مبتعث جديد New Member
الولايات المتحدة الأمريكية
جاي ورايح , ذكر. مبتعث جديد New Member. من السعودية
, مبتعث فى الولايات المتحدة الأمريكية
, تخصصى قانون
, بجامعة مافيه
- واشنطن, فرجينيا
- السعودية
- Mar 2010
المزيدl April 15th, 2010, 05:47 PM
April 15th, 2010, 05:47 PM
السلام عليكم بداية اشكر اعضاء المنتدى على جهودهم واخص بالشكر العضو المتميز ( حالم ) الله يعطيه الصحه والعافيه ماقصر معي في اي استفسار بداية موضوعي راح يكون بالتفصيل الممل عشان الي عنده مقابله يقدر يستفيد ومابي من الجميع الا الدعاء لي ولجميع المسلمين بالتوفيق وان تطلع الفيزا بعد ماوصلني I20 انا كنت مقدم على لغة سنه كامله وفي نيتي ادرس ماستر واحصل قبول اذا رحت امريكا بدال مااضيع وقت بالمكاتب هنا وبحكم اني زول واكره مالي اني املى استمارات او ابليكشن اخذت اوراقي كلها ورحت مكتب عجمان الي في السفارات في ساحة الكندي جنب مطعم كودو وعبالي الابليكشن وسدد السيفس ورسوم سامبا وحجز لي موعد المبلغ مع شغلهم كلفني ( 1700 ) ريال شامله رسوم السيفس وحجز الموعد وتسديد سامبا وتعبئة الابليكشن جيتهم يوم الاثنين الي راح حصلت موعد يوم الاربعاء بعد بيومين الساعه 1 طبعا الاوراق المطلوبه في تعبئة الابليكشن الجواز + وثيقة التخرج من الجامعه + شهادة الثانوي + معرفة تواريخ الميلاد للوالدين + عنوان احد يقرب لك في امريكا + يطلبون شهادة اثنين من الاصدقاء بالسعودية انهم رايح تدرس تحط اسماء وارقام لهم + I20 عشان يعرفون عنوان الجامعة الزبده الي يحس انه عجاز مثلي وماله اي خلق يعبي ويسدد ويحجز موعد يسوي زي ماسويت طبعا مكان السفاره الامريكية قريبه من ساحة الكندي مره ومن السوق يعني الي يوقق سيارته قدام السوق يقدر يمشي له ونصيحه الي موعده الساعه 1 يجي الساعه 11 لان راح يكون زحمه عند البوابه انا كان موعدي الساعه 1 ودخلت السفاره الساعه 1 ونص مافي اي مشكله بس عشان الي يبي يخلص بدري طبعا قبل الدخول للسفاره فيه شباكين شباك للي معهم جواز امريكي وشباك للي مامعهم بالنسبه الي رايح يدرس في امريكا يقدم للموظفه الي عند الشباك قبل دخول السفاره الجواز + ورقة الموعد + ورقة التاكيد + تسديد سامبا + تسديد السيفس + I20 طبعا الاوراق المطلوبه للمقابله الجواز وصورتين منه ( للاحتياط ) صورة خلفيه بيضاء ( بدون تعديل ابدا ) 5*4 صورة طبق الاصل من وثيقة الجامعة صورة طبق الاصل من شهادة الثانوي شهادة حسن سيره وسلوك من الثانوي او الجامعه ماتفرق كشف حساب ثلاث اشهر ( للي رايحين على حسابهم الخاص ) تصوير ثلاث اوراق من I20 الي مكتوت فيها موعد الوصول والمده والتكاليف تصير ثلاث اوراق مع بعض I20 الاصلي يكون معك لانك راح تحتاجه للدخول ان الله اراد واخذت الفيزا ورقة تسديد سامبا + صوره منها تسديد السيفس + صورة منه ورقة الموعد + صورة منها ورقة التاكيد + صورة منها ورقة التاكيد الي تجي بعد ماتخلص الابليكشن ويكون فيها صورتك وهي صفحه وحده الابليكشن يكون خمس صفحات تسديد السيفس ورقه وحده تسديد سامبا ورقة وحده ورقة الموعد ورقة وحده ان شاء الله مااكون نسيت شي طيب الموظفه راح تطلب ورقة التاكيد والجواز وورقة الموعد وتسديد سامبا وراح تدبسها مع بعض وتخليك تدخل طبعا وانت جاي للسفاره الامريكية يكون الشباكين قدامك الي خاص للامريكان وخاص لغير الامريكان الباب يصير يمين الشباك وقبل لاتدخل راح ياخذون الجوال والمفاتيح ولا راح يخلون معك الا البطاقات والفلوس وراح يعطونك ورقة حمراء صغيره فيها رقم الظرف الي حطوا فيه اغراضك وتاخذه بعد ماتطلع اهم شي الواحدي يكون معه فكه لان بعد مايخلص مقابله يكون محتاج 65 ريال عشان فيدكس بعد ماتدخل من البوابه راح يطلبون منك وضع كل شي في صندوق زي تفتيش المطارات وخلع الجزم الله يكرمكم ويمشونها في السير وبحكم اني عجاز جيت بثوب عشان مااشيل الحزام او شي انصح يعني الي وده يروح بثوب عشان مايتاخر وهو يشيل ويحط الحزام طبعا راح يمر الشخص من بوابة زي تفتيش المطارات بالضبط بعد ماتطلع تروح يسار راح تلقى روحات ارشادية واضحه تدخلك على مكان المقابله طبعا اول ماتدخل من البوابه راح تروح يسار ويجيك موظف يسحب لك رقم تاخذ الرقم ...وتنتظر دورك تنويه بسيط انا دخلت وحصلت اغلب الشعب متوتر وحالته حاله مع ان الموضوع مو مستاهل الواحد يضحك ويخلي الموضوع عادي جدا ولا فيه اي شي يستدعي الخوف نهائيا بعد مايجي رقمك وفيه عنوان الشباك الي تروح له الشباك زي كاشير البنوك بالضبط وتجي على اليمين راح يجيك الموظف يطلب منك I20 والجواز والسيفس وراح يخليك توقع على الجواز ويسالك اول مره تجي امريكا او لا ويسال سافرت وين برى السعودية ؟ ويخليك تبصم اصابعك كلها وبعدها ياخذ الاوراق والجواز ويخليها مع بعض طبعا بعد المقابله الاولى هذي الرقم الي عطوك في بداية دخولك لاترميه لانك راح تحتاجه راح تشوف بعدها الي رابطين جوازهم مع اوراقهم مع بعض في ترتيب واحد يصير ظهرهم للجدار مقابل الكاشير واضحين مره بعدها بنفس الترتيب بس ماراح تطلع الارقام بالشاشه راح يكون فيه موظف يرتب للمقابله الثانيه المقابله الثانيه وياجماعه نصيحه ابتسموا واضحكوا وخلو الوضع عادي طلبت مني الموظفه كشف حساب ووثيقة الجامعه ونيتك في امريكا ايش وبعدها اسئله شخصيه يعني المقابلتين كلها مااخذت مني ولا عشر دقايق راح تاخذ الجواز و I20 وتعطيك كرت ازرق صغير وتقول راح لفيدكس الكرت الازرق مكتوب فيه رقم الجواز وتقولك من ثلاث اسابيع الى شهر راح يوصلك الرد طبعا اضحك وابتسم وخلي الموضوع عادي ولا تحاول تتجهم او تتصنع اذا ماتعرف انقلش قل لغتي مو كويسه يكلمونك عربي مكسر ويفهمون عليك