مقابلتي في قنصليه جده اليوم 28/7

July 28th, 2010, 12:14 PM

مرحبا

اليوم كان موعدي في قنصليه جده والحمدلله مشيت الامور كلها تمام قبل مادخل السكيورتي السوداني عرفني ههههههههههه قال ها هالمره الموعد سليم قلت له اكيد ضحك وطلبني الجواز واعطيته ودخلت على منطقه التفتيش والجهاز رن طبعا عملولي تفيش يدوي بالجهاز يعني الحرمه حطتني خلف الستاره وفتشتني وخلصت وقالت لي قفلي جوالك والشنطه حطيها في الامانات واعطوني بطاقه عليها واعطني رقم وكان رقم 61 وورقه ترتيب الاوراق للطلاب ودخلت وانا مرررررررررررره قلقانه بشكل فظيع المهم دخلت وجلسنت على الكرسي وامة لااله الا الله موجوده هناك مشالله زحمه استغربت من الزحمه دي وهذه والمواعيد عندهم محدده المهم جلست ورتبت اوراقي وسالت اللي جنبي كم وصلو في الارقام قالت لي 35 اوف وهذا وانا جايه بدري من 8 ونص وموعد مقابلتي 10


المهم بعد ماخلصت اخيرا نادو على رقمي في شباك 6 عند واحد اتوقع انه سعودي ماني عارفه ورحت عنده اخذ جوازي وصفحه التاكيد تبع الابلكشن ورسوم سامبا والسيفيس وجوازي والاي تويني صوره منه المهم قالي ابصمي وبصمت قالي افتحي وجهك عشان اطابق الصوره وخلصت قالي انتي طالعه تدرسي قلت له ايوه بس قالي روحي وانتظر المقابله راح ينادو عليكي

بعد ربع ساعه او اقل نادى علي القنصل الامريكي شباك 3 وكنت خايفه منه لانه بسمع كلامه مع اللي قبلي ورفض وحده يعطيها فيزه سياحيه لانه طلبتها 5 سنوات مادري ايش قصتهم لانه اعطى للام واعتقد الاب ورفض لبنتهم وهناا مررررررررررررره خفت وجلست ادعي واستغفر الله كثير والحمدلله عدت على سلام

اول ماشافني قالي عربي او انجليزي قلت له انجليزيو قال افتحي وجهك وفتحت قام سالني متزوجه ؟ قلت له عزباء وبعدين قالي مين فين متخرجه صار يكلمني عربي وانا اردله انجليش وقالي ايش راح تكملي قلت ماستر وقالي على حساب مين طالعه قلت له على حساب وزاره التعليم العالي قالي معاك ورقه او شي قلت له معايا رقم الجدول واعطيه هو قام شوي من مكانه وراح على كمبيوتر اللي جبنه يشيك وبعدين رجع وقالي فيزتك مقبوله ورحي سددي لفيدكس واعطاين بطاقه زرقا صغيره واعطيه لفيدكس وسددت وخرجت والحمدلله

الحمدلله ماسالني فين سافرت ولا قالي فين جوازاتك القديمه

اليوم وانا هناك شفت واحد حزنت عليه بالمرررررررررررررره اتخيلو جاي السفاره بدون ماسدد رسوم سامبا ولا سيفيس وشكلو مو عارف ولا فاهم شي

قالو المدقق تبع الاوراق فين بقيت اوراقك قال هذه بس اللي معي قال لازم يكون معك رسوم روح دحين سدد تبع سامبا بس تجي قبل 11 واذا ماجيت قبلها سوي موعد تاني والرجال شكلو صغير في السن حزنت عليه كل اللي جنبي انصدمو لانه ماعاد فيه مواعيد قريبه طلع مسكين وهي زعلان يطالع ساعته .. الله يعينه




يعني بصراحه المقابله مرررررررررررره مشالله كانت سهله يارب تتسهل فيزتي وماتطول يارب

وهذه قصتي بعد معاناااااااااااااااااااااة المواعيد

والحمدلله اولا واخيراااااااااااا

• نشر عبر تويتر
• نشر عبر فيسبوك
• نشر عبر جوجل