الأعضاء الإشتراك و التسجيل

الملتقيات
ADs

مقابلتي اليوم 7 سبتمبر وتم قبولي بس ياليت اللي موعده بنفس اليوم يدخل؟

مقابلتي اليوم 7 سبتمبر وتم قبولي بس ياليت اللي موعده بنفس اليوم يدخل؟


NOTICE

تنبيه: هذا الموضوع قديم. تم طرحه قبل 4952 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية كيمووو
    كيمووو

    مبتعث مستجد Freshman Member

    كيمووو الولايات المتحدة الأمريكية

    كيمووو , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى ادارة اعمال , بجامعة اريزونا
    • اريزونا
    • ادارة اعمال
    • ذكر
    • تمبي, اريزونا
    • السعودية
    • Jun 2010
    المزيدl

    September 7th, 2010, 02:37 PM

    السلام عليكم كل ابوكم

    مقابلتي مافيها شي جديد ابد الا كم نقطه راح اذكرها للي راح يقابل والباقي مثل ماذكرو بس الاخوان في مقابلاتهم من اجراءات واوراق نفسها بالضبط مافيها شي جديد والامور اكثر من سهله وربي

    اول شي واهم شي لأني نسيته وبغيت اتوهق بصراحه :-

    توقع على جوازك بالصفحه الثالثه من جوازك بتلاقي تحت توقيع صاحب الجواز وقع نفس توقيعك اللي دايم توقعه بامورك واجراءاتك .

    وانا من تجربتي في مقابلتي ماطلبو مني ايصال تسديد السيفس ابد ابد وهذا اللي استغربته وعلى العموم هالشي هذا يختلف من شخص لشخص .

    اهم شي عند البوابه اول ماتدخل يشيك على اوراقك اللي هي

    1/ورقة التأكيد اللي فيها صورتك اللي تطبعها بعد ماتعبي النموذج DS-160

    2/ورقة تأكيد المقابله اللي تطبعها بعد ماتحجز موعدك

    3/ ايصال حق سامبا وجوازك فقط هذا اللي عند البوابه عند الدخول .


    وترى بيجيكم واحد عند البوابه ويقول لكم نفس كلامي يعني لاتشيل همه وترص عمرك بين الناس عشان تعرف

    هذي الاوراق خلك مجهزها عند وقت ماياخذون البصمات وخل على جنب الاي توني والسيفس هذي على حسب الشخص عاد يمكن يطلبها منك ويمكن لا

    باقي الاوراق عاد مثل الشهاده البنكيه .... الخ

    هذي عاد على حسب اللي يقابلك يمكن يطلبها ويمكن لا .

    بس نصيحة نصيحه لو انك مرتبك وخايف وحالتك حاله خل بخشتك لو نص ابتسامه ومو كل وقت المقابله فاتح خشتك عاد لا بالبدايه صباح الخير كيف الحال وخل خشيشتك مسفهله شوي وحاول تكون وازن عمرك .

    ولا احد يخاف من شي انا دبل كبدي هاللي قابلني الظاهر توه متعلم اللغه العربيه ويالله افهم عليه واسمعه وكل شوي اقوله مدري وش تقول ويعيد ويزيد بس بالمهايه عطيته كلمه ضحك عليها شوي واهو رد على سؤاله بس رد حلو وبنفس الوقت يخلي الواحد يبتسم غصب عنه .

    هذا كل اللي عندي قلته بوقت مقابلتي والحمد لله الامور تساهيل ياربي لك الحمد والشكر .


    الزيدهـ اللي موعدهم اليوم 7 سبتمبر ابي اللي راح يقابل عند شباك رقم 10 هذا لحس ابو مخي مدري هو خبل ولا يتخيبل علي بصراحه وسوت فيه وياليت اللي مقابلين بشباك رقم عشره يعطوني رايهم فيه هل هو مثلي او لا .

    يعني تخيلو زود على دباشته قالي بتدرس على حساب مين قلت على حسابي قالي طيب عطني كشف حساب انا طبعا ماعندي كشف حساب بس شهاده بنكيه المهم عطيته الشهاده البنكيه قالي مامعك غير هالاوراق اثبات غيرها يعني مثل كشف حساب او شهاده ؟ قلت واللي معك وشو مو شهاده ؟ وسكت
    وكم موقف صارلي معه غير كذا بنفس الدباشه بعد بس بالاخير قالي انت مقبول وروح للفيدكس

    عمومن اللي عندي وقلته للي يبي يستفيد والله يوفقنا ويوفق الجميع ان شاء الله
  2. المشاركة الأصلية كتبت بواسطة xXFaisalXx
    هلا اخوي انشاء الله تطلع فيزتك بسرعه وعقبالنا
    المهم عطني معلومات عن الشهادة البنكيه..؟ الله يرضى عليك
    الجميع ان شاء الله اخوي .

