الأعضاء الإشتراك و التسجيل

الملتقيات
ADs

تقرير القنصلية الأمريكية بالظهران.. يوم الاثنين 15\3 .. تقرير + خريطة الموقع بالصور

تقرير القنصلية الأمريكية بالظهران.. يوم الاثنين 15\3 .. تقرير + خريطة الموقع بالصور


NOTICE

تنبيه: هذا الموضوع قديم. تم طرحه قبل 5127 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية naser1
    naser1

    مبتعث مستجد Freshman Member

    naser1 الولايات المتحدة الأمريكية

    naser1 , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى شبكات , بجامعة معهد الـ ELS
    • معهد الـ ELS
    • شبكات
    • ذكر
    • philadelphia, PA
    • السعودية
    • Feb 2010
    المزيدl

    March 16th, 2010, 10:24 AM

    السلام عليكم ورحمة الله وبركاته
    تحية طيبه وبعد
    هذا تقرير عن القنصلية الامريكية بالظهران
    والاجراءات الخاصة بطلب الحصول على فيزا .
    كان موعدي يوم الاثنين 15 - 3 - 2010
    وصلت بحمدلله للشرقية .. وحجزت شقة في العقربية جنب مجمع الراشد ( 10 كيلو فقط عن القنصلية )
    ويوم الاحد رحت اتأكد من عنوان القنصلية الامريكية عشان يوم الاثنين ما اتأخر او اضيع
    والعنوان جدا سهل
    هذا كروكي عام للطرق إلى القنصلية :


    هذا كروكي لـ :

    1 - المواقف
    2 - التفتيش الاولي
    3 - الطابور
    4 - الشباك
    5 - مبنى المقابلة .

    موعدي كان الساعه 10 صباحاً
    وصلت لـ الموقع الساعه 09:35
    تركت جميع الاغراض الشخصية بالسيارة ما عدا شنطة الاوراق + المحفظة + النظارة + مفتاح السيارة
    واتجهت إلى نقطة التفتيش الاولية , النقطة فقط اللي يتفتش فيها الرجال ( ما يفتشو الحريم )
    اخذ المحفظة + المفتاح وحطهم في كيس واعطاني الكيس بعد ما خلص مفتش .
    بعد كذا وقفت في الطابور لمدة نص ساعة تقريبا .
    ( ملاحظة للبنات )
    انتبهو من النمل ;-)
    بعد كذا انتجهت للشباك
    * ملاحظات :
    - اذا كنتوا اثنين ( امرأة مع مرافق سواء زوج اخ اب ) اللي يروح للشباك أول ياخذ معاه جوازه و جواز اللي معاه + ورقة تأكيد الموعد .
    - الشباك ما يستقبل إلا شخص واحد , اذا كنتوا اثنين .. تروحوا على دفعتين مو مع بعض - ليدز فيرست ;-)
    - مفتاح السيارة تسلموه عند الشباك وتاخذو كرت برقم وانتو طالعين تاخذوه .
    - اذا كنتوا اثنين , تتقابلوا بعد الشباك مباشرة .. يعني فقط كل واحد يكون لحاله لما يعدي من جهة الشباك .
    بعد كذا رحت لـ المبنى اللي فيه المقابلة
    عبارة عن غرفة وحده فيها كراسي و فيه اربعه شبابيك للمقابلات . وفيه بالوجه مكتب وعاليسار كشك لـ فيدكس .
    اول ما تدخل تسحب رقم كان رقمي 44 , بعد ما تجلس بشويا فيه وحده ( عربية ) تنادي عليك و تجهز الاوراق معاك
    الاوراق اللي اخذتها مننا هي :
    - الجوازات
    - صورة من الـ آي توني
    - صورة من الشهادة ( المترجمة )
    - صورة من كشف الدرجات ( المترجمة )
    - الابلكيشن
    - اصل رسوم الفيزا
    - نسخة من سداد السيفيز
    بعد ما جهزت الاوراق , حطتهم مع بعض و قالت اجلس لحد ما يطلع الرقم بالشاشة
    بعد كذا جلسنا لحد ما طلع رقمنا , رحنا لشباك رقم 4 , شيكت عالجواز بعد كذا اخذت البصمة الإلكترونية
    اول شي تحط اصابع يدك اليمين , بعدين تحط اصابع يدك اليسار , بعدين تحط الابهامين مع بعض
    بعدين سألتنا عن رقم المبتعث ( مهم جدا تحفظوه او تكتبوه بورقه ) اللي هو يبدأ بـ kas
    بعد كذا قالت تفضلوا اجلسو لحد ما ينادو على رقمكم مرة ثانية
    جلسنا شويتين , بعدين نادوا على رقمنا بالمايكروفون ( اول شي نادو على الرقم لتجهيز الاوراق مع الاخت من السودان - بعدين طلع رقمنا بالشاشة واخذو البصمة - المرة الثالثة نادوا على رقمنا واتجهنا لشباك
    رقم 3 )
    سألتنا كم سؤال , اي مدينة \ ايش معاك شهادات \ ايش حتدرس \ هل زرت ايران او سوريا \ ايش الدول اللي زرتها .
    بعد كذا أعطتنا كارت , وقالت روح لـ آخر الغرفة ( جنب الباب ) فيه كشك لـ شركة نقل ( فيدكس )
    وبكذا انتهت المقابله