وبالغالب المقابله بالعربي ولا تكذب في شي بعد ماتطلع منهم تروح لنفس المكان الي جيت من عنده وتشوف في اخر الممر فيدكس تعطيهم الكرت راح يملي اسمك ورقمك والمكان الي تبيه يوصلك الجواز في اي فرع يعني وبعدها يعطيك نفس الورقه الي عليها بياناتك تطلع من نفس المكان وتروح للبوابه الي جيت منها بس من جهة المخرج وتاخذ اغراضك الي حطيتها عندهم وهذي سيدي كل الحكاية حبيت اقولها بالتفصيل الممل عشان اي شخص يكون بالصوره ونصيحتي الاخيرة ياجماعه الوضع طبيعي جدا انا طلعت فيزا بريطانيا اسهل من الاجراءات بس تدخل مكتبهم يجيك ضيقة صدر من تعاملهم لكن السفاره الامريكية غير صحيح مشددين من برى بس اذا دخلت الوضع عادي واذا ماعرفت شي فيه موظف اظنه سوداني بس يتكلم انقلش تكلم مع عربي يفهم عليك اصلع ولابس نظاره بالتفصيل الممل قلت الي صار لي من شباك السفارة الى خروجي منها وادعو لي تطلع لي فيزا والى قبول بالجامعه عشان اكمل ماستر واي سؤال انا حاضر لكم والله يوفقكم جميعا ...بس اذا تاخرت بالرد اعذروني بالمزرعه وشابك من كونكت وامطار ويمكن ماارد بسرعه واسف على الاطاله عقبال ما توصلك الفيزا بأسرع وقت ..
و انا عن نفسي الحمدلله ما اخذوا لا كشف حساب ولا شهادة بنكية ولا قبول جامعه والفيزا وصلتني قبل يومين ولله الحمد
بالعربي الاجراءات تختلف من قنصل لآخر وعلى حسب نفسية الموظف الي امامك ..
بالتوفيق للجميع
طــــ TaReQ ــــارق April 15th, 2010, 06:12 PM
7 " جزاك الله خير عاى النقل الرائع والممتع
وتقبل أرق تحياتي
Essacnc April 15th, 2010, 06:17 PM
7 " الحمد لله تسهلت .. إن شاء الله توصل فيزتك بسرعة
وين كانت مقابلتك ؟
عاطلة والماجستير حلمي April 15th, 2010, 07:05 PM
7 " انشالله تتسهل امورك وعقبال الفيزا
gogo-2 April 15th, 2010, 09:34 PM
7 " ياخي اوراقك كثيره مره
و الصور ما طلبو مني ولا صوره غير صوره من الاي تويني فقط
موفق
ندى المنديل April 17th, 2010, 05:01 PM
7 "
April 15th, 2010, 05:47 PM
السلام عليكم
بداية اشكر اعضاء المنتدى على جهودهم
واخص بالشكر العضو المتميز ( حالم ) الله يعطيه الصحه والعافيه ماقصر معي في اي استفسار
بداية موضوعي راح يكون بالتفصيل الممل
عشان الي عنده مقابله يقدر يستفيد ومابي من الجميع الا الدعاء لي ولجميع المسلمين بالتوفيق
وان تطلع الفيزا
بعد ماوصلني I20 انا كنت مقدم على لغة سنه كامله وفي نيتي ادرس ماستر
واحصل قبول اذا رحت امريكا بدال مااضيع وقت بالمكاتب هنا
وبحكم اني زول واكره مالي اني املى استمارات او ابليكشن
اخذت اوراقي كلها
ورحت مكتب عجمان الي في السفارات في ساحة الكندي جنب مطعم كودو
وعبالي الابليكشن وسدد السيفس ورسوم سامبا وحجز لي موعد المبلغ مع شغلهم كلفني ( 1700 ) ريال
شامله رسوم السيفس وحجز الموعد وتسديد سامبا وتعبئة الابليكشن
