April 7th, 2010, 01:16 AM
بسم الله الرحمن الرحيم ..
في تاريخ 6/4/2010 كان موعدي في السفارة الامريكية في الرياض ..
الزبده ..
كنت قد جهزت :
1- جواز السفر الجديد + جوازي القديم + صورة ملونه من جواز السفر
2 - تأكيد المقابلة
3 - صور لوجهي جعلني ما أبكيني
مقاس 5*5 طبعا ً مكشوف الرأس على قولتهم
مع اني مافهمت كيف مكشوف الرأس !! يعني بدون جمجمه والا كيف !!
المفروض يقولون بدون تغطية الشعر أفضل
4- تأكيد دفع رسوم السيفيس + خطاب السيفيس بكبره وصلني وخذته معاي
5-شهادة بالرصيد (لا أحد يقول لي ضمان) اسمها شهادة بالرصيد ,, يعني في اليوم الفلاني وفي الساعة الفلانية اللي نطبع لك فيها ورقه من البنك نقول فيها : ترى الرجال هذا في حسابه عندنا مبلغ كذا وكذا .. وماراح ينحجز المبلغ ولاشي . لو تبي تطلع الشهاده وبعدها تقفل حسابك لو بغيت ماعليهم منك .
5- كشف حساب لمدة 6 شهور , طبعا ً يكون ست شهور قبل انك تسحب المبلغ من حسابك ,, بلاش فضايح
6-شهادة بالرصيد لحساب الوالد الله يحفظه + كشف حساب الوالد .
7- شهادة البكالوريوس مترجمه ومختومه من الجامعه + الترانسكريبت مترجم ومختوم .
8- صورة من معادلة الشهادة في شركة WES الأمريكية
9- توصيتين من دكاتره في الجامعة ,, الظاهر انهم ماعمرهم درسوني بس مشي حالك
10 - قبول لغه من معهد الجامعة اللي تم فيها قبولي
11- قبول مشروط من الجامعة
12- شهادة كورس لغه لمدة شهر من بريطانيا .
13 - ىصورة لآخر كشف راتب وصلني من العمل
14 - طبعا ً الآي توني بعد ماوقعت عليه وكتبت اسمي + صورة منه لأنهم بياخذونها ولازم تكون موقع عليه قبل تصوره علشان مايتفلسف عليك ذاك ابو وجه اللي مسوي فيها قنصل وفي الأخير طلع من جنبها وانا كنت محترمه .
15 - أهم شي واللي هو قسيمة سداد المقابلة من مجموعة سامبا المالية .
16 - طباعة نموذج الـ DS-160 اللي عليه الباركود وفيه صورة وجهي جعلي ما أبكيني .
/
/
/
كل ذا الأوراق جاي اسحبها معي .. كني بقدم على منحة أرض والا كني مقدم على وظيفة ملك على المرتبه الخامسه ..
بس تمصعت يدي على الفاضي وانا شايلها ,,
وفي الأخير طلبوا مني بس :
جواز السفر الجديد
صورة الاي توني موقع عليها قبل التصوير
نموذج DS-160
قسيمة سداد 498 من سامبا
وجت المقابله ,, ويجي حظي عند واحد سنافي بس اني من يوم شفته وقال لي (مرحبا) بالعربي وهو وجهه وجه أمريكي قمت أضحك ,, لأني أحس انه فلم مدبلج , يعني كلامه بالعربي أبد ماهو راكب على وجهه .
وكل ماسألني ضحكت ,, لين شك في نفسه وقال خلاص رح لفيدكس وتوكل على الله
وكانت أسئلته :
اين ستدرس
قلت في امريكا
بغى يصفقني , قال اي ولايه . قلت له وانا اضحك في ولاية ويست فيرجينيا
واين درست الجامعه ,, قلت في السعوديه
قال اقصد في اي جامعه
جاوبته برضو وانا طاق الابتسامه
هل سبق وان ذهبت الى امريكا .. قلت لا ,, واطقه بابتسامه جديده غير الابتسامه الأولى
قال التقط السماعه !!! قلت نعم ؟؟ قال كلمني بالهاتف .
