الأعضاء الإشتراك و التسجيل

الملتقيات
ADs

الله يخليكم الي عنده خبره يدخل انا متورط وحالتي حاله

الله يخليكم الي عنده خبره يدخل انا متورط وحالتي حاله


NOTICE

تنبيه: هذا الموضوع قديم. تم طرحه قبل 6133 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية :: KroOZ ::
    :: KroOZ ::

    مبتعث مستجد Freshman Member

    :: KroOZ :: الولايات المتحدة الأمريكية

    :: KroOZ :: , ذكر. مبتعث مستجد Freshman Member. من الولايات المتحدة الأمريكية , مبتعث فى الولايات المتحدة الأمريكية , تخصصى طيار , بجامعة ISU
    • ISU
    • طيار
    • ذكر
    • Indianapolis, Riyadh
    • الولايات المتحدة الأمريكية
    • Aug 2006
    المزيدl

    June 15th, 2007, 03:25 PM

    السلام عليكم

    اخواني أبي أسألكم ارجوكم افزعوا لي

    الحين انا مسوي المقابله قبل 10 شهور تقريبا في السفاره والسبب اني كنت احسب الوزارة تبي تخلص امورنا من بدري ماتوقعت هالتأخير هذا من الوزارة الموقرة

    المهم لما سوينا المقابله في السفارة عطوني انا وزوجتي ورقة صفرا وحددو على المطلوب احضارة الي هو الضمان المالي وتسديد السيفس الحين انا مامعي ضمان مالي.

    كل الي معي الي جاني قبول من جامعه و i-20 لي ولزوجتي والسفس طبعا

    وش تتوقعون هل السفارة تبي تقولي لازم اخذ موعد من جديد ؟؟ ولا الورقة الصفرا تبي تنهي الموضوع مع العلم الورقة الصفرا صار لها معنا من 10 شهور تقريبا

    وبالنسبه لتسديد السسيفس هل هو عن طريق موقع الإنترنت ؟ او هل فيه طرق ثانيه للدفع بدون بطاقة الفيزا

    لأني بصراحه انا مااستخدمها ولا احبها

    وانا سمعت انه لازم تسديد السيفس من موقع النت ولازم بطاقة فيزا ياليت توضحون لي المشكله تحياتي

    وإذا كان تسديد السيفيس لازم من موقع النت ولازم فيزا انا سمعت انه لازم بطاقة الفيزا لازم تكون بإسم مقدم الطلب يعني هل فيه مجال اشوف لي احد يسددها لي ولا لازم اروح اطلع لي بطاقة فيزا واسدد؟؟ وللعلم الي مبتعث انا وزوجتي فقط هل إيصال سداد واحد يكفي يعني 100 دولار لي ولزوجتي ؟ ولا لازم اسدد لي ولها ؟؟
  2. بخبرتي البسيطة احاول افيدك
    الاي تويني يغني عن الضمان المالي بس صوره كذا صورة وقدم الاصل للسفارة
    بالنسبة لتسديد السيفس بيكون عن طريق النت
    وتقدر تسدده ببطاقة اي شخص تعرفه،،، وتسديد السيفس يكون فقط للمبتعث دون المرافق واذا كنت انت وزوجتك مبتعثين فيلزمك سداد سيفس لك ولزوجتك وبعد التسديد تطبع صفحة السداد وتاخذها معاك لانها ترفق بالاوراق اما التاشيرة فتقدر تسددها من خلال سامبا عن طريق فروعهم او النت اذا كان عندك حساب عندهم بس انا افضل انك تسدده عن طريق احد الفروع وتاخذ ايصال السداد معاك لانه بيرفق ايضا مع الاوراق،،، وسداد التاشيرة بيكون للمبتعث والمرافق
    بصورة اوضح
    السيفس= المبتعث فقط
    التاشيرة= المبتعث بالاضافة للمرافق ان وجد
    بالنسبة للفقرة المتعلقة بالموعد والورقةالصفراء
    بالتاكيد يلزمك موعد،،، لانه يوزرك اكيد منتهي فمدة صلاحيته 3 اشهر اذا ما خاب ظني مش اكتر من كدة
    وانت مطوف 10 اشهر فلازم تعمل يوزر جديد وعن طريقه تحدد موعد جديد وتقدم اوراقك مع النواقص المطلوبة

    على اي حال انا مرافق لزوجتي وانهيت الموعد واستلمت التاشيرة
    ولو تبي اي استفسار انا تحت امرك
    7 "
  3. اخوي روح للسفارة مافي داعي تاخذ موعد جديد وان شاءالله تاخذون الفيزا ..

    يعني انت منت خسران روح للسفارة وسلم اوراقك وان شاءالله بيخذونها وتستلمون الفيزا ,اما اذا قالولكم خذو موعد جديد توكل على الله ...

    اهم شي تروح للسفارة من الساعة 1 الين 3 عشان تسلمون اوراقكم ...
    7 "
  4. تسلم اخوي روبرت على مرورك

    واليوم انا رحت لهم لكن أنصدمت لما قالوا لي انه لا اسمك ولا اسم زوجتك موجود عندنا لازم تروح لوزارة التعليم العالي وتخليهم يرسلون لنا ايميل بإسم المبتعث والمرافق وبعدين تعالوا

    وربي انه قمه بالمذله والإهانه لكن وش نسوي نصبر ونتوكل على الله
    7 "
  5. المشاركة الأصلية كتبت بواسطة :: KroOZ ::
    تسلم اخوي روبرت على مرورك

    واليوم انا رحت لهم لكن أنصدمت لما قالوا لي انه لا اسمك ولا اسم زوجتك موجود عندنا لازم تروح لوزارة التعليم العالي وتخليهم يرسلون لنا ايميل بإسم المبتعث والمرافق وبعدين تعالوا

    وربي انه قمه بالمذله والإهانه لكن وش نسوي نصبر ونتوكل على الله
    اخوي لاتتضايق عادي في طلاب كثير مثلك ,, انت روح الوزارة وخليهم يرسلون اسمك واسم زوجتك وقلهم كم رقم الايميل حقك وحق زوجتك وابشر بالفيزا ان شاءالله .
    7 "
  6. حرام عليك
    عشان قالو انه اسمك في ايميل الوزارة اهانوك
    الوزارة المفروض ترسل اسماء كل المبتعثين
    المهانة انك تنتظر في بيتك منت عارف متى راح تصدرلك الفيزا بعد شهر 2 10
    هدي اعصابك شوي خلاص هانت
    7 "
  7. ياجماعه

    رحت للوزارة وخليتهم يرسلون الإيميل قدامي وماطلعت إلا لما تطمنت انهم ارسلوا الأيميل

    ولما رحت اليوم للسفارة كانت الصدمة الكبيره ..!!!!!!!!!!!!!!

    لما جا دوري بالسرا قالت لي موظفة الشباك عطني اوراقك وعطيتها كل شي

    قالت ياخوي روح سوي موعد جديد ومقابله من جديد وقامت وقطعت الورقه الصفرا قدام عيوني !!!!!!!!!!!!

    قلت لها يا اختي وضعنا محرج لازم نخلص بالكثير 20 يوم قالت مالي شغل اوراقك ماراح استلمها إلا بعد ماتسوي مقابله من جديد !!!!!!!!

    ياناس وربي احنا ضايع حقنا ومهانين بشكل كبير

    الحين وش تنصحوني اسوي

    هل اسوي موعد جديد !ّ؟؟؟؟؟ بس خايف الموعد مايجي إلا بعد شهر ولا شهرين !!! وش الحل يالربع
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.