السفاره الامريكيه الرياض او الظهران

يالبى سفارة الرياض ياشيخ

طلعت تأشيرتي في 8 ايام الحمد لله .. لا تروح الظهران ولا تتعب نفسك غيرك يجي من جده علشان سفارة الرياض

انت بس ادع ربك ان الله يسهل امرك وتتسهل ان شاء الله

يا خوي مافرقت الرياض او الظهران واللي يقولك الرياض احسن او الظهران احسن لاتسمع بكلامه وترى الفيزا حظوظ وتوافيق
وعلى قولت اخوي naif2010 انو فيزته من سفارة الرياض طلعت 8 ايام

انا يخوي مقدم على الظهران وكانت مقابلتي الاربعاء اللي طاف بتاريخ 25 اوقست يعني قبل 4 ايام استلمت فيزتي يوم الاحد 29 اوقست

يعني لاحظ انا المقابلة كانت يوم الاربعاء والخميس والجمعه اجازه واستلمتها الاحد يعني يومين عمل بس

فماهي الرياض احسن ولا الظهران احسن كلهم سوى واللي يمدحون كثير واللي يذمون كثير فروح اللي اقرب لك واستعن بالله والله يوفقك ويستر عليك

تبي الصراحه .. سفاره امريكا بالرياض .. حلوه .. لا تعقيد ولا شي..
بس الظهران مدري عنها والله

الرياض افضلهم...وابعد عن الظهران

انا لاجربت لا هذا ولا هذا لكن اقولك شغله وحده
توكل على الحي القيوم
قال تعالى " من يتوكل على الله فهو حسبه .، إن الله بالغ أمره ، قد جعل الله لكل شىء سببا"
وحفظ هذا الدعاء وردده في السجود:
"اللهم إن كان رزقي في السماء فأنزله
وإن كان في الأرض فأخرجه
وإن كان بعيدا فقربه
وإن كان قريبا فيسره
وإن كان قليلا فكثره
وإن كان كثيرا فبارك لي فيه"
اللهم يسر ولا تعسر اللهم عجل ولا تؤجل
واستغفر ربك دايم
وربي يسهل اموورك
يحفظك الرحمن