الشهادة الثانوية الاصليه لازم نجيبها وقت المقابله في السفاره

السلام عليكم
أخي الكريم
هذه الطلبات مثل شهادة الثانوية
كشف حساب
شهادة بنكية برصيد معين
لا يدققون عليها بعض المرات
مايدققون عليه معروف من الابلكيشن والتسديدات .. الخ
ولكن لا يمنع احضارها حرصاً على عدم استقعاد الموظف (^_^)
بخصوص الشهادة اذا تبي تاخذها معاك
حاول تكون معاها صورة مترجمة
وتكون عن طريق وزارة التربية والتعليم او مكتب خارجي
وبما انه لديك وقت لتاريخ المقابله
خليها تكون عن طريق الوزارة أفضل
بالتوفيق يارب

انا مترجم الصورة من مكتب معتمد وجاني القبول بناء على الترجمة .. هل اخذ معي نفس الترجمة ومعها صورة الشهاده بدون الاصل للمقابله في السفاره .

انا رحت للتربية والتعليم بالرياض للتصديق على الشهاده فقط بدون الاصل وقالوا لازم تروح للقصيم لان الشهادة صدرت من القصيم ؟؟

هل وزارة التربية و التعليم يترجمونها لي ولو الاصدار خارج الرياض مثل القصيم ويصادقونها بدون الاصل؟

شف اخوية انا كنت ادرس ماستر وطبعا اعطيت الجامعة الاصوال حقتي وبعد دراستي باسبوعين توظفت على مرتبة معيدة مصدقت وقتها وخفت اسحب ملفي من الجامعة ( بالسعودية) وتضيع على الدراسة دقيت على رئيس القسم حقي قلي روحي الدراسات العليا وخذي الاصوال منها لمدة اسبوع مؤقتا ( بس الوظيفة الحكومية ما تاخذ الاصوال منك انا قلت اخذها احتياط عشان ما يرجعوني يقولو نبغى نطابق او يتفلسفو عليا ) المهم ياطويل العمر اروح الدراسات العليا واخذ الوثيق والسجل واوقع تعهد باني ارجعها خلال عشرة ايام وبالفعل اخذتها ورحت وعبيت كراسة التعين ( عقبال الكل تجيه وظيفة) وارجع لديرتي وارجع الاصوال للجامعة واكمل الدراسة اسبوع او اقل منه ويدقوا عليا من جديد تعالي باشري العمل ورحت باشرت العمل وبعدها بفترة اروح اسحب من الجامعة ملفي كامل وهو جالس عندي الان بالدولاب نفسي يروح ويجلس باي جامعة بامريكا مليت منه .. والله يوفقك وييسر امورك روح للكلية وكلم ريس القسم وشوف

اخي الفاضل
أنا كان موعدي أمس في السفارة يوم الثلاثاء الساعة 9.30
وكنت جايب معاي كل الأوراق بس ناقص ورقة من العمدة
والله اخذو مني بس ورقة السيفس وايصال السداد والـ I-20 صورة طبعاً وخطاب القبول من الجامعة والمعهد وايضاً صورة وكشف حساب أو شهادة بنكية
ولا طلبوا وثيقة ولا شي
بس ما يمنع مثل ما قال الاخ ( العساف )

هذا اللي حصل معي غير مرحلة تدقيق البيانات وبعدين المقابلة


اتمنى تفيدك اضافتي

تحياتي

طيب يا اخوان انا وثيقه تخرجي من الكليه (الاصل في الجامعه الامريكيه) ولاكن عندي صوره منها ومتخومه بطبق الاصل


ينفع ولا ارسال الجامعه على اساس يرسلولي الوثيقه :::؟