الأعضاء الإشتراك و التسجيل

الملتقيات
ADs

أتت الرياح بما لاتشتهي السفن آآآآآآآآآآآآآآآآآآآآآه ؟؟؟؟؟؟؟

أتت الرياح بما لاتشتهي السفن آآآآآآآآآآآآآآآآآآآآآه ؟؟؟؟؟؟؟


NOTICE

تنبيه: هذا الموضوع قديم. تم طرحه قبل 5016 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية FHEED ALNASER
    FHEED ALNASER

    مبتعث مجتهد Senior Member

    FHEED ALNASER الولايات المتحدة الأمريكية

    FHEED ALNASER , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى فيزياء , بجامعة Western Illinois University‏
    • Western Illinois University‏
    • فيزياء
    • ذكر
    • MACOMB, Illinois
    • السعودية
    • Oct 2009
    المزيدl

    July 5th, 2010, 10:58 AM

    ياإخوان وياأخوات تكفون من قراء موضوعي يردعلى بكلمه طيبه توسع صدري ترى والله إني أكتب لكم هذا للموضوع
    وانا أتقطع من جواي ؟؟؟؟؟
    أولاً سبحان من يغير ولا يتغير
    طبعاً كلكم متابعين معي من سنه وأنا أدور على القبول ويسره الله والفيزه ويسرها الله نعم أخذت الفيزه في يدي
    قبل يومين .... ولكن ؟؟؟؟؟؟ آآآآآآآآآآآآه
    في البدايه كل اللي كنت أتمناه حصلت عليه قبول وفيزه من الفرحه يوم أخذت الفيزه نزلت لكم موضوع يمثل فرحتي
    http://www.mbt3th.us/vb/forum16/thread194616.html
    وبرضه دقيت على أخوي ساعتها أبشره إنتبهو للجمله السابقه
    لكن لكم المعضلات جات كلها مثل خرز السبحه
    • أوالاً أنا موظف في هيئة المواصفات والمقاييس وظيفه غير رسميه يعي ماعندي شئ أتحسف عليه
    • ثاياً قبل ماتطلع الفيزه بيوم طلع لي وظيفة تعيين مدرس بالمستوى الخامس ووقتها دق على الوالد يبارك لي ووهو عارف رغبتي في إكمال الدراسه برا وقالي يابوك إذا تحبني وتعزني شوف رزقك وجالك لحدك لاتروح طبعاً قالها لي بإسلوب إنكسار وصوت مبحوح في آخر المكالمه طبعاص قفلت ماراح أقولكم وش صار معي بعدها ؟؟؟؟؟
    • ولكن لكم أم المعضلات
    • الوالده الله يخليها لي ماأعطيتها خبر بالموضوع لأنها كل ماكلمت خالي هناك في أمريكا جلست تبكي في راسها حاجه إنه أي واحد بيروح على أمريكا كأنه رايح للموت وفي نفس الوقت خالي طلع له تعيين بالتدريس معي وبسبب الضغوط النفسيه عليه من والده ووالدتي و,,و,,, قرر إنه يقطع البعثة ويرجع للتدريس على إنه قد خلص سنة اللغه ماهوب قرر خلاص إنتهى أمره
    • المهم وانا أكلم أخوي أبشره بالفيزا كانت الوالده عنده وعلى قد ماهي فرحانه برجعت خالي بلغها أخوي بروحتي طبعاً كان الخبر أشبه بالزلزال لها وإرتفع معها السكر وراحت للمستشفى كلمني أخوي وبلغني طبعاً الخبر برضه أسشبه بالزلزال بالنسبه لي وتخيلو كلمتها 5 دقايق ماقالت لي ولا كلمه بس تبكي كاني مت خلاص مشيت من الرياض الساعه 1 بالليل والله إني جيتها الصباح مانامت ولا هدت لين عاهدها بالله إني ماأروح
    تكفون والله مانزلت هذا الموضوع إلا لأن مافيه أحد يحس في غيركم يانااااااااااااااااااااااااااااااااس وش الحل
    الفيزه في يدي والقبول في يدي مشروط ماستر
    أنا خلاص ماعاد أقدر أفكر عقلي إنشل الدراسه وإلا الوظيفة رضاء الوالدين

    ولكن تذكرت قوله صلى الله عليه وسلم (ولو كنت أعلم الغيب لاستكثرت من الخير وما مسني السوء)
  2. رضا الوالدين ثم رضا الوالدين

    مااتتوفق بدونه

    ماقول تنازل عن احلامك بس حاول تقنعم كلمهم بين لهم فوايد هذا لك وانه مستقبلك واحسن لك ترجع وترفع راسهم
    وناقش بالعقل خلهم يحلموا معك
    وفي النهايه هلك ومايبوا الا مصلحتك ويحبوا لك اكيد الخير
    بس لولا قدر الله مارضوا
    فاعتبرها خيره من رب العالمين وقول لهم حاضر وكون واثق ان من هالخطوه ربك بيرزقك رزق ماكنت تتوقعه من قبل بس عشانك ارضيت والدينكم ويجي يوم وبتقول الحمدلله اني ماطلعت
    فخلك مقتنع اي شي تعمله عشان والدينك فهو خير لك قبل ماهو لهم
    7 "
  3. أسمع .... كلنا ... أو أكثرنا خاصة حنا يا عيال العجايز ... ما فينا ولا واحد أمة تقولة رح لأمريكا ....