جيتهم يوم الاثنين الي راح حصلت موعد يوم الاربعاء بعد بيومين الساعه 1
طبعا الاوراق المطلوبه في تعبئة الابليكشن
الجواز + وثيقة التخرج من الجامعه + شهادة الثانوي + معرفة تواريخ الميلاد للوالدين + عنوان احد يقرب لك
في امريكا + يطلبون شهادة اثنين من الاصدقاء بالسعودية انهم رايح تدرس
تحط اسماء وارقام لهم + I20 عشان يعرفون عنوان الجامعة
الزبده الي يحس انه عجاز مثلي وماله اي خلق يعبي ويسدد ويحجز موعد يسوي زي ماسويت
طبعا مكان السفاره الامريكية قريبه من ساحة الكندي مره ومن السوق يعني الي يوقق سيارته
قدام السوق يقدر يمشي له
ونصيحه الي موعده الساعه 1 يجي الساعه 11
لان راح يكون زحمه عند البوابه انا كان موعدي الساعه 1 ودخلت السفاره الساعه 1 ونص
مافي اي مشكله بس عشان الي يبي يخلص بدري
طبعا قبل الدخول للسفاره فيه شباكين
شباك للي معهم جواز امريكي
وشباك للي مامعهم
بالنسبه الي رايح يدرس في امريكا يقدم للموظفه الي عند الشباك قبل دخول السفاره
الجواز + ورقة الموعد + ورقة التاكيد + تسديد سامبا + تسديد السيفس + I20
طبعا الاوراق المطلوبه للمقابله
الجواز وصورتين منه ( للاحتياط )
صورة خلفيه بيضاء ( بدون تعديل ابدا ) 5*4
صورة طبق الاصل من وثيقة الجامعة
صورة طبق الاصل من شهادة الثانوي
شهادة حسن سيره وسلوك من الثانوي او الجامعه ماتفرق
كشف حساب ثلاث اشهر ( للي رايحين على حسابهم الخاص )
تصوير ثلاث اوراق من I20 الي مكتوت فيها موعد الوصول والمده والتكاليف تصير ثلاث اوراق مع بعض
I20 الاصلي يكون معك لانك راح تحتاجه للدخول ان الله اراد واخذت الفيزا
ورقة تسديد سامبا + صوره منها
تسديد السيفس + صورة منه
ورقة الموعد + صورة منها
ورقة التاكيد + صورة منها
ورقة التاكيد الي تجي بعد ماتخلص الابليكشن ويكون فيها صورتك وهي صفحه وحده
الابليكشن يكون خمس صفحات
تسديد السيفس ورقه وحده
تسديد سامبا ورقة وحده
ورقة الموعد ورقة وحده
ان شاء الله مااكون نسيت شي
طيب الموظفه راح تطلب ورقة التاكيد والجواز وورقة الموعد وتسديد سامبا وراح تدبسها مع بعض وتخليك تدخل
طبعا وانت جاي للسفاره الامريكية يكون الشباكين قدامك الي خاص للامريكان وخاص لغير الامريكان
الباب يصير يمين الشباك
وقبل لاتدخل راح ياخذون الجوال والمفاتيح ولا راح يخلون معك الا البطاقات والفلوس وراح يعطونك
ورقة حمراء صغيره فيها رقم الظرف الي حطوا فيه اغراضك وتاخذه بعد ماتطلع
اهم شي الواحدي يكون معه فكه لان بعد مايخلص مقابله يكون محتاج 65 ريال عشان فيدكس
بعد ماتدخل من البوابه راح يطلبون منك وضع كل شي في صندوق زي تفتيش المطارات
وخلع الجزم الله يكرمكم ويمشونها في السير
وبحكم اني عجاز جيت بثوب عشان مااشيل الحزام او شي
انصح يعني الي وده يروح بثوب عشان مايتاخر وهو يشيل ويحط الحزام
