مبروووك ألف مبروووك .. وإن شآءالله تفرح بالفايف يرس..
وعقبآلنا إن شاءالله ..
بس عندي سؤال أخوي ..
أنا موعدي الاسبوع الجاي ..
ولآسددت السيفيس ..
السؤال :
هل كآن معك سداد السيفيس ؟؟ ( لآنك ماتطرقت له في الموضوع )
والف مبروك مره ثآنيه .,,
خ ـــذ1ني الشوق May 24th, 2010, 06:39 PM
7 " خذاني الشوق
شكرا لك أخوي على مرورك ، الله يبارك فيك بس توها ما جت الفيزا ، يارب الله يسمع منك
بالنسبة للسيفيس أنا سددته وطبعت وصل السداد وخذيته معي لكن ما أحد طلبه مني ابداً ابداً والظاهر يبان عندهم اذا انك مسدد أو لا والله أعلم
Eng.Abdullah May 24th, 2010, 07:16 PM
7 " مببببببببببرروك خييو
عقبال ما تاصل لك الفييييزا في اقررب وقت ..
وبالتوفيق للجمييع ..
Sadoon May 24th, 2010, 07:52 PM
7 " سعدون،،
شكراً لك على مرورك ، يااارب الله يسمع منك
Eng.Abdullah May 24th, 2010, 07:58 PM
7 " الف مليوووووووووووووون مبروك
وعقبال ما تجيك بسرعه
مهرة بنت أبوها May 24th, 2010, 10:35 PM
7 " مرحباااااااا......
انا كان موعدي 22/5...
بس غريبة ماسلون لاعن وثقية ولاغيرهــ ...بس اللهم الاسئلة المعتادة ...ليش بتروحين امريكا ...وش عندكم وش بتدرسون ...وكم سنة تبغون تجلسون....بس تقريبا هذا اللى صار......
عموما الله يسه امركــ وتطلع الفيزا باسره وقت ممكن.....
بالتوووفيق للجميع.........
شهدالجنه May 24th, 2010, 10:47 PM
7 " مبرووكـ ياارب تتسهل ليا انا كمان وتجيك الفيزا خلال اسبوع ..
بس عندي سؤال دحين السفارهـ الجو بارد >> يعني جو امريكا ههههه أمزح
دحين لاني انا وقت البرد ارتجف واخاف ارتجف وقت المقابله يحسبوني خايفه .. فكيف الاجواء بالداخل وخااصة مكان المقابله ...
Smile Girls May 24th, 2010, 11:18 PM
7 " مبروووووك قبول التاشيره وان شاءالله كم يوم وتوصلك سريع
وانا امي واختي معكم بنفس اليوم 22 بس هم سياحه الله يسهل الامر والله يتمملهم على خير ولكم
الو شهد ماشفتي اختي ولا امي بالسفاره ترى معك 22 مايو واختي تقول سولفت مع كم وحده ليكون معك وانا ماا ادري عنكم هه
عالية الهمه May 24th, 2010, 11:43 PM
7 " 
LinkBack URL
About LinkBacks
May 24th, 2010, 06:15 PM
حبيت أطرح قصة مقابلتي بالتفصيل الممل وعسى الله أن ينفع بها
أنا كان موعد مقابلتي في الرياض مع السفارة الساعة 8:30 صباحاً
طبعا أخوكم في الله الساعة 10م وأنا مرتب أوراقي كلها ومراجعها صح ، وجاء وقت النوم طبعاً من كثر الوسوسة في هالمقابلة ما قدرت أنام كل ما انسدحت على جنب يجيني سؤال المهم مالكم بالطويلة على الساعة 12 وأنا في تاسع نومه وسبحان الله قمت على اذان الفجر بدون منبه ولا يحزنون قمت واصلي الفجر وارجع للبيت وأكشخ طبعا لبست جنز وتي شيرت من ماركة Jeep أخت لاكوست وكنادر سوداء الله يعزكم وخذيت العطر معي في السيارة وعلى أقرب بوفيه للفطور المهم يوم وصلت للسافرة لبقت السيارة خذيت مفتاح السيارة فقط بدون ريموت + 100 ريال عشان فيدكس الساعة 6:12 وأنا قدام باب السفارة واحصل قدامي 3 أشخاص سألت الموظف اللي عند البوابة متى تفتحون قال 7:30 وانتظر حتى فتحو الإ امة محمد ما شاء الله جاء موظف السفارة وقام يصوت اللي موعدهم 7:30 يصفون وبعدهم 8 وأول