الأعضاء الإشتراك و التسجيل

الملتقيات
ADs

السفارة الأمريكية والاحداث المثيرة

السفارة الأمريكية والاحداث المثيرة


NOTICE

تنبيه: هذا الموضوع قديم. تم طرحه قبل 6179 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية أحمد@الوافي
    أحمد@الوافي

    مبتعث مجتهد Senior Member

    أحمد@الوافي المملكة المتحدة

    أحمد@الوافي , ذكر. مبتعث مجتهد Senior Member. من السعودية , مبتعث فى المملكة المتحدة , تخصصى قانون , بجامعة UEL
    • UEL
    • قانون
    • ذكر
    • اكسفورد, الرياض
    • السعودية
    • Jan 2007
    المزيدl

    April 29th, 2007, 07:10 PM

    بسم الله الرحمن الرحيم

    كان موعدي يوم السبت في الامس قلت خل اروح اصبحهم من الفجر احجز محل يوم رفض حرس حي السفارات يدخلني قلتله ياحبيبي ابي اسبق العالم قال منتب صاحي انت الدنيا ضلام وانت تبي السفارة قلت كل المنتديات يقولون رح الفجر قال اقول دحدر بلا منتديات بلا بطيخ رح وتعال الساعة ست ورحت وانا ما اشوف الجادة يوم جيت الساعة ست الا ربع والقى قبلي خمس وعشرين واحد ونجلس عند الباب في الغبار والحر والذبابين :101: ولا فتحوا الا الساعة ثمان الا ثلث بالزبط وتعرفون عاد وش الباقي مايحتاج نكرر الكلام وشوي الاذا المسكين الي يضيع جوازه بوسط السفارة انا ما ادري وين طار جوازه وهو المسكين يترجى الناس انهم يتفقدون اوراقهم وندور معه حنا والعاملين في هالسفارة لكن بلا فائدة والمهم الي صار اني جا موعدي بالمقابلة وفي نص المقابلة والتحقيق :103: الا صفارات الانذار تفجر روسنا والعالم انهبلو وشوي الا الي تقابلنب تفرررررررررك وبعض الناس جلسوا بالارض(انا لله وانا ايه راجعون)وش الي صار وش الي صار حنا ماندري وين الله حاطنا المايكروفون يتكلم انقلش وحنا زي الاطرش في الزفة والاعصاب عاد خلقة متوترة كيف عاد مع الي صار انا بجنبي واحد هو وزوجته المسكينة جالسة في الارض ومنهارة خالص وانو اع الصياح ونقعد على هالحال والله يمكن ثلث ساعة ويوم بدا الرجال يخرط بهالمايكروفون ويوم جو الجماعة
    وبدا التحقيق مرة ثانية وانا تقابلنب بنت امريكية جديدة شكلها قالت

    هاو آر يو
    قلت فاين
    ترا للغة ماهناش
    قالت
    مافي موشكيلا تقدر تهكي اربي:96:
    قلت تمام الامور زينه
    قالت انت ماسافرت ابدا صح
    قلت افا عليك الجواز يبي ينتهي
    يوم شافت الختوم مسكت راسها
    قالت مش ممكن رحت كل ذا وجوازك ماله الا سنتين
    قلت المهم عاد سافرت
    يوم شافت ختم ايران ومير يتغير وجهها قالت انت رحت ايران
    قلت نعم
    صارت ابتسامتها صفراء ومير اقول والله البلشة ذي البنت بزرة صغيرة توها جاية للسفارة وتهول الامور قالت ليه
    قلت ان اخوي في السفارة ورحت ازوره كم يوم
    قالت انا استغرب اخوك الي في السفارة انت ليه تروح
    قلت يا بنت الحلال عادي اخوي وزرته اسبوع وعندنا سفارة وسفير والموضوع عادي
    قالت اوكي لكن حنا اذا اتصلنا عليك تعال وجب معاك الآي تونتي ورسوم السيفس
    قلت طيب خلاص
    وانا داري ان هذي تصريفه

    ولا طلع من عندهم الا الساعة عشر الصبح وانا ما اشوف الارض من التعب والارهاق

    وهذا الي صار في سفارة usa يوم السبت
  2. الله يعطيك العافية أخ أحمد .......

    بصراحة السفارة هذي باطة كبدي ,, أمورهم معقدة ووضعهم صعب !!!

    لكن أنا خايف عليك من روحتك لإيران ,, لأن لي خوي ,, حرم من البعثة لأنه راح سوريا

    قبل ثلاث سنين !!!

    وبالتوفيق ان شاء الله ...........
    7 "
  3. انا ما ادري وش قصة الاكشن الي صار اصلا مافيه احد نسأله كل الموظفين في السفارة راحوا ما ندري وين انشقت الارض وبلعتهم ويوم جت الموظفة قالتلي سوري ذس الارم قلت للامن الي عندنا واشوفهم مطيرين عيونهم وماسكين عصيانهم والله ما يدرون وش السالفة المهم اننا توترنا وهم كانوا متوترين جدا جدا لحد ما يوصف لكن اكتشفت انهم خوافين جدا لو يمر من جنبهم فارة كان والله ما يردهم الا نيويورك
    7 "
  4. همممممممم لازم تعبي 157 وهي اهم شي وترسل نسخة منها للسفارة وتطبع ثانية بعدين هم على حسب بعض المرات يصرفون وبعض المرات لا بعدين يسألونك هم ليش سافرت اذا كان عندك سبب مقنع فهم يبي يعطونك الفيزة وانت تضحك واذا ماكان فيه سبب مقنع لهم فهم يبي يبحثون عنك وبعد شهرين او ثلاثة يبي يدقون عليك واحتمال التصريف وارد لانهم معذورين فيه الف واحد غيري وغيرك ماعمرهم تعدوا هالديرة وهم اولى منا لكن انا ماضاق صدري ولا شي لان الواحد مايدري وين الخيرة فيه يمكن يعطونك وبعديين لاسمح الله تتبهذل هناك فاقول لا تتحسف على شئ وانكان الله ماكتب فيزة ففيه الف بلد غير امريكا مع اني الحقيقة عندي قاعدة اذا كنت ناوي تتغرب تغرب على سنع والا اعقد بارضك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.