الفيزا الألمانية

بالله يا شباب ابي اقدم الأبلكيشن بكره.

ياليت احد يعلمني بالطريقة.

الله يوفقك اخوي ..

صراحه انا ماعندي اي خلفيه عن الفيزا هذي ..

لكن ان كانت السفاره الالمانيه معقده وعلى خطأ يرجعونك او يرفضونك


انصحك تروح لمكتب يعبي لك الابليكشن

والله يوفقك يارب

الله يجزاك خير يا اخوي عبدالله .

طيب تعرف اي مكتب يعبي هذي الأبلكيشن...؟

وياك ..

انا ما اعرف الا مكتب واحد !

هو بالرياض [ حي السفارات - ساحة الكندي .. ]

تدخل حي السفارات .. بالضبط والله مدري وين .. لكن وقف بمواقف 10 .. وارقى فوق بتلقاه جمب محل كوفي . .


لكن على فكره تراه نصاب شوي .. يعني حاول تكاسره بالسعر وزي كذا ..

واذا كانك تبي رقمه علمني ..

والله يوفقك يارب ..

لكن حبيت اذكرك فيه مكاتب كثيير بالرياض تعبي لك الابليكشن وتجهز لك موعد ..

والله يوفقك يااارب

دعواتك تطلع الفيزه حقتي =(

الله يجزاك خير ويسهل امورك يا عبدالله .

انا بروح له الحين ان شاء الله .

تقدر تعبيه بخط يدك وسلامتك

ولا اسهل ولو فيه اي خط بالمزيل اسال مجرب

المشكله ما عرفت اقراها

مره بالأنجليزي ومره بلغة ما ادري وش هي .

دخلت مترجم قوقل قعدت اضحك ... يقول العائله المقدسه ومدري وش ..

الله يوفقك ويفتحها بوجهك ويسهل لك امرك يارب

بالتوفيق اخوي ..

ابشركم يا شباب خلصت امور الفيزا وقدمتها للسفارة . <<< رحت المكتب الي قلت لي ياعبدالله .

يا شباب الحين فيه مشكله .... بحكم اني ما كملت 18 على حسب كلام مندوب الماينا راح يعطيني فيزا حق 3 شهور 90 يوم وبعدها اجددها .

السؤال : هل اقدرأطلع فيزا طالب وانا في المانيا ...؟

الله يعطيكم العافية وييسر اموركم.