ماذا بعد I-20؟؟ ساااااعدوني

وعليكم السلام ورحمه الله وبركاته

I-20 وصل مع انه مو من المعهد اللي ابغاه ,,,واللي ابغاه شكله بيطول ..ومختاره موعد بدء الدراسه في شهر 9 ميلادي.. وهل يميدني الوقت؟

اختي تغييرالمعهد يلزمه خطاب من الوزاره , والمعامله تاخذ من اسبوع الى 2 او اكثر في بعض الحالات
وعموما لو مو مستعجله ع بدايه دراستك فبإمكانك تغيري لو كنتي حابه , لأن شهر 9 بعيد لوكان القبول لغه فقط

باقيلك تحجزي موعد للفيزا يكون مو أكثر من 4 شهور من موعد دراستك =120 يوم
تدفعي رسوم السيفيس على القبول
بعد ماتصدر الفيزا لكٍ بإذن الله يبقى عليكِ إصدار قرار الابتعاث من الوزاره بالرياض ثم أمر الإركاب

الحين معاي اخوي راح يكون مرافق ويبغي يدرس بس ماجاء له I-20 فعادي اطلع له F1 واقول للسفاره انه بيقدم علي المعهد اول مانوصل لان سالفه تغيير الفيره من B2 الي F1 فيها وجع راس وبتطييح كلها علي راسي هههه

بإذن الله عادي لو كان معاه كشف الحساب وضمان مالي شخصي , لكن أنا أفضل ان الي يروح موعد السفاره تكون أوراقه كامله ..

وعندي سؤال اخير ..اهلي راح يطلعون معاي سياحه فااقدر اخذ لهم موعد معاي وبنفس الوقت ؟

الموعد الواحد تقدري تضيفي فيه 4 اشخاص
ولو اكثر لازم تشتري يوزر ثاني وتاخذي موعد ثاني ل 4 اشخاص اخرين

مشكوره الف شكر اختي ..

انا جبت القبول من طريقي الخاص يعني انا دفعت كل شوي وبضمان مالي من عندي عشان يكون اسرع ..لان اللي سمعته اذا جبت القبول بنفسي يكون احسن من كل النواحي ..فهل هذا خطأ؟

لو إنتي من مبتعثين البرنامج , المرحله الخامسه
لازم القبول الي معاكي يكون مختوم من الوزاره ومن المكتب المتكفل بإحضار القبولات
وفي احتمال ينرفض قبولك وقت اصدار قرار الابتعاث

وعشان تتأكدي وتشوفي وضعك أنصحك تتصلي على الوزاره او ترسلي ايميل تستفسري عن القبول تبعك
012107533 رقم الوزاره

اها مشكوره ...
والله لايرحمنا منكم ومن هذا المنتدي