الأعضاء الإشتراك و التسجيل

الملتقيات
ADs

للتو وصلت من الظهران الى الرياض وانتهت مقابلتي على خير , التفاصيل بالداخل ..

للتو وصلت من الظهران الى الرياض وانتهت مقابلتي على خير , التفاصيل بالداخل ..


NOTICE

تنبيه: هذا الموضوع قديم. تم طرحه قبل 4956 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية daad
    daad

    مبتعث مستجد Freshman Member

    daad الولايات المتحدة الأمريكية

    daad , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى ماجستير , بجامعة لايوجد
    • لايوجد
    • ماجستير
    • ذكر
    • لم أختر, لا اعلم
    • السعودية
    • Jul 2010
    المزيدl

    August 24th, 2010, 01:40 PM

    ,,,


    ,,

    ,,






    بسم الله الرحمن الرحيم


    اليوم الثلاثاء 24 اغسطت 14 رمضان الساعة 1 ظهراً وصلت الى الرياض قادما من الظهران ..

    خلنا نبدأ من البداية ,,

    مسكت خط الشرقية الساعه 3 الفجر بعد نهاية دوامي مباشرة طبعا تخللها تعبئة بنزين وتقضي الحب والمشغلات في الطريق من البقالة لاني من العصر مانمت ..

    الشاهد وقفت بعدين مرة ثاني عشان المصق الوجهيه بالفيري , المهم ضاع علي الوقت عالفاضي ..

    طبعا السرعه 160 الساعه 6 وعلى مشارف الشرقية الا وهذاك الرادار الله حسيبي عليه وتعرفون الباقي :



    المهم كملت للظهران على نفس المنوال ..

    دخلت الظهران عند ارامكو المهم كل واحد يعطيني من راسه الين وصلت للقنصلية الساعه 7 الا عشر دقائق ..

    جاني السكرتي الهندي وين تبي قلت عندي موعد قال تعال 7 و عشر قلت خير ..

    في جمب القنصلية بقالة طلقت رجيلاتي فيها بما ان الجو في الخارج رطوبة مزعجه ..

    الساعه 7 وعشر رحت السيارة والبس الثوب وارسم ..

    رحت القنصلية ودخلت المواقف وقال انتظروا في السيارة الين اناديكم ..

    الساعه 40 7 نزلونا ونصف طابور بعد التفتيش الاول الين الساعه 8 جت ذيك السودانية المحجبه حبوبه الصراحة قالت طلعوا لي الجواز والموعد ..

    راحت غرفة التفتيش الثانية وحنا بالدور عليها ..

    بعد التفتيش الثاني واخذهم للريموت والجوال تروح للصالة الداخلية وتاخذ رقم وتنتظر ..

    انتظرنا الارقام حبة حبة تمشي فيه اثنين اشوام رجال وحرمه جاء دوري واخذ مني الجواز وسداد سامبا وصورة من I20 و الضمان المالي , ولا اخذ من سداد السيفس ولا صورة من الجواز ولا صوري الشخصية ولاكشف الحساب وقال قد رحت امريكا ؟ وقال لي بصم ..

    بصمت واعطاني كرت قال سدد في فديكس واسترح ..

    استرحت وجو اثنين امريكان ولد وبنت شباب اعطيهم في منتصف العشرينات وعندهم المقابلة جاء دوري قال لي الرجال وين بتروح ؟ وبتدرس لغه وجامعه ؟ هل سبق رحت امريكا ؟ هل سبق سافرت لخارج السعودية ووين ؟ من وين جبت الفلوس ؟

    طبعا انا حست الدعوة في نقطة من وين جبت الفلوس فـ طلب كشف الحساب اطلع عليه وفهم الوضع وقال خلاص اسبوعين وتجيك الفيزة .

    قلت شكرا ً

    طلعت من عندهم مسكت الخط الساعه 10 وتوي واصل الان , قلت انزل الموضوع حامي حامي ..

    وهذه هي السالفة من طق طق الى السلام عليكم ..

    دعواتكم ان الله ييسر الامور وتطلع الفيزة بسرعه ..

    وانا الآن استأذنكم بأنام مواصل الى الان .

    ,,,


    ,,

    ,,


  2. الف الحمد لله على السلامة ومبروك مقدما وان شاء الله عقبال الفيزة باسرع وقت ,,,

    انا مقابلتي بكرة بالظهران واا شاء الله خير ,,, عندي لك كم سؤاال استحملني شوي


    على مافهمت من كلامك الموضوع كان على ثلاث خطوات

    1- التفتيش من خلال السودانية المحجبة ( الحبوبة )

    2- رجال الشـام واخذ الاوراق المعينة والتبصيم ,

    3- المقابلة مع الامريكي والاسئلة ,,

    طيب اخوي سؤالي في المرحلة الثالثة وهي عند المقابلة ,, ممكن تفصيل اكثر شوي ولمحة عن كل الاسئلة<< استحملني شوي

