استفسار اقصى موعد لاستلام الفيزا الأمريكيه ؟َ!

ما ودي أحطمك لكن

أنا من يوم ٨ مايو
إلى الآن أنتظر وصولها


تقريباً لي ٦٣ يوم

و سفري المفروض يكون اليوم الساعة ٦ مساءً ...

الله يعينك على الإنتظار

ليس على كل حال ففيه ناس طلعت في 6 أيام وفيه ناس بعد 20 يوم وفيه فعلا إلي له أكثر من شهر

وأنا لسى ما سويت المقابلة بس الله يستر.. و ترى ما معك إلا الدعاء ....

...***...*** الله ييسرها للجميع ...***...***

فيه ناس في ثلاث ايام وفيه ناس 70 يوم

ما ادري كيف طريقتهم

انا في المقابله قالت لي في بضعه اسابع

وانا الان لي 17 يوم والله لا يطول الغيبه
يارب

تبي خبر يحطططططططم

اليوم كان موعدي في السفاره وكان فيه واحد عند الباب الخارجي يصيح باعلاء صوته يقول ياعالم جوازي له 4 شهوووووووووور ماطلع ياخي ماعاد ابي اسافر امريكا رجعو الجواز

الله يستر ياغالي مالهم قانون او نظام معين يمشون عليه بالتوفيق ....

يما .. وش ذا

طيب وش نسوي يعني .. و ربي ترا مالامهم داعي

يعني نجيب واسطه مثلا ؟

الله يعين يالغالي، انا لي الحين تقريباً شهرين

ورحلتي الثلاثاء الجآآآآآآي،،،،

ادعولي تطلع قبل الموعد

دنيا حظوظ دنيا حظوظ

والله مالها موعد في ناس تطلع بدري وناس تبطي

ان شاء الله تتيسر امورك

اخوي مالك غير الدعاء

اترك السؤال عن متى تطلع لان هالشي محد يعلم به

فيه ناس 445 يوم يعني سنه وزياده

فيه ناس تنتظر لها سنه الان ولا وصلت

فيه ناس لها 4 شهور ولاوصلت
فيه ناس لها شهرين ولاوصلت

يعني هي حظ ونصيب

انت ادعي ربك تجي بسرعه

وتأكد كل تأخيره وفيها خيره

انا وصلت فيزتي بعد شهر ويوم واجلت دراستي مره وحده والسبب تأخر الفيزه
يعني طلعت فيزتي قبل موعد دراستي بـ 3 ايام

الله ياكريم انها توصل فيزكم اليوم قبل بكره

بالتوفيق

طيب يا شباب وش رايكم نسوي خطاب و نرسله للسفاره نقولهم يعني التأخير ماله داعي

هي لا هي اجراءات و لا شي انا اعرف امور السفارات و استخراج الفيز .. لان ولد خالي القنصل السعودي فاسبانيا

امور الفيز هي مجرد شغل موضف .. فيزة اسبانيا المفروض اسبوعين و ولد خالي ما يقصر مجرد تلفون للسفاره الاسبانيه هنا و تطلع بثلاث دقايق .. مجرد الطباعه

و كل السفارات نفسى الشي .. يعني هي لا هي حظ و لا امور ادرايه الزبده انها تكاسل موظفين

و الشي ذا المفروض ما ينسكت عنه .. يعني فالدول الثانيه تطلع على طول و اولهم الامارات .. و حنا نقعد ننتظر بالشهور و زي ماقال الاخ سنه و عليها

وش رايكم بفكرتي ..

و بعدين المشكله انا مبتعث من الهلال الاحمر .. و معي خطابين واحد من الهلال الاحمر و واحد من وزارة التعليم العالي

كل ذا ماله قيمه عندهم .؟!!!!!