ما قال ايت ثيرتي (8:30) إلا وأنا ناقز في الصف وبعد ما وصلت للشباك طلب مني صورة الأي توني (لازم توقع على الأي توني وتصوره قبل ما تجي) + وصل سداد سامبا (مهم جدا)+ صورة شخصية + ورقة التأكيد ،وقام يختم ومدري وش يسوي وقال لي تفظل أدخل مع بوابة الدخول وادخل واحصل مكان تفتيش زي اللي في المطار وبعد التفتيش طلعت وامشي حتى وصلت البوابة الثانية ويقابلني موظف عطاني رقم (29) وادخل غرفة فيها كراسي وقدامي ثلاث كونترات مرقمه 1،2،3 حتى وصل دوري على كونتر 3 شباك زجاج ويميني جهاز الكتروني للتبصيم طلب مني جوزا السفر + الأي توني المصور + صورة شخصية + ورقة التأكيد ، وقال لي بصم طبعا بصمة الكترونية خلصت تبصيم قال شهادتك الجامعية معك ؟ قلت له نعم موجوده قام ربط جميع الأوراق السابقة مع الجواز بمغاط وعاطني هي وبعدها طلعت من الغرفة إلى صالة المقابلة ويوجد شخص هناك ينظم عملية الدخول للمقابلات وهناك 13 كونتر للمقابلة تبدأ برقم 4 وجاء دوري في كونتر 8 رحت لبدء المقابله الا وعلى الكونتر وحده امريكيه ( هنا تذكرت كلام أحد الزملاء في امريكا الله يوفقه قال لي لا تروح لحرمه لأنهن معقدات ) طبعا مو بكيفي
قالت لي بالنجليزي تبغى اتكلم معك عربي ولا انجليزي
على طوووووول قلت لها ( اربــيــكـ بليزز )
قالت لي مرحبا خذ السماعه ، و أقوم القط السماعه
هل انت ذاهب للدراسة ؟
قلت نعم
قالت اي ولاية؟
انا: ( عاد موب لازم تعرفون )
هي:وماهو اسم الجامعة؟
أنا
هي: وماهو التخصص الذي سوف تدرسة هناك ؟
أنا: ماستر سيفل انجنيرينق >> هذا و أنا قايل لها ابغى عربي
قالت: هل أكملت البكالوريوس؟
أنا: نعم ، واطلع لها شهادتي الأصل واعطيها وتقوم تبحلق فيها وتقلب الشهاده وتقراها وخلصت منها وتردها لي
قالت: ومن سيقوم بتحمل مصاريف الدراسة ؟
قلت لها : أنا وعائلتي والدي هو الذي متكفل بالمصاريف
قالت: اين يعمل والدك ؟
انا: يعمل لحسابه الخاص
قالت : هل لديك كشف حساب ؟
أنا: لدي شهادة مالية وورقة من والدي واقوم اطلعها من حافظة المستندات
قالت: ليس لديك كشف حساب ؟ !!
قلت: معي هذا الخطاب من مؤسسة الوالد وفيه انه يتكفل بجميع المصاريف ، وأقوم ادز لها خطاب المؤسسة وتحتها الشهادة المالية من الشباك
خذت خطاب المؤسسة وخلت الشهادة المالية وقامت تقراء في الخطاب وتقلب فيها...... وتسألني ما هو النشاط التجاري لهذه المؤسسة ؟ فكرت انا قليلا ورديت مقاولات مقاولات وتقوم تحط الورقة على جمب و تدخل بينات في الكمبيوتر وأنا جالس انتظر
قالت لي تأشيرتك مقبولة وسوف تستغرق 3 أسابيع خذ هذا الكرت( أخضر) وسدد فيدكس ( وانا فرحت بقوى حتى هي لاحظت علي الفرحة واستغربت لدرجة انه وضح عليها الاستغراب وانا اقولها ثانكيو .. ثانكيو سوو ماتش ..ثانكيو )
المهم يوم جيت اخذ أوراقي عشان امشي لاحظت انها رجعت تقراء خطاب المؤسسة من جديد شكلها موب عاجبها !!!
طبعاً جواز السفر + الخطاب خذتهم عندها وباقي الأوراق رجعتها ، ثم توجهت بعد ذلك
لمكتب فيدكس عندهم في نفس السفارة واسددهم (65 ريال) لان عنواني في الرياض واللي موب في الرياض ياخذون عليه أكثر وعطوني وصل سداد وخذوا الكرت واطلع من السفارة واخيرا والحمدلله أنتهت القصة
الحين دعواتك تطلع هالتأشيرة بسرعة ولا تتأخر