حوار كل واحد اتأخرت فيزته يتفضل وياخد العلم

August 19th, 2010, 05:18 AM

السلام عليكم
بدون مقدمات ندخل في الموضوع دايركت احسن

طفشت من كثر ماارسل ايميل للسفاره ويكون الرد موحد لسه تحت الاجراءات

اليوم قلت خليني اتصل على السفاره لعلا وعسى ناخد العلم اليقين
الحوار اخذ مني 13 دقيقه بالزبط

اتصلت الله بالخير بالقوه رد عليا واحد
hello
hello
قفلها معا قلي تعرف تتكلم عربي قلتله يس

قلي اتفضل >> ابد ياطيب ابغى استفسر عن حالة التاشيره
هات رقم الجوزا اعطيته رقم الجواز قلي والله يااخوي للاسف لسه تحت الاجراءات

قلتله نفس رد الايميل ويعطيني ديك الضحكه يمكن الجيران سمعوها شكلو كان فايق الرجال
قلي ليه فيه شي قلتله يوم المقابله قلي الموظف بالكثير من اسبوعين الى ثلاثه اسابيع وهيا عندك
والى الان المزيونه لسه ماجات جلس يكرر لين ماداخ بعدها قلي ياراجل عيوني دمعت
اقول في نفسي دمعت من كثر الضحك ونحنا عيونا تدمع من كثر القهر
قلي تسموها المزيونه كمان قلت اكيد مافي احلى منها ياراجل
قلي ياخوك هذه الاسطوانه يقولوها لكل واحد

بس الموضوع مش بيدنا نحن اللهم نوافق عليك وعلى اوراقك ونرسل جميع طلباتك الى واشنطن متى ماجانا ايميل بأسم فلان الفلاني نحنا بسرعه نطبع التأشيره ونرسلها لفيدكس
غير كدا مالك إلا تنتظر
طيب ياسيدي الدارسه تبداء بعد 10 ايام مافي وقت ومرتين يتكنسل عليا حجز الطيران
لا تحجز إلا لمن تستلم على قولتك المزيونه ويعطيني وحده ضحكه صنج اذني الله يسامحو بس

قلت مدامك فايق خليني اتونس معاك
قلتله ماحد قلك انك فله ودمك خفيف قلي امممممممم إلا كثير اخر واحد قلي هيا ابو عاصم مين ابو عاصم مدري
قلتله كم عمرك قلي ليه تسأل تبغى تناسبني يعني قلتله لنا الشرف اقلها تساعدنا في الفيزا ويعطيني وحده من ضحكاتو
قلتلو بالراحه ترى اذني صنجتها قلي اووووووه مره سوري
جيت اقلو سوري ولا لبناني اتسدح من الضحك
سألتو اش اسمك قلي لا معليه
قلتله اش خايف على اسمك من الحسد قلي لا لو سمعت اسمي يمكن تفطر مره اسمي بايخ
من جد انك فله طيب يلا بس ساعدني في الفيزا

قلي ليه ماصدق >> لو الفيزا بيدنا كنا مااخرنا ولا احد شكلو صرفني
زي ماقلتلك متى ماجات الموافقه من واشنطن رايحه تجيك غير كدا غني يالليل مااطولك
طيب يامحمد عبده اطربنا ياسيدي
بس سؤال اخير قلي بسرعه تراك طولت معايا
ناس استلمت الفيزا في خلال ايام وناس في اسبوع وناس في شهور
اش السبب في تأخير الفيزا؟؟؟

بس سالتو دا السؤال انواع التعصب عصب عليا
اشبك يالطيب دوبك جالس تضحك ليه عصبت كدا
قلي انتا ماتفهم اقلك الموضوع مش بيدنا موضوع الاجراءات في واشنطن
طيب شكرا واسف اذا ازعجتك
جلس يضحك اقول في نفسي شكلك فيك عرق سوداني صح ماشي على جميع الموجات الله واكبر عليك
ساعه تضحك وساعه تعصب اخخخخخخخخخخخ
قلتله طيب سؤال اخير قلي عيد الاتصال في غيرك جالس يتصل ويعطيه الخط مشغول
مع السلامه
مع السلامه

الشغله طلعت فيها ارسال بيانات وارسال خطابات وارسال وارسال الى واشنطن

وموت ياحمار لين مايجيك الخريف
علينا الصبر وعليهم الوفاء وغير كدا مالنا إلا نقول يامسهل كل عسير سهلها يااااااااااااارب

:*****wave: :*****wave:

• نشر عبر تويتر
• نشر عبر فيسبوك
• نشر عبر جوجل