قلت يله
وانا فاقع ضحك
المهم سألني من سيدفع تكاليف الدراسه ,, قلت أنا , وابوي , وتوني بصفقه بالكشوفات والأوراق يوم قال حسنا ً ستصلك الفيزا خلال اسبوع .. لكن ضع بصمتك !! حسيت انه برنامج حق الشيخ العريفي .. قلت وين قال على هذا الجهاز .. واجي احط بصمتي واشوف على الجهاز انواع الدواوير بصمات العالم قبلي ,, قلت اصبر أبمسحه يالطيب ترى العمر مش بعزأه
ومسحت الجهاز وهو جالس يضحك
وبصمت له وقلت شكرا ً وجزاك الله خير !! حسيت انه مافهمها بس اهم شي اني مصفي النيه .
وكان معاي احد الشباب عنده مقابله , طلبوا منه كشف حساب قال ماجبته ,, قالوا اوكي لكن المفروض انك جبته ,, ومشوه ماخالفوا ,
وعموما ً الشي المهم اللي لاحظت انهم يركزون عليه هو اللي تم ذكره لك في تأكيد المقابله وغيرها ماهو ضروري ولا احد يشق بنفسه ويشغل حاله , الا اذا هو فاضي مثلي وماعنده مشاكل ,, وعموما ً كل الاوراق هذي راح تحتاجها اذا ماهو في السفاره اكيد بتحتاجها في الملحقيه في امريكا بعد السفر.
والدعوا سهالات جدا ً جدا ً ..
ومشكلة بعض الأخوان هنا في المنتدى خوفونا وحسسونا انا داخلين حرب مهوب مقابله .. الله يهديهم
.
.
هذي قصتي معهم وان شاء الله يستفيد منها اللي يحتاجونها .. مع اني ماهقيت اني قلت اي شي مفيد
لكن الشكوى لله
-----------------------------
-----------------------
----------------
(((تحديث)))
وبعد صبر دام لمدة 12 يوم تم استلام الجواز بالفيزا .. بتاريخ 18-3-2010
وعقبال باقي الشباب
.
April 7th, 2010, 01:16 AM
بسم الله الرحمن الرحيم ..في تاريخ 6/4/2010 كان موعدي في السفارة الامريكية في الرياض ..
الزبده ..
كنت قد جهزت :
1- جواز السفر الجديد + جوازي القديم + صورة ملونه من جواز السفر
2 - تأكيد المقابلة
3 - صور لوجهي جعلني ما أبكيني مقاس 5*5 طبعا ً مكشوف الرأس على قولتهم مع اني مافهمت كيف مكشوف الرأس !! يعني بدون جمجمه والا كيف !! المفروض يقولون بدون تغطية الشعر أفضل
4- تأكيد دفع رسوم السيفيس + خطاب السيفيس بكبره وصلني وخذته معاي
5-شهادة بالرصيد (لا أحد يقول لي ضمان) اسمها شهادة بالرصيد ,, يعني في اليوم الفلاني وفي الساعة الفلانية اللي نطبع لك فيها ورقه من البنك نقول فيها : ترى الرجال هذا في حسابه عندنا مبلغ كذا وكذا .. وماراح ينحجز المبلغ ولاشي . لو تبي تطلع الشهاده وبعدها تقفل حسابك لو بغيت ماعليهم منك .
5- كشف حساب لمدة 6 شهور , طبعا ً يكون ست شهور قبل انك تسحب المبلغ من حسابك ,, بلاش فضايح
6-شهادة بالرصيد لحساب الوالد الله يحفظه + كشف حساب الوالد .
7- شهادة البكالوريوس مترجمه ومختومه من الجامعه + الترانسكريبت مترجم ومختوم .
8- صورة من معادلة الشهادة في شركة WES الأمريكية
9- توصيتين من دكاتره في الجامعة ,, الظاهر انهم ماعمرهم درسوني بس مشي حالك
10 - قبول لغه من معهد الجامعة اللي تم فيها قبولي
11- قبول مشروط من الجامعة
12- شهادة كورس لغه لمدة شهر من بريطانيا .
