هذا ما حصل في السفارة الامريكية 13 ابريل (على حسابي الخاص)

تنبيه: هذا الموضوع قديم. تم طرحه قبل 5116 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

ASK-D7
مبتعث جديد New Member

الولايات المتحدة الأمريكية
ASK-D7 , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى إدارة , بجامعة الله اعلم
الله اعلم

إدارة

ذكر
الى الان, الرياض

السعودية

Apr 2010
المزيدl
April 24th, 2010, 02:53 AM
April 24th, 2010, 02:53 AM

السلام عليكم ورحمة الله وبركاته

كيفكم ان شاء الله طيبين

هذي أول مشاركة لي في هالمنتدى وحبيت انقل لكم تجربتي ان شاء الله تستفيدون منها ,,

كان موعدي في السفارة الامريكة في الرياض يوم 13 ابريل

وجايب معي اي ورقة احس اني يمكن استفيد منها ( شغل شيبان ) ههههههه

طبعا رايح وانا انواع التوتر ( فيه بعض المواضيع الله يهدي اللي كاتبينها هي اللي هبلت فيني)

من الساعه 6.40 وانا عندهم
الساعة سبع طلع لنا واحد الظاهر انه هندي قال وروني اوراقكم ..

بعدها دخلنا على التفتيش

السيكيورتي علمنا من وين نروح

سحبت رقم .. يوم طلع رقمي رحت للكاونتر اللي اكثر الناس يحسبونه هو المقابلة ,, طبعا اخذو اوراقي (اللي هي صورة من ال I-20 و ايصال سامبا وااخر ورقة من النموذج والسيفيس )
وخلوني ابصم ..

بعدها درعمت مع اللي قبلي للمقابلة .. اللي الحمد لله كانت امورها سهلة ..

اول ما رحت للشباك قلت ابسوي حسب توجيهات واحد من الشباب هنا في المنتدى ,, قلت لها (GOOD MOORNING)
قالت لي (GOOD MOORNING) الى الحين تمام..

ايه صح نسيت اقول لكم الموظفة احسن من كذا ما فيه .. مرررة محترمه واخلاق ..شكلها عربية ومتحجبة بس انها تتكلم معي انقليزي تحسب عندي سالفة هههههه

وانا من الرعب اللي فيني بديت اتكلم معها انقليزي .. شلون ما ادري ههههههههه

المهم سألتني كم سؤال اللي هي :

وين سافرت قبل ؟
رحت لأمريكا قبل كذا ؟
من وين عرفت المعهد ؟
تعرف احد في أمريكا ؟
فيه احد تعرفه في نفس المعهد ؟

طلبك مقبول وخذ هذا الكرت ووده لفيديكس

بس هذا اللي صار و الحمد لله جاري انتظار الفيزا ... (عاد انا انواع الحرارة والوسوسة بنفس الوقت يعني اليوم يمر علي كأنه سنة ) ههههههه

الحمد لله كانت الامور سهالة و اللي بيروح للمقابلة نصيحة : ترا هي مجرد روتين فقط لا غير .. كمل اوراقك وتوكل على الله ..

وبس ههههه

قصدي يعني هذا اللي عندي حبيت افيد غيري
مثل ما استفدت انا من هالمنتدى كثيييرر
الله لا يحرمنا منكم ..

ودي أسألكم متى تتوقعون يوصلني جوازي بما ان موعد دراستي في 1 جون
بالتوفيق يارب

وعقبال ماتوصل الفيزا قريب ان شاء الله
فديت قلبك
April 24th, 2010, 06:04 AM
7 "
هذه المواضيع اللي تفتح النفس

بماا ان مقابلتي يوم السبت الجاي ان شاء الله

ابي تقولي وش الاوراق اللي طلوبا يشوفونها
NAWAF2008
April 24th, 2010, 06:09 AM
7 "
 المشاركة الأصلية كتبت بواسطة فديت قلبك

بالتوفيق يارب

وعقبال ماتوصل الفيزا قريب ان شاء الله

الله يسمع منك يا رب .. مشكوور يا قلبي
ASK-D7
April 24th, 2010, 05:52 PM
7 "
كم قالت لك وتستلم جوازك ؟
zahoora
April 24th, 2010, 06:01 PM
7 "
وانا بعد موعدي كان ب17 ابريل والله ياناس وربي يشهد على كلامي ان سفارة الرياض قمة فالتنظيم والسهولة وتقريبا كل الناس اللي معي معهو كرت الفيدكس وتعامل جدا راقي كانك انت القنصل وش تبون اكثر من كذا<<<< ادري بكرة السفارة بتحول على حسابي مبلغ وقدرة بدل دعايه خخخخخخ
smiley guy
April 24th, 2010, 06:45 PM
7 "
انا كنت معاك بنفس اليوم بس لسه ماوصلت الفيزا..
يارب انها توصل قريب لنا ولك وللجميع ان شاء الله.
hadeel_h
April 24th, 2010, 10:57 PM
7 "
 المشاركة الأصلية كتبت بواسطة NAWAF2008

هذه المواضيع اللي تفتح النفس

بماا ان مقابلتي يوم السبت الجاي ان شاء الله

ابي تقولي وش الاوراق اللي طلوبا يشوفونها

مشكور حبيبي .. الاوراق كاتبها فوق في المشاركة ممكن تشوفها ..

 المشاركة الأصلية كتبت بواسطة zahoora

كم قالت لك وتستلم جوازك ؟

قالت لي طال عمرك ..من اسبوعين لثلاثة والى الاّن انتظر الله يسهلها

 المشاركة الأصلية كتبت بواسطة smiley guy

وانا بعد موعدي كان ب17 ابريل والله ياناس وربي يشهد على كلامي ان سفارة الرياض قمة فالتنظيم والسهولة وتقريبا كل الناس اللي معي معهو كرت الفيدكس وتعامل جدا راقي كانك انت القنصل وش تبون اكثر من كذا<<<< ادري بكرة السفارة بتحول على حسابي مبلغ وقدرة بدل دعايه خخخخخخ

هههههه والله كلامك صحيح ميه في الميه اهم شي الواحد يتوكل على الله ويكمل اوراقه وان شاء الله الامور سهله

 المشاركة الأصلية كتبت بواسطة hadeel_h

انا كنت معاك بنفس اليوم بس لسه ماوصلت الفيزا..
يارب انها توصل قريب لنا ولك وللجميع ان شاء الله.

اّمين يا رب و بالتوفيق لك ..
ASK-D7
April 25th, 2010, 12:29 AM
7 "
اللهم لك الحمد كماينبغي لجلال وجهك وعظيم سلطانك,,
الحمدلله اليوم الصباح جاتني رساله من فيديكس عشان جوازي وصل ,, بس باقي فيزة زوجي ان شاء الله توصل قريب
وعقبال الجميع يارب.
hadeel_h
April 26th, 2010, 02:24 AM
7 "
 المشاركة الأصلية كتبت بواسطة hadeel_h

اللهم لك الحمد كماينبغي لجلال وجهك وعظيم سلطانك,,
الحمدلله اليوم الصباح جاتني رساله من فيديكس عشان جوازي وصل ,, بس باقي فيزة زوجي ان شاء الله توصل قريب
وعقبال الجميع يارب.

ألف ألف مبروووك وعقبال فيزة زوجك إن شاء الله ...

أنا الحمد لله جتني رسالة من فيديكس أمس الاريعاء 28 أبريل واستلمت جوازي مع الـتأشيرة ..
ASK-D7
April 29th, 2010, 07:28 PM
7 "