    وكل أصحابي كلهم بدوون تخصيص ما فيهم اللي امه بكت على سفرة .... لكن كلها وقت ويعدي ...

    صحيح الوالدين لهم حق كبير ... لكن أنت ما أضنك تعولهم ... ووجودك أو سفرك مهو ذابحهم بالجوع ولا هو منومهم بالخلا

    لكن اللي إذا أنك ما تعول والديك .. وعندك أخوان يقومون فيهم لا سمخ الله في حالة مرض او شبهه ... أنا اقوول تسهل وكمل دراستك

    بالتوفيق
    7 "
  4. الله يكون بعونك
    حبيبي انت وابوي وتاج راسي روق فديتك
    بقول اللي في جعبتي
    نادرا ماتلقى ام واب راضين الرضاء التام عن البعثة
    ولكن بالكلام الحلو تستصاغ الفكرة
    امي قالت لي كلماتها وهي تطلع هالكلمات احس بهالكلمات غصة
    قالت لي وليدي بتروح وتخليني وليدي من المغرب يقهويني وليدي من يدهن شطوب رجليني < الشطوب هي التشققات الواقعه باصابع الرجلين
    ابفقدك وتدري انك اغلى واقرب عيالي
    جيت بإسلوب اقنعها
    قلت:وليدك يبي يروح ويجي رافعن راسك بيقولون هذي ام المدير الفلاني ام المسؤل الفلاني ام الشخص الفلاني موب قايلين انشاءالله ام الصايع الفلاني
    وياحلوة اللبن انتي جبتي رجال والرجال يبي يشوف عمره ومستقبلة مهوب تاركك كني بجيب اغراض وبرجع
    بشرتها وقلت سنة وبجيك طيران تخطبين لي ذيك البنيه اللي تشبه هيا وابيك ترقصين بعرسي < اسم امه هيا ولا احد يعلم
    طبعا استخدم اسلوب المدح والغزل والاستهبال مع الوالدة الله يطول بعمرها
    بعدها هانت شوي وقالت الله يوفقك والود ودنا تجلس عندنا لكن مالك الدعاء والله يوفقك

    في مثل حلو يقول

    عــــآشر من تــعــاشر فــلآبد من الــفــرآآآق

    نصيحتي لك خلها تهدى وحاول تطلع انت وياها منتزه مكان فيه روقان شوي وتحاول تتناقش معها بالموضع
    كنك تشاورها وتقنعها بنفس الوقت

    الوالد مقدور عليه اقوى قلب من قلب الام
    يعني يمديك تقنع المملوح ابوك الله يخليه لك ويطول بعمره

    يارب اني افدتك او ريحتك
    عندك خبر بعد هالموضوع انا حبيتك؟
    الله يوفقك ويسهل امورك
    7 "
  5. المشاركة الأصلية كتبت بواسطة د.ملحط
    الله يكون بعونك
    حبيبي انت وابوي وتاج راسي روق فديتك
    بقول اللي في جعبتي
    نادرا ماتلقى ام واب راضين الرضاء التام عن البعثة
    ولكن بالكلام الحلو تستصاغ الفكرة
    امي قالت لي كلماتها وهي تطلع هالكلمات احس بهالكلمات غصة
    قالت لي وليدي بتروح وتخليني وليدي من المغرب يقهويني وليدي من يدهن شطوب رجليني < الشطوب هي التشققات الواقعه باصابع الرجلين
    ابفقدك وتدري انك اغلى واقرب عيالي
    جيت بإسلوب اقنعها
    قلت:وليدك يبي يروح ويجي رافعن راسك بيقولون هذي ام المدير الفلاني ام المسؤل الفلاني ام الشخص الفلاني موب قايلين انشاءالله ام الصايع الفلاني
    وياحلوة اللبن انتي جبتي رجال والرجال يبي يشوف عمره ومستقبلة مهوب تاركك كني بجيب اغراض وبرجع
    بشرتها وقلت سنة وبجيك طيران تخطبين لي ذيك البنيه اللي تشبه هيا وابيك ترقصين بعرسي < اسم امه هيا ولا احد يعلم
    طبعا استخدم اسلوب المدح والغزل والاستهبال مع الوالدة الله يطول بعمرها
    بعدها هانت شوي وقالت الله يوفقك والود ودنا تجلس عندنا لكن مالك الدعاء والله يوفقك

    في مثل حلو يقول

    عــــآشر من تــعــاشر فــلآبد من الــفــرآآآق

    نصيحتي لك خلها تهدى وحاول تطلع انت وياها منتزه مكان فيه روقان شوي وتحاول تتناقش معها بالموضع
    كنك تشاورها وتقنعها بنفس الوقت

    الوالد مقدور عليه اقوى قلب من قلب الام
    يعني يمديك تقنع المملوح ابوك الله يخليه لك ويطول بعمره

    يارب اني افدتك او ريحتك
    عندك خبر انك من بعد هالموضوع حبيتك؟
    الله يوفقك ويسهل امورك
    قول آمين ثم قوووووووووووول آمين ثم قول آمين إن الله يسعد ذالوجه طول حياته وربي إنك ريحتني
    وإن شاء الله الأربعاء برجع للديره والله يسخر قلبها لي
    تحيه من القلب يادكتور
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.