13 - ىصورة لآخر كشف راتب وصلني من العمل
14 - طبعا ً الآي توني بعد ماوقعت عليه وكتبت اسمي + صورة منه لأنهم بياخذونها ولازم تكون موقع عليه قبل تصوره علشان مايتفلسف عليك ذاك ابو وجه اللي مسوي فيها قنصل وفي الأخير طلع من جنبها وانا كنت محترمه .
15 - أهم شي واللي هو قسيمة سداد المقابلة من مجموعة سامبا المالية .
16 - طباعة نموذج الـ DS-160 اللي عليه الباركود وفيه صورة وجهي جعلي ما أبكيني .
/
/
/
كل ذا الأوراق جاي اسحبها معي .. كني بقدم على منحة أرض والا كني مقدم على وظيفة ملك على المرتبه الخامسه ..
بس تمصعت يدي على الفاضي وانا شايلها ,,
وفي الأخير طلبوا مني بس :
جواز السفر الجديد
صورة الاي توني موقع عليها قبل التصوير
نموذج DS-160
قسيمة سداد 498 من سامبا
وجت المقابله ,, ويجي حظي عند واحد سنافي بس اني من يوم شفته وقال لي (مرحبا) بالعربي وهو وجهه وجه أمريكي قمت أضحك ,, لأني أحس انه فلم مدبلج , يعني كلامه بالعربي أبد ماهو راكب على وجهه .
وكل ماسألني ضحكت ,, لين شك في نفسه وقال خلاص رح لفيدكس وتوكل على الله
وكانت أسئلته :
اين ستدرس قلت في امريكا بغى يصفقني , قال اي ولايه . قلت له وانا اضحك في ولاية ويست فيرجينيا
واين درست الجامعه ,, قلت في السعوديه قال اقصد في اي جامعه جاوبته برضو وانا طاق الابتسامه
هل سبق وان ذهبت الى امريكا .. قلت لا ,, واطقه بابتسامه جديده غير الابتسامه الأولى
قال التقط السماعه !!! قلت نعم ؟؟ قال كلمني بالهاتف .
قلت يله وانا فاقع ضحك المهم سألني من سيدفع تكاليف الدراسه ,, قلت أنا , وابوي , وتوني بصفقه بالكشوفات والأوراق يوم قال حسنا ً ستصلك الفيزا خلال اسبوع .. لكن ضع بصمتك !! حسيت انه برنامج حق الشيخ العريفي .. قلت وين قال على هذا الجهاز .. واجي احط بصمتي واشوف على الجهاز انواع الدواوير بصمات العالم قبلي ,, قلت اصبر أبمسحه يالطيب ترى العمر مش بعزأه
ومسحت الجهاز وهو جالس يضحك وبصمت له وقلت شكرا ً وجزاك الله خير !! حسيت انه مافهمها بس اهم شي اني مصفي النيه .
وكان معاي احد الشباب عنده مقابله , طلبوا منه كشف حساب قال ماجبته ,, قالوا اوكي لكن المفروض انك جبته ,, ومشوه ماخالفوا ,
وعموما ً الشي المهم اللي لاحظت انهم يركزون عليه هو اللي تم ذكره لك في تأكيد المقابله وغيرها ماهو ضروري ولا احد يشق بنفسه ويشغل حاله , الا اذا هو فاضي مثلي وماعنده مشاكل ,, وعموما ً كل الاوراق هذي راح تحتاجها اذا ماهو في السفاره اكيد بتحتاجها في الملحقيه في امريكا بعد السفر.
والدعوا سهالات جدا ً جدا ً ..
ومشكلة بعض الأخوان هنا في المنتدى خوفونا وحسسونا انا داخلين حرب مهوب مقابله .. الله يهديهم
.
.
هذي قصتي معهم وان شاء الله يستفيد منها اللي يحتاجونها .. مع اني ماهقيت اني قلت اي شي مفيد
لكن الشكوى لله
-----------------------------
-----------------------
----------------
(((تحديث)))
وبعد صبر دام لمدة 12 يوم تم استلام الجواز بالفيزا .. بتاريخ 18-3-2010
وعقبال باقي الشباب
.