    رحت لـ آخر الغرفة جنب الباب , لكشك فيدكس
    أعطيته الكارت , واعطاني ورقة اعبيها وشرح لي كلام كثيرر مفاده
    بعد ما ينتهي الجواز يرسلوه ليا بجدة سواء مناولة بالبيد أو ازور احد فروعهم .
    المعلومات المطلوب تعبيها عند فيدكس هي :
    - رقم البيت
    - الاسم كامل
    - رقم الجوال
    - الشارع
    - الحي
    - وصف للمنزل ( اسم الشارع + الحي + رقم المنزل ( واذا ما تعرفه زيي ) أكتب اي شي مميز مثلا بجوار مدرسة كذا او بنك كذا إلخ )
    - المدينة
    - الدولة
    - التوقيع
    المبلغ : مبلغ 125 ريال

    * ملاحظات :
    كل المعلومات لازم تكتبها بالانجليزي , مو لازم تكون دقيقه اي شي يمشي الحال ( والفلبيني اللي يشتغل في فيدكس ما يقصر )
    اذا نسيت الفلوس ( زيي ) اطلع برا وجيب فلوسك وارجع مرة ثانية وادفع لفيدكس وخذ الايصال .
    ملاحظات ونصائح :
    - حاول تروح للقنصلية قبل الموعد بيوم وتعرف المكان عشان يوم المقابلة ما تضيع .
    - قريت انه ممنوع دخول اقل من 14 سنة , وهذا غير صحيح كان فيه بنات زغينونات وكمان فيه بنت لسا بيبي .
    - وقت تجهيز الاوراق مع الاخت السودانية ما طلبت صور شخصية بعكس ماهو مكتوب بموقع السفارة !
    - وانا بستنى دوري سمعت الاخت السودانية تقول لواحد مرافق مع اخته : ( فيزا F2 نعطيها فقط للزوج المرافق او الزوجة المرافقة ) .
    - الاخ المرافق لازم يجيب I-20 + ضمان مالي ( المتكفل بالدراسة ) ( طبعا بعد ما يوصل لواشنطن ياخذ ان شاء الله ضمان من الملحقية بالتكفل بدراسته ) .
    - الزوج المرافق لازم يجيب خطاب تعريف من جهة عمله .
    - أهم نصيحه ممكن أقولها , خوذو معاكم جميع الاوراق اللي تحتاجوها واللي ما تحتاجوها + صور لـ جميع الاوراق والجواز والسيفيز والابلكيشن والاي توني وايصال تسديد رسوم الفيزا من بنك سامبا وصورك
    وانت نايم كمان ( امزح ) لانه بجد ما احد يدري ايش ممكن يكون مزاج اللي قدامك ( نقلنا لهم العدوة )
    لان فيه واحد قالو له كمل اوراقك و خذ موعد جديد !! ما ادري ايش الورقة اللي ناقصه عليه بس اتوقع انها ورقة وحده في الابلكيشن .


    الاجراءات الحمدلله سهله والموضوع بسيط ما يحتاج إلا تركيز و اوراق كاملة وقبل هذا وذاك توفيق وتسهيل من رب العالمين
    وآخر دعوانا ان الحمدلله رب العالمين , والصلاة والسلام على حبيبنا ونبينا محمد وعلى آله وصحبه وسلم
    أي سؤال اخوكم حاضر

    وياهلا
  2. هادي السودانيه شايفه نفسها على الفاضي وسمعتها تزعق كمان على واحد تقوله ما تعرف وترتب اوراقك من البيت

    وكلامها متنااااااااقض >> كرهتها فجأة :@

    لان اخويا اخد فيزا F1 بس ما جاب شهاده بنكيه قالت له انت مرافق تاخد فيزا F2

    بس مني عارفه لو جاته الفيزا F2 يقدر يغيرها ولا لا


    يعطيك العافيه اخووي كفيت ووفيت
    7 "
  3. موضوع متعوب عليه
    يعطيك الف عافية عالمجهود
    انا موعدي يوم 5 شهر 4 الله يستر
    سؤال يسدح نفسه بقوه الحين وش الفرق بين كشف الدرجات ووثيقه التخرج
    هي ظنتي ورقه وحده الخضرا اللي يكون فيها الدرجات >> انلحس الولد
    7 "
  4. ^
    ^
    هذه يخوك يعطونها المتخرج الجامعي (كشف الدرجات + وثيقة التخرج)
    اما الثانوية .. فقط شهادة التخرج
    ____
    والف شكر لصاحب الموضوع
    موضوع مشروح .. وبكامل التفاصيل الدقيقة
    جزاك الله الفردوس الاعلى
    وعقبال الفيزا خمس سنوات باذن الله
    موفق
    7 "
  5. المشاركة الأصلية كتبت بواسطة Mandoleen
    هادي السودانيه شايفه نفسها على الفاضي وسمعتها تزعق كمان على واحد تقوله ما تعرف وترتب اوراقك من البيت

    وكلامها متنااااااااقض >> كرهتها فجأة :@

    لان اخويا اخد فيزا F1 بس ما جاب شهاده بنكيه قالت له انت مرافق تاخد فيزا F2

    بس مني عارفه لو جاته الفيزا F2 يقدر يغيرها ولا لا


    يعطيك العافيه اخووي كفيت ووفيت
    هلا اختي الكريمة
    الله يعافيك ويوفقك يارب

    بالنسبة لتغيير الفيزا من F2 إلى F1
    عن طريق المعهد في امريكا , بعد ما يوصل وياخذ الضمان المالية من الملحقية
    يطلب من المعهد يحولوه إلى F1
    والعملية تاخذ من أسبوعين إلى 6 شهور
    ويتم تحويله إن شاء الله بلا مشاكل
    يعني مجرد وقت

    بالنسبة لـ الاخت السودانية , للأسف تعاملها مو كويس
    والشيء المحزن إن الاجانب ( غير العرب ) تعاملهم كويس بعكسها .



    بالتوفيق يارب
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.