    هل طلب منك الاي توني ؟ ونسخة من تسديد السيفس ؟ الشهادات الاخيرة ؟ وسؤال اخير ,,

    ممكن تذكر لنا قائمة بالضبط من جميع االاوراق سواء اخذوها او اكتفو بالاطلاع عليها

    هذا وعسى ربي يوفقك ويسهل لك جميع الامور ان شاء الله

    تحياتي لكـ
    7 "
  3. المشاركة الأصلية كتبت بواسطة الـنـورس
    الف الحمد لله على السلامة ومبروك مقدما وان شاء الله عقبال الفيزة باسرع وقت ,,,

    انا مقابلتي بكرة بالظهران واا شاء الله خير ,,, عندي لك كم سؤاال استحملني شوي


    على مافهمت من كلامك الموضوع كان على ثلاث خطوات

    1- التفتيش من خلال السودانية المحجبة ( الحبوبة )

    2- رجال الشـام واخذ الاوراق المعينة والتبصيم ,

    3- المقابلة مع الامريكي والاسئلة ,,

    طيب اخوي سؤالي في المرحلة الثالثة وهي عند المقابلة ,, ممكن تفصيل اكثر شوي ولمحة عن كل الاسئلة<< استحملني شوي

    هل طلب منك الاي توني ؟ ونسخة من تسديد السيفس ؟ الشهادات الاخيرة ؟ وسؤال اخير ,,

    ممكن تذكر لنا قائمة بالضبط من جميع االاوراق سواء اخذوها او اكتفو بالاطلاع عليها

    هذا وعسى ربي يوفقك ويسهل لك جميع الامور ان شاء الله

    تحياتي لكـ

    صحيح المراحل الثلاثة كما ذكرت ..

    في المرحلة الثانية " الشامي " هو اللي اخذ الاوراق مني وهي زي ماذكرت بالموضوع سداد سامبا ونموذج 160 والشهادة البنكية و الجواز وصورة من i20 فقط لكن ممكن نسى ياخذ من سداد السفيس او انه باين بالجهاز اني مسدده لاني سددته من اسبوعين .

    الامريكي ما اخذ مني اي اوراق فقط طلب يطلع على كشف الحساب ورجعه لي على طول ..

    سألني انت بتروح للولاية الفلانية ؟

    وهل تبي تدرس لغه وجامعه ؟ مع اني في الابلكيشن ماذكرت الجامعه وحاط فترة الجلوس بامريكا سنة لاني ماجبت الاقبول معهد ولكن قلت له ايه بادرس جامعه ومعهد .

    و سألني بتدرس بكالوريس او ماستر قلت ماستر قال من وين ماخذ البكالوريس قلت الملك سعود قال معك الوثيقة اعطيته صورة مصدقه قلت تبي الاصل قال لا ورجع لي الصورة بعد ما شافها .

    سألني هل تعرف أحد في أمريكا ؟

    طبعا سألني رحت امريكا او لا ؟ سافرت قبل كذا لاي دولة ووشهي ؟ بعدين قال لي انت بتدرس على حسابك قلت ايه , زي اللي قال من وين جبت الفلوس ؟؟

    طبعا المفترض اني اجاوبه الجواب البسيط اني موظف في الوزارة الفلانية لاني معبي في الابلكيشن اصلا اني موظف في الوزارة , ولكنها راحت عن بالي لاني متسلف مبلغ عشان اطلع الضمان المالي , فقلت له اني متسلف المبلغ !!

    فـ طلب كشف الحساب وشاف الوزارة الفلانية محولة لي راتب قال اها انت تشتغل في الوزارة قلت ايه قال ايوه وبدا يكتب على الجهاز وبس .

    طبعا آخر سؤال كان ليش بتروح امريكا ؟ قلت للدراسة ابتسم وقعد يكتب بالكمبيوتر .


    عموما صدقوني ان الظهران كلهم حبايب وطيبين وتعاملهم راقي الا الهندي اللي يفتش اول واحد مسوي زحمة والشارع فاضي ..

    وخذو الموضوع بسهاله جدا وانا جدا جدا ماتوقعت الوضع بالبساطه هذه ..

    والمقابلة مع الامريكي ما اخذت ولا 3 دقايق .

    7 "
  4. المشاركة الأصلية كتبت بواسطة سابك
    الحمد لله على سلامتك ..

    وعقبال الفيزا عندي سوال لاهنت بنسبه للأمريكان الي جوك في المقابله يتكلمون عربي وله كله انجليزي ..

    والي مايتكلم انجليزي وش الحل معاه ..؟؟

    انا اول شيء قام يرطن انجليزي ومافهمت !!

    قلت له عربي بليز

    قال ايواا وبدا يتكلم عربي مكسر شويتين , بس امسك نفسك من الضحك على النطق وطريقة الكلام لانه بعض الاحيان يدور الكلمة مايلقاها ولاتحاول تتفلس بكلمات لغه عربيه فصحى لانه ماراح يفهم ..

    على سبيل المثال لما سألني عن الفلوس من وين جبتها ؟؟

    قلت اكيد مو عارف معنى متسلفها فقلت له مقترضها !!

    راح عاد السؤال مرة ثانية عرفت انه مافهم ردي لكن ماكان عندي غيره فـ عدت الجواب فـ طلب هو كشف الحساب .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.