إللي قد سافر أمريكا كيف اجرائته؟

عادي اخوي قولهم كنت في امريكا .. وما اتوقع انها راح تفرق شي .. والوضع الي حاصل في السفاره الحين

بسيط جدا ً والاسئلة اقل من عادية

تيكت ايزي وموفق ان شاء الله

السلام عليكم

حسب تجربتي مع الوالد لانه درس في امريكا من زمان ... كانت اسئلته يوم المقابلة معي جدا عادية وجاب معاه جوازته القديمة ( طلبو يشوفوها.. حقته فقط ) وما صار اي تعقيد

بس انا فيزتي طلعت في 11 يوم ... وهوة فيزته طلعت في شهر ( اعتقد هذا الفرق انه اللي زار امريكا قبل تاخد وقت شوية اطول .. بس عادي .. ياخدو وقتهم في التدوير والبحث وووو)

وبالنسبة للاسئلة ما سالت الموظفة ابوي ولا شي شافت الجواز وانه كان طالب وخلاص حتى ما سالت فين كان ساكن او في اي ولاية ولا شي من هذا القبيل ... بس انت برضو خليك متهئ لهذا الاسئلة لانه الظروف تختلف من شخص لاخر

سهالات ان شا ا لله وبالتوفيق

وان شاالله تجيك الفيزا في اقل من اسبوع

سلام عليكم
والله مشكورين على مساعدتكم
الحمد الله رحت اليوم الظهر كانت مقابلتي الساعة ٢ وجيتهم متأخر ١٠ دقايق بس الحمد الله دخلوني وأخذت رقم كان قدامي تقريبا ١٥ واحد بس الحمد لله ولا هي ٢٠ دقيقة إلى جا رقمي المهم رحت الكاونتر الأول جهزت أوراقي وأخذت البصمات بعدين رحت للكاونتر الثاني عشان المقابلة ولحسن حظي كانت البنت لأنو سمعت إنو في واحد تاني رجال أخلاقة مو قد كده المهم شافت أوراقي وبعدين قالت خذ سماعة التليفون قالتلي في بتدرس قلتلها الولاية والمدينة وبعدين قالتلي متى أتخرجت من الثانوية قلتلها ٢٠٠٨ وبعدين قالتلي إيش قعدت تسوي في هذي المدة قلتها دخلت جامعة الملك عبد العزيز ودرست سنة ونص وبعدين قالتلي مين بيصرف عليك قلتها الوالد وبعدين قالتلي خلاص الفيزا حتجيني بعد ٣ أسابيع والحمد لله كانت سهالة.
بس عندي سؤال هل هم صادقين في المواعيد ولا يتأخروا لأنو موعد رحلتي يوم ٢٨ من دا الشهر.
ياريت تجاوبيني يا vit E كيف كانوا صادقين ولا لا؟

انشاءالله امورك تمام، ومبروووووووووك مقدما،،

الحمد لله ان شا الله تتيسر باقي امورك

صراحة كان نفسي اجاوب على سؤالك واطمنك ... بس نحنا يوم المقابلة بعد ما خلصنا ما قالتلنا الموظفة اصلا متى رح نستلم الفيزا ,,, لانه انا اصلا رحت من غير الاي توني والسيفس لانه لسا ما كان جاني .. وابويا ما قالتله متى برضو ... بس لما اتاخرت فيزا الوالد ارسلتلهم ايميل قالولي فخلال اسبوعين رح نرسلها .,,. وجات فعلا في ظرف عشرة ايام .. انا اشوف تستنا اسبوعين وبعدين شاغلهم بالايميل قلهم انه موعد رحلتك يوم 28 وان شا الله هم يعجلولك الموضوع

بالتوفيق ان شاالله ومبروك مقدما

مشكورة على مساعدتك
إنشاء الله تطلع قبل السفرة والله شايل هم من دحين.

السلام عليكم

طيب في فكرة انت شوف لو تزبط ولا لأ؟

انت متى تبدا دراستك ؟؟ يعني لو في فرق بين يوم سفرك وبداية دراستك اكتر من اسبوع ,.. اجل السفر كم يوم يعني مثلا خلي السفر يوم 4 او 6 يونيو .. هذا لو ما كانت دراستك رح تبدا 7 يونيو طبعا

ان شا الله سهالة باذن الله

والله فكرة والله وحتى لو راح علي الحجز أشوف لي مقاعد انتظار ومشكورة مرة تانية أصلا أنا دراستي تبدأ يوم ٧ صح.

بالتوفيق لك وان شاء الله
ما تتاخر الفيزا على اسبوعين


ونشوفك بامريكا