مبتعث مستجد Freshman Member
الولايات المتحدة الأمريكية
ميونته , أنثى. مبتعث مستجد Freshman Member. من السعودية
, مبتعث فى الولايات المتحدة الأمريكية
, تخصصى Finance
, بجامعة none
- Philadelphia, Pennsylvania
- السعودية
- Aug 2009
المزيدl March 1st, 2010, 12:43 AM
يا عيني على الموضوع الرااااااااااااااااااااااااااااااايق ... ماودك تطلع منه
موضوع بمزاااااااااااااااااااااااااااااج عالي والله من كثر هالالون تحس انك بالملاهي
مبروك خيووتووو وعقبال الخمس سنوات والتخرج وكلة كله
موفقه وتقبل مرووري ,,,,
F A B R E G A S March 1st, 2010, 12:58 AM
7 " مشكوووووووووووره
بكره موعدي
الله يعين
وعقبال الفيزا خمسسسسسسسس سنين
مبتعث متردد حاسب March 1st, 2010, 01:08 AM
7 " الله يجزاك الف خير و الله انه طلعها من قلب مضوع جدا متميز
صراحه هذا موضوع للتثبيت على الاقل حتى نهاية شهر مارس
و فيه سؤال بسيط و ش النواقص اللي كانت عندكم ؟؟؟؟ >>>>> مو لقافه بس عشان نعرف المطلوب
مرمريس March 1st, 2010, 01:40 AM
7 " 
LinkBack URL
About LinkBacks
March 1st, 2010, 12:43 AM
بسم الله الرحمن الرحيم ..موعدي كان الأحد 28/2 الساعة 8:30 الصباح
صحينا الساعة 7 وعلى ماافطرنا طلعنا 7:30 وصلنا هناك 8 إلا خمس وتبتدي المغامرة
تجهيزات الاوراق المطلوبة ..
للمبتعث الاساسي :
1- ورقة تأكيد الموعد
2- الجواز + صوره منه
3- وصل تسديد رسوم السيفيس 200$
4- وصل تسديد رسوم الفيزا SR498
5- ورقة تأكيد DS-160 + الابليكيشن كامل
6- I-20 الاصل + صوره منه
7- وثيقة التخرج صوره مختومه طبق الاصل
8- كشف درجات
9- صورة شخصية 5*5
للمرافق :
1- الجواز + صوره منه
2- وصل تسديد رسوم الفيزا SR498
3- ورقة تاكيد DS-160 + الابليكيشن كامل
4- صورة مختومه طبق الاصل من آخر شهادة دراسية
5- شهادة بنكية من والد زوجي + كشف حساب لمدة 6 شهور
6- افادة من جهة العمل + تعريف بالراتب
7- صورة شخصية 5*5
هنا صورة توضح وصف القنصلية
الظهران مول معروف
تخليه على يسارك وتروح كأنك رايح على جامعة الملك فهد للبترول والمعادن
وبس تجيك أول إشارة بعد التفتيش تسوي يوتيرن وترجع ، أول لفة على اليمين بتجيك دورية .
بعد ماتوقف سيارتك يبدأ مشوار المشي
خلو الاغراض في السيارة (شنطة - جوال - مويه ) لانهم بيأخذونها منكم
أول هندي يفتش فلللللله يمووووووت من الضحك متحمس
وبعدها تمشي لين الخط وتوقف في الصف واحد واحد ماتتحرك إلا لما يأشر لك
اللي عند الباب ، وتجي عند الشباك عند وحدة سودانية بتأخذ الجواز منك
بس وبتشيك على اسمك انو موجود اليوم .
وبعدين تدخل من الباب وتمر بجهاز وبعدها يرجعون لك الجواز وتدخل
تمشي مع الاسهم الصفراء لحد ماتوصل لباب زي حق السجون
تدخل على ساحة مزروعه على يمينك وقبالك مبنى روح للي على اليسار وهذي هي الصاله اللي حكو عنها البنات
ابد تدخلون الصالة ويعطيكم رقم الهندي وتجلسون على آحد الكراسي
كان شباك 1،2،4 كان تدقيق في الاوراق و 3 فاضي
بعدين على الساعه 9
تغير الوضع صار 2،3 مقابلات
شباك 2 واحد شايب شوي
بس شكله مايعرف عربي .
شباك 3
هذي امريكية عسل تدننننننننن وتعرف عربي .
أنا وزوجي جلسنا لحد ماجاء رقمنا عند شباك 4
طلبت منا
الجوازات
وصل السيفس
وصل تسديد الفيزا
وصورة من I-20
وصورة من اخر شهادة
وأنا من عندي عطيتها صورة من ورقة التدقيق حقت الابتعاث
وبعدها بصمتنا ورجعنا جلسنا
وبعد كذا جلست ادعي ادعي ادعي عشان تنادي علينا 3
والحمد لله جت ساعة الفرج وآخيراً ، وتنادي علينا
وأبد كم سؤال خفاف وتدنن تدنن تدنن .
ليه بتروحون امريكا .
ايش بتدرسون .
سألتني وقالت أنو أنا مبتعثه وانو رقمي مو عندهم
ناظرت في ورقة التدقيق وسألتني جديدة
قلت لها لا من زمان قالت خلاص طيب
سألت زوجي علي حساب مين بيدرس قال انو هو مرافق واوريدي الوزارة مسؤولة
بس عطاها كشف حساب أبوه وقالت أوكي .
رجعت لي الشهادات وبس
عطتنا ورقة صفراء بالنواقص اللي هي هذي
وبعدين عطتنا كرتين ورديين وقالت روحو FedEx ودفعنا 65 ريال
وبغيت احب راس الفلبيني من الوناسه
ملاحظات :
*لحد يقعد قريب من المكيف والله ياهو ينفخ نفخ
*الحمام وانتو بكرامه مافيه شطاف نظام امريكي
*ماخذو ولا طلبو ورقة تأكيد الموعد
دخلنا 8 وخلصنا 11
والحمد لله تمت على خير ..
آسفه على التآخير
وأي سؤال أنا حاضره عيوني لكم ..
** تحديث
الحمد لله على تيسير الامور ،، الله ييسرها على باقي أخواني
تاريخ 10 مارس الساعة 11:20 استلمت الفيزا أنا ومرافقي ولله الحمد F1
طبعاً هم ماأتصلو علي تبع FedEx
أنا كنت اشيك على الموقع طول الوقت
http://www.fedex.com/Tracking
وبتلاقون التفاصيل في المربع الأحمر
وهذا موقعهم للي مايدله
والحمد لله رب العالمين أولاً وأخيراً انتهينا من هالفصل على سلام
وعقبال الكل يارب ..