تكفوووون يالربع << مضيع الباسورد حق السفاره

March 6th, 2010, 12:03 AM

الموضوع وما فيه
فيه واحد دب غبي وفي نفس الوقت متخلف ومعقد عاطفيا
المهم الدب يقول لي : ياكليب ترى انا الي بخلص موضوعك معى السفاره وبحجر لك ولا لك الا موعد على كيفك
وانا اقول له : يادب تكفى اقلب وجهك بروح لبو رامي يخلصها لي احسن منك

المهم الدب رفض رفضا قاطعا الا انه يخلصها لي وانا انسان طيب وعلى نياتي قلت له اوكي شورك وهداية الله

بعدين الدب ماقصر حجز الموعد وعبا الابليكيشن وسوا كل شي الاحاجه وحده << انا اصلن غاسل ايدي منك يا دب
الي هي ان المغفل الدب ناسي كلمه المرور ولا هو عارف جواب السؤال السري
بس هو يقول لي لا تخاف ترى الباسورد موجوده بالإيميل قلنا مايخالف
لكن الدب المغفل ناسي ايميله فاتح في احد المقاهي فما كان من الشرير الي دخل بعده
الا ان يمسح جميع الرسايل الي بالاإيميل وطبعا مسح رساله السفاره << ابي اعرف الانسان ذا ويش استفاد من هذي الحركه؟؟؟

طيب بعضكم بيقول وش تبي من الباسورد انت خلاص حجزت الموعد
فنا اقول لكم ان الدب المغفل نسي مايطبع ورقه حجز الموعد ولا اقدر اطبعها الا بالباسورد

المهم والي ابيه منكم
الحين الورقه هذي ( ورقه الموعد مع السفاره) هل هي ضروريه؟؟
الحين اقدر استرجع كلمه المرور؟؟ اذا نعم طيب كيف اسوي؟؟
بعدين يكيف اقدر اتواصل مع السفاره؟؟ يعني لهم رقم تيلفون هم؟؟ او لهم ايميل خاص بهذي المشاكل؟؟
مع العلم اني ارسلت لهم رساله ندا واستغاثه وطلب للفزعه على هذا الايميل (تم حذف الإيميل لأن عرضه مخالف لشروط المنتدى)
وجاني رد اوتماتيكي على انهم بردون على من 3 الي 5 ايام والحين صار لي 6 ايام ماردو علي<< أصلن ماعليهم شرهه امريكين ماعندهم فزعه ولا نخوه << اخاف السفير يقرا موضوعي وينكبني

قصدي الامريكين كويسن واكوس ناس في العالم << اعقب يالجبان

اسف على الاطاله وترون الموضوع حيل جدي وتكفوون

• نشر عبر تويتر
• نشر عبر فيسبوك
• نشر عبر جوجل