لدينا تحديد موعد للسفارة الامريكية بأي وقت

انا عن نفسي جلست ساعه متواصله احدث الصفحه لين طلع لي موعد واخذته الحمد لله

ياليت الي عنده خلفيه لطريقة حجز الموعد عند السفارة الامريكية يشرحه لي
واكون له من الشاكرين .........

ياجماعه فعلا اللي محتاج موعد , اقل شي يخصص ساعتين كامله للتحديث , وباذن الله راح يحصل

انا عن نفسى دوام بالعمل صار بس اجلس قدام الجهاز من الساعه 7.00 صباحا الى نهاية الدوام 2.30 احدث في موقع السفاره في العماره ولا لقيت شى ؟؟
ودى اعرف اللي يقول ساعه تحديث وتلاقي موعد ؟؟
ممكن صادف معاه بس معاى انا ماصادف شى
عجزت اشوف اللون الاخضر
ياناس الاخضر شاقنى

انا من قبل امس بس جالسه احدث احدث الين جان يصداع
اليوم الفجر طلع واحد اخضر واضغط عليه بعدين قال مافيه طاااار انقهرت قهر
الظهران يقولون فيه هذا اذا ما طارت المواعيد

انا دخلت وغيرت من طالب الى سياحه ولقيت مواعيد بس فى شهر اوقست سبتمبر مافيه لكن اعتقد والله اعلم انه بعد كم يوم راح تنزل ممواعيد شهر 9

وخليك مواصله اختى على التحديث مثلي
عسى الله يكتب لنا موعد

ياعالم وش تبون بوجع الراس

انا والله من ناحيتي رحت لمكتب وهو ضبط لي كل شي .. ! عبالي الابليكيشن و جهز لي موعد

موعد بنفس الاسبوع .. يعني رحت يوم الاحد تقريبا صار موعدي الاربعا

لكن تراه مافييييه امل تروح له وتقول ابي تقديم موعد << بيقول لك لا ماعندي تقديم موعد .. عندي موعد عادي << بعد شهر

لكن انا اعرف واحد خويه راعي المكتب هذا .. عشان كذا ضبط لي .. انتم روحو وشوفو المكاتب فيه مكاتب تقدم الموعد ..

يعني لاتحرصون تقدمون عالنت . .صحيح انها أأمن وافضل .. لكن المكاتب اريييييح ..

عالعموم الله يوفقكم . . وكل مارحتو للسفاره أبكر يكون افضل . .

بالتوفيق

طيب يا اخوان ارجوكم افيدوني, لي فترة ابي احجز موعد في شهر 11 من الحين عشان ارتاح, وش الطريقة وش الرابط الي تحدثونه واذا فيه مواضيع تحدثوا عنها بالمنتدى ساعدونا فيها تكفون, عن نفسي والله ما عاد ادري وش الطبخة, عبيت الابلكيشن وحفظته, بروح اتصور ببدلة اليوم وبرجع اضيف الصورة للابلكيشن, على امل اني القى صفحة المواعيد بعد ما اسوي submit.

اذا احد عنده معلومة عن الموضوع لا يبخل ترى الي ما يعرف شي تعني له الكثير

بالتوفيق إخوآني وأخوآتي لكم جميعآآآ ..
وإن شاءلله تشوفوا الآخضر عما قريب ..