الفيزا وماادراك مالفيزا ..عالجوني وانصحوني يالربع

السلام عليكم


اخواني الغالين

انا عندي معاناه مع الفيزهـ وودي اجددها وبنفس الوقت ماودي لاي خايف صراحه..،’


بـ البدايه جيت لـ امريكا بسنة 2008 درست بمعهد بكانسس لمدة سنه وفي اخر السنه انطرردت فـ اللفل قبل الاخير ع اساس انو مانجحت فيه للمره الثالثه والله لايوفقها من مدرسه احرمتني من النجاح واكمل مشواري..عاد بعدها انتقلت الى تكساس والنفسيه داووون دخلت بمعهد وكنت مستاء نفسيتي مرره انقلبت علي فكنت ادرس عادي زي وزي غيري .. الموهم انا خلاص كرررهت المعهد والدراسه ماعاد لي نفس فيه ..صرت ماهتم للمعهد قعدت اذاكرر الايلتس و التوفل والين جبت الدرجه المطلووبه بهالاختبارين وحصلت قبول من اكثر من جامعه تقبل درجتي على الفوول 2010 ..

يالغاليين انا فيزتي كانت سنتين .. وانا ابدرس بالجامعه بالفوول وناوي بالكرسمس انزل السعوديه اجدد الفيزا وخايف لاني تعبت..

تعرفون لي سنه ونص ماشفت اهلي ..وبنفس الوقت مابي اخسر دراستي عشان فيزهـ

وانا بكالوريس يعني 4 سنوات بدون شوفة الاهل شووي صعبه ونفسيتي تعبت صراحه حالياا..

وانا خوفي لارحت السفاره يقابلني واحد ويقفلها علي ولا يعطيني فيزه عشان السقووط يوم كنت بالمعهد او الغياب ..ولله الحمد انا ماعندي مخالفات سوا من المرور او محاكم وألخ..مشكلتي كلها كانت بدراستي وسقووطي ونقلي الى معهد ثاني .. فمدري هل هم يدققون بالغياب او السقوط بالمعهد

فامدري هل تتوقعنون الفيزا اتسهلت الحيين ولا تصعبت ؟؟

ابي ارائكم يالربع عطووووني حل تكفوووون

هل اوديلهم درجاتي حقت المعهدين ويطلبونها مني؟؟

الله يستررر


نصايحكم يالربع