخل معاه سواليف الين وصلنا وفتحلي الباب قال الباب ثقيل انت ما تقدر تفتحه (وهو صادق والله).
التبصيم: لقيت اللي قدامي سعودي أخذ مني البصمات وقال انتظر في الصالة المجاورة الين ما يجي سراك.
الانتظار: طبعا مفعول السكسوكة مع الكشخة وربطة العنق خلت كل الأنظار علي.. لدرجة اني سمعت واحد مع اخته يتضاحكون ويغامزون علي. ويوم أقوم أجعص وأحط رجل على رجل.. المهم جا دوري Next Applicant Window 9 please.
المقابلة: اللي سوالي المقابلة واحد أمريكي أول ما شافني ابتسم ويوم أقوله هاللو ويرد علي بصوت أعلى من صوتي مع ابتسامة عريضة أدخلت الطمأنينة في قلبي
.. ودار بيننا الحوار التالي:
- مجتهد فين رايح؟
+ عطيته اسم الولاية والمدينة
- ليش؟
+ أدرس لغة
- وبعدين؟
+ أدرس ماستر
- في أي مجال؟
+ ذكرت تخصصي
- وش اسم المعهد؟
+ عطيته الاسم والموقع والخريطة ابتسم.. وقعد شوي يطقطق على الكمبيور
- هل سافرت خارج السعودية؟
+ لا، سيدي.. لم ـأسافر
- أقصد!! حتى لو البحرين أو قطر؟
+ لم أسافر مطلقا سيدي!
- دو يو هاف اني ريلاتيف ان يونايتد ستات؟
+ ياس ماي بروذر (يعني ايه اخوي في امريكا)
- في نفس المعهد؟ أو الولاية؟
+ لا، في ولاية أخرى..
- مممممممممممممم - تفضل تأشيرتك مقبولة اسبوع ويوصلك الجواز عطاني كرت صغير وردي عشان أسدد رسوم الفيدكس.
+ ثانك يوم بابتسامة كبيرة.
- اتمنى لك حظ موفق (قالها وهو يتبسم). الأوراق اللي أخذوها: * صورة من الأي توني * ورقة التـأكيد * الجواز * ايصال دفع سامبا فــقـــــــــــــــط!!!
وأخذت طيارة اليوم الثاني ورجعت البيت.. وسلامتكم.
سامحوووووووووني على الإطالة وعلى اللغة العامية.. حاولت ألطف الموضوع وربنا يوفقنا وياكم
بس سؤااالي ليش ما عطاني كرت أزرق أو أحمر أو بنفسجي؟؟؟؟؟ وين الكروت هذي اللي تتكلمون عنها؟؟؟؟
لا يكون قصدكم كرووت الفيدكس
LinkBack URL
About LinkBacks
February 16th, 2010, 01:47 PM
السلام عليكم ورحمة الله وبركاتهأسعد الله أوقاتكم بكل خير
في البداية أحب أقول لكل الخوافين وأنا أولكم لا تشيلوا هم المقابلة
والله ما تستاهل الخوف أو الحرص الزايد ==> مثلي
ورح أشرحلكم الوضع بالكامل:
اليوم السابق ليوم للمقابلة: قلت لازم أتهنتك وأكشخ
ليلة المقابلة: تعشيت بدري ورتبت كل أوراقي (هي أصلا مرتبة قبل ما أسافر للرياض ولكن من الحرص الزايد)، المهم جهزت كل أغراضي من أوراق وملابس وساعتي اللي اشتريتها من الخطوط ==> فرحان فيها
الثلث الآخير من الليل: صحيت وأخذت دش دافئ وأتوضيت وصليت لله وتر ودعيته
الصباح: أفطرت فطور جااااااااااااااااامد. ولبست الملابس وش هي؟؟ بدلة رسمية.. وعاد مع السكسوكة طلعت كلام ثاني. خخخخخخخخ.
المهم آخذلي تاكسي وأتجه لحي السفارات.. طبعا أخذنا لفتين في الموقع الين ما عرفنا السفارة.
الوصول: طبعا أنا وصلت للسفارة قبل الموعد بـ 41 دقيقة ==> سلملي على الدقة في الوقت..
وأنا أدري انها السفارة الأمريكية بس قلت لازم أتأكد 100% رحت للمدرعة اللي بجنب البوابة وسألت الأخوان اللي فيها وين السفارة؟؟ قالولي أبد وصلت هذي البوابة!
فجعتهم بالسؤال المفاجئ والحمد لله ما تطور الوضع
السرا: كان قدامي اثنين واحد منهم يتهاوش مع الخال الأمريكي
المهم جا دوري وأعطيه أوراقي كامله (عرفت وش أخذ من اللي قبلي وجهزت الورق بالترتيب كمان). أبتسم لي وقال تفضل، غرفة التفتيش.. خرجت ونظرت يمين شمال مادري وين الله حاطني.. وربي يسخر لي الخال (نفسه اللي أخذ مني الأوراق في السرا) وآخذها فرصة وأدخل معاه سواليف الين وصلنا وفتحلي الباب قال الباب ثقيل انت ما تقدر تفتحه (وهو صادق والله).
التبصيم: لقيت اللي قدامي سعودي أخذ مني البصمات وقال انتظر في الصالة المجاورة الين ما يجي سراك.
الانتظار: طبعا مفعول السكسوكة مع الكشخة وربطة العنق خلت كل الأنظار علي.. لدرجة اني سمعت واحد مع اخته يتضاحكون ويغامزون علي. ويوم أقوم أجعص وأحط رجل على رجل.. المهم جا دوري Next Applicant Window 9 please.
المقابلة: اللي سوالي المقابلة واحد أمريكي أول ما شافني ابتسم ويوم أقوله هاللو ويرد علي بصوت أعلى من صوتي مع ابتسامة عريضة أدخلت الطمأنينة في قلبي
- مجتهد فين رايح؟
+ عطيته اسم الولاية والمدينة
- ليش؟
+ أدرس لغة
- وبعدين؟
+ أدرس ماستر
- في أي مجال؟
+ ذكرت تخصصي
- وش اسم المعهد؟
+ عطيته الاسم والموقع والخريطة ابتسم.. وقعد شوي يطقطق على الكمبيور
- هل سافرت خارج السعودية؟
+ لا، سيدي.. لم ـأسافر
- أقصد!! حتى لو البحرين أو قطر؟
+ لم أسافر مطلقا سيدي!
- دو يو هاف اني ريلاتيف ان يونايتد ستات؟
+ ياس ماي بروذر (يعني ايه اخوي في امريكا)
- في نفس المعهد؟ أو الولاية؟
+ لا، في ولاية أخرى..
- مممممممممممممم
- تفضل تأشيرتك مقبولة اسبوع ويوصلك الجواز عطاني كرت صغير وردي عشان أسدد رسوم الفيدكس.
+ ثانك يوم بابتسامة كبيرة.
- اتمنى لك حظ موفق (قالها وهو يتبسم).
الأوراق اللي أخذوها:
* صورة من الأي توني
* ورقة التـأكيد
* الجواز
* ايصال دفع سامبا
فــقـــــــــــــــط!!!
وأخذت طيارة اليوم الثاني ورجعت البيت.. وسلامتكم.
سامحوووووووووني على الإطالة وعلى اللغة العامية.. حاولت ألطف الموضوع وربنا يوفقنا وياكم
بس سؤااالي ليش ما عطاني كرت أزرق أو أحمر أو بنفسجي؟؟؟؟؟ وين الكروت هذي اللي تتكلمون عنها؟؟؟؟
لا يكون قصدكم كرووت الفيدكس