موعدي اليوم 10 اغسطس في قنصلية جده

سلاااااااااااااااااااااااااااام شباب

دوبي راجع من القنصلية والجو شي لا يطاااااااااااااااااق

وصلت بدري واتفتشت وكان رقمي 8 من يوم دخلت وانا فاتح فمي شبر ابتسامه للكل. حتى السيكيورتيه الهنود ما بقيت ولا واحد الا وسلمت عليه كأني ياسر عرفات هع

دخلت الانتظار الساعه 8 وكان هدووووووء قاتل كرهت نفسي حتى كحه مقدر اكح من الهدوء

اول ما نادى رقمي عشان يستلم الاوراق قمت ومن الربشه طيحت الكرت ولابس لبس مررره ما ينفع

تيشيرت توب مان كأني رايح البحر وبالقوه لبستني امي جينز طويل مقطع وانا ما ابغا اروح الا ببرمودا

قلي على حسابك قلت يس طلبني الاوراق كلها وبعدين قلي ارجع اجلس, قلت يا ويلي ما اخد بصماتي زي الناس شكلي حترفض وقعدت افكر ايش الويب سايت حق السفارة الكنديه

ناداني تاني وقلي معاك اوراق ثانيه قلت يس, وطلعلتلو خطاب موقع من ابويا والسجل التجاري حقه

قلي ما يحتاج السجل التجاري, اخد بصماتي وكنت بكسرلو الجهاز من القلق الي كنت عايش فيه. قلي انتظر المقابله.

جلست انتظر والقاعه اتمللللللللت ناس.

جا دوري رحت وقلت والله لا اتفلسف عليه ذا الامريكي اخليه يختمها ليا وهو دايخ.

قلي متى اتخرجت من الثانويه؟؟ قلت 2007 قال رايت. عبالو صادني يعني

قلي كم اخوانك؟ قلتلو كدا كدا. قلي في احد منهم برا. قلت لا.

قال ايش سويت في السنتين الي راحت؟؟ قمت فتحتله مسجل لغه انقليزيه قلت قصة حياتي كلها له وباللهجه الامريكيه.

قلي مين حيتكفل بدراستك؟ قلت دادي قال هوو؟ قلت داااد. ما فهمها شكلو امريكي بدوي

قلت ماي فاذر

بعدين اعطاني الكرت قلي روح لفيديس. قلت هذا كل شي قلي يس. قلت ثانكيو وبإنحناءة تقول اني قدام ملكة بريطانيا وقال يو ار ويلكم سون يا حليله خلاني ولده

اهم شي شباب تكون اوراقكم كامله وواثقين من نفسكم وتكون نفسيتكم حلوه. اهم شي الابتسامه قدامهم. واحد قبلي مسوي فيها مكشر وانو بيتكرم على امريكا بروحته بهدلوه بالاسئله

يلا انشالله تخلص ونستلم الفيزا بسرعه واعيد بميامي هع