طبعا راح يمر الشخص من بوابة زي تفتيش المطارات بالضبط
بعد ماتطلع تروح يسار راح تلقى روحات ارشادية واضحه تدخلك على مكان المقابله
طبعا اول ماتدخل من البوابه راح تروح يسار ويجيك موظف يسحب لك رقم
تاخذ الرقم ...وتنتظر دورك
تنويه بسيط
انا دخلت وحصلت اغلب الشعب متوتر وحالته حاله مع ان الموضوع مو مستاهل الواحد يضحك
ويخلي الموضوع عادي جدا ولا فيه اي شي يستدعي الخوف نهائيا
بعد مايجي رقمك وفيه عنوان الشباك الي تروح له الشباك زي كاشير البنوك بالضبط وتجي على اليمين
راح يجيك الموظف يطلب منك I20 والجواز والسيفس
وراح يخليك توقع على الجواز ويسالك اول مره تجي امريكا او لا
ويسال سافرت وين برى السعودية ؟
ويخليك تبصم اصابعك كلها وبعدها ياخذ الاوراق والجواز ويخليها مع بعض
طبعا بعد المقابله الاولى هذي
الرقم الي عطوك في بداية دخولك لاترميه لانك راح تحتاجه
راح تشوف بعدها الي رابطين جوازهم مع اوراقهم مع بعض في ترتيب واحد يصير ظهرهم
للجدار مقابل الكاشير واضحين مره
بعدها بنفس الترتيب بس ماراح تطلع الارقام بالشاشه راح يكون فيه موظف يرتب للمقابله الثانيه
المقابله الثانيه وياجماعه نصيحه ابتسموا واضحكوا وخلو الوضع عادي
طلبت مني الموظفه كشف حساب ووثيقة الجامعه ونيتك في امريكا ايش
وبعدها اسئله شخصيه
يعني المقابلتين كلها مااخذت مني ولا عشر دقايق
راح تاخذ الجواز و I20 وتعطيك كرت ازرق صغير وتقول راح لفيدكس الكرت الازرق مكتوب فيه رقم الجواز
وتقولك من ثلاث اسابيع الى شهر راح يوصلك الرد
طبعا اضحك وابتسم وخلي الموضوع عادي ولا تحاول تتجهم او تتصنع
اذا ماتعرف انقلش قل لغتي مو كويسه يكلمونك عربي مكسر ويفهمون عليك
وبالغالب المقابله بالعربي
ولا تكذب في شي
بعد ماتطلع منهم تروح لنفس المكان الي جيت من عنده وتشوف في اخر الممر فيدكس
تعطيهم الكرت راح يملي اسمك ورقمك والمكان الي تبيه يوصلك الجواز في اي فرع يعني
وبعدها يعطيك نفس الورقه الي عليها بياناتك
تطلع من نفس المكان وتروح للبوابه الي جيت منها بس من جهة المخرج
وتاخذ اغراضك الي حطيتها عندهم
وهذي سيدي كل الحكاية
حبيت اقولها بالتفصيل الممل عشان اي شخص يكون بالصوره
ونصيحتي الاخيرة ياجماعه الوضع طبيعي جدا
انا طلعت فيزا بريطانيا اسهل من الاجراءات بس تدخل مكتبهم يجيك ضيقة صدر من تعاملهم
لكن السفاره الامريكية غير صحيح مشددين من برى بس اذا دخلت الوضع عادي
واذا ماعرفت شي فيه موظف اظنه سوداني بس يتكلم انقلش تكلم مع عربي يفهم عليك
اصلع ولابس نظاره
بالتفصيل الممل قلت الي صار لي من شباك السفارة الى خروجي منها
وادعو لي تطلع لي فيزا والى قبول بالجامعه عشان اكمل ماستر
واي سؤال انا حاضر لكم
والله يوفقكم جميعا ...بس اذا تاخرت بالرد اعذروني
بالمزرعه وشابك من كونكت وامطار ويمكن ماارد بسرعه
واسف على الاطاله