استفسار مقابلتي بكره , فزعتكم , استفسار بسيط , عسى ربي يوفقكم

الضمان المالي لازم يغطي تكاليف الدراسه الي موجوده في الايتوني او اكثر منه

كشف الحساب اغلب البنوك يكون عربي وانجليزي بنفس الوقت

الشهادة البنكيه تكون بالانجليزي افضل

موفقه والله ييسر لك امورك

حياك الله يابنت الخبر

الله يوفقك بالمقابله وعقبال الفيزا,,,

أهم شي كشف حساب اذا انتي طالعه على حسابك لمدة ثلاث أشهر أو سته أشهر وبالنسبة للضمان البنكي هو يختلف عن الشهادة البنكية والمطلوب منك شهادة بنكيه لأن الضمان البنكي يحجز على مبلغك بس الشهادة البنكيه فيها معلومات مثل اسمك ومتى فتحتي الحساب والمبلغ الموجود فيه ,,,

واذا فيه احد من أهلك عنده مبلغ بحسابه وفيه مبلغ حلو أطلبي منه يعطيك كشف حساب لمدة ثلاث أشهر وخطاب منه يقول فيه أنه راح يتكفل بدراستك ومصاريفك كامله وبعد ياليت يجيب تعريف براتبه موجوه للسفاره الامريكيه على شان تساعدك في تسهيل القبول ,,,

انا في مقابلتي يوم 6-4-2010 الاسبوع الي راح سألني من الي راح يدفع تكاليف دراستك قلت له انا وأهلي مع العلم اني كنت حاط في حسابي 75000 ريال وماطلب مني الكشف على طول قال موافق على الفيزا وانا انتظرها تطلع ان شاء الله,,,

بالنسبه انك تترجمينها أو لا الكشف او الشهادة البنكيه اذا رحتي للبنك أطلبي كشف حساب باللغه الأنجليزيه وخوذي معك صوره الجواز على شان الموظفه تغير اسمك بالحساب من العربي للأنجليزي وبكذا مايحتاج تترجمينها ,,,

والله يوفقك وأي أستفسار انا حاضر للي أعرفه,,,

تحياتي,,,

اهلين بنت الخبر
ياقلبي اذا انت مبتعثة ضمن بعثات الملك عبدالله لا تشيلي هم ما راح يطلبو كشف حساب ، انا عملت مقابلتي في الرياض ما طلبو كشف حساب بس اخذته للاحتياط حتى اخويا رايح يدرس على حساب الوالد الله يطول بعمره ما طلبو كشف حساب ، لا تشيلي هم الله يسهلك ويفتح عليكي ، كل الي اخذوه مني ايصال سامبا + ورقة تاكيد النموذج الجديد + صورة من الاي تونتي .
انتي اتوكلي على الله الله يسهلك يارب ، للاحتياط خذي كشف الحساب اطلبيه من البنك ان يعطيكي كشف الحساب بالانجليزي .
إن شاء الله اكون افدتك بالتوفيق

لبى قلوبكم , الله لا يحرمنا من شباب ديرتنا ,

طيب هذي 36 الف بحساب ابوي وبكره بروح انا وياه البنك ,

ودراستي شهرين بـ 14 الف ريال تقريبا ,

مادري متوهقه اقول لابوي ان هالمبلغ مايكفي يكون بحسابك لازم زياده ,

وبعدين اذا رحت للبنك بكره بنك الراجحي , اقول لهم عطوني وش بالضبط , شهادة حساب ولا كشف حساب ولا وش بالضبط

والاساله شنهي اللي بالقنصليه علما بانني في القنصليه اللي بالظهران ,

وانا انجليزي عندي متوسط يعني هل يكلموني بالعربيه ؟

ياليت توضحون واعذروني والله مخي مضرووووب

اهلين بنت الخبر ان شالله الامور كلها بخير .
بالنسبة لكشف الحساب الافضل انه يترجم للغة الانجليزية وطالما بحسابك 63 الف فاتوقع ان هذا كافي جدا..
وللمعلومية انا اجريت مقابلتي في 5 ابريل وكانت هذي تجربتي ادخلي على الرابط :

http://www.mbt3th.us/vb/forum16/thread172280.html

وانا وضحت فيها الاوراق الهامة اللي اخذوها مني ولاسالوا عن كشف الحساب بالنسبة لمرافقي...
اتمنى لك التوفيق ويارب تخلصين من المقابلة بكل سهووولة وتكتبي لنا اش صار معاك...

ماقلت 63 الف قلت 36 الف ريال سعودي

هل هذي تكفي عندهم ولا اخلي الوالد يزودها , علما بان هذا المبلغ بيكون بحساب الوالد ,

يعني بجيهم بكشف حساب للوالد مو لي انا ,, هل فيها ضرر وياليت تجاوبون بوضوح بمشاركتي اللي قبل

بالنسبة أذا دراستك بس شهرين على كلامك للغة وعندك ال I-20 ومحددين فيه التكلفه للمعهد كذا يكون امورك أسهل وانتي لازم توضحين في مقابلتك انك ناويه تدرسين شهرين او على حسب تخطيطك على شان امورك تتسهل,,

اطلبي كشف حساب بلأنجليزي ومثل ماقلتلك غيري اسم حسابك للأنجليزي أو حساب والدك اذا هو الي يبي يكون حسابه لاتنسين هالنقطه وبالنسبه للشهادة البنكيه يطلب منك صوره الجواز ويعطيك اياها باللغه الي تبينها بس عيب بنك الراجحي مزاجي لأن حسابي عندهم مره يطلبون 50 ريال للشهادة البنكيه ومره مجانيه على حسب مزاج الموظف ,,,

تحياتي,,,

طيب انا ناويه شهرين وبقدم اوراقي من هناك على الملحاقيه وان شاء الله اخذ امر ركاب عشان اضمن البعثه ,

وانا حتى لو تنتهي الشهرين ولا نضميت على الحكومه راح امدد لشهرين بعد وادفع الفلوس ,

يعني اقول للسفاره اني بدرس شهرين بس , ولا شنو ؟ وابي كلام اكيد المبلغ 36 الف ريال , هذا يكفي يكون بكشف الحساب ,

وبعدين مافهمت قصدك يوم قلت لازم يكون اسم حساب والدك باللغه الانجليزيه , يعني اقول لهم خلو اسم ابوي باللغه الانجليزيه ,

والسموحه ادري تعبتكم معاي لكن تحملوني انا متوتره والمقابله بكره وحتى السيفس ماخلصته للحين وبخلص كل شي الصباح اليوم

بالنسبه للأسئله الي واجهتني ,,,

ليش تبي تروح لأمريكا؟
في اي ولايه ؟
وين كنت تدرس بكالوريوس؟
وين الدول الي سافرتها ؟ وهذا اهم سؤال لأن اي معلومه غلط او ناقصه ممكن ترفض فيزتك,,,
من الي راح يتكفل بدراستك؟
هل انت موظف؟

وبس يعني السالفه مرره سهله بس الي يهدي الردود الي هنا بالمنتدى معطيه المقابله اكبر من حجمها ,,,

تحياتي,,,