    والله يالغالي مافهمت سؤالك زين لكن برد عليك على بخصوصها ولا ادري هذا اللي تبي تعرفه او لا .

    هذا اذا كنت رايح تدرس على حسابك الخاص ؟

    الشهاده تجيبها من وين ؟

    اذا انت اللي تبي تتكفل بمصاريفك وعند فلوس يعني تروح للبنك وتطلب منهم شهاده بنكيه .

    واذا ماتقدر او مو انت اللي راح يتكفل بمصاريفك والاغلب راح يكون الوالد يطلع لك من حسابه شهاده بنكيه لك تكون من حساب الوالد .

    بس حاول تكون اقل شي 70 وياليت ماتوصل للسبعين يعني من التعسين وفيها الى الميه حلو واذا كانت اكثر احسن واحسن ترى وتفيدك اكثر .

    اول شي الشهاده البنكيه لازم تطلعها او كشف حساب ثلاث شهور وان جمعتهن كلهن يكون افضل بعد والشهاده البنكيه خلها من سامبا احسن لأنهم يعطونك الشهاده البنكيه بالدولار غير البنوك الثانيه يعطونك بالريال الا عاد اذا فيها واسطه مادري عاد هذا الشي الاول وانها من شروط اللي يبي فيزة طالب .

    الشي الثاني انت بنفسك راح تحتاجها هناك يعني مثال واحد من اخوياي السكن حقه اول ماجاء بياخذ شقه طلب منه يشوف الشهاده البنكيه وهذي ترى مو كل الفنادق يعني يمكن مايطلبونها ويمكن يطلبونها هذا اللي اعرفه هناك ومن ميزاتها انها تخدمك بعد بكثير من الاشياء يعني لاترميها او تضيعها وقت ماتخلص من المقابله صور نسخ كثيره منها وخلهن معك مع الاصل طبعا وانتبه لاتعطي احد الاصل صوره فقط والاصل يبقى معك .

    الشي الثالث السفاره والمعهد يطلبونها منك يعني اذا بغيت تجيب قبول من معهد من شروطهم الشهاده البنكيه وكل معهد يختلف يمكن فيه معاهد ماتطلب كذا مادري لكن انا اتكلم لك عن المعهد اللي بروحله هذا اذا كنت مابعد جبت قبول اللي هو الاي توني وكل معهد يختلف انا معهدي طالب 5000 دولار اقل شي بس ارجع واقولك على حسب المعاهد ولا افيدك بالشي هذا شف معهدك انت اللي تبيه وتأكد من شروطهم .

    وفيه شي حبيت اقولك عنه انك تطلع الشهاده البنكيه بــ 50 ريال لكل شهاده وحده يعني البنوك مايحطون الى من يهمه الامر وترتاح وخلاص لا يبون يكسبون عشان كذا مايوافقون تحط الى من يهمه الامر لازم تحدد جهه معينه يعني تحدد السفاره الامريكيه و معهدك ( انا اللي سويته واغلب اللي اعرفهم سووها ورقتين وحده للسفاره الامريكيه والثانيه الى كل الجامعات الامريكيه يعني يمكن بعدين تبي تغير الجامعه او اي شي ماتكون محدد جامعه معينه عشان كذا اغلب الناس صارو يسوون كذا الى كل الجامعات الامريكيه )

    هذي تقريبا اخوي اللي اعرفه وان شاء الله ماكون ناسي شي عمومن اخوي اتمنى اني افدتك باللي اعرفه واذا انا ناسي شي الاخوان مو مقصرين معك ان شاء الله بيفيدونك اكثر واكثر وبالتوفيق
    7 "
  3. بالتوفيق للجميع
    وطبعا الشهادة البنكية تكون صلاحيتها 3 أشهر ويجب ان تكون موجها للسفارة أو الجامعة كيف وش السالفة انا اقولك كيف السالفة وش يستفيد منها السفارة او المعهد او الجامعة لو تلاحظو معي جميع الشهادة البنكية أو شهادة بالرصيد المصدرة من اي بنك يجب ان يذكر عبارة دون ادنا مسئولية على البنك والموظف وصدرت بناء على طلب العميل بينما الضمان البنكي يتعهد بسداد جميع المصاريف المترتبة بسقفها الائتماني المحدد عند تعبئة نموذج الضمان البنكي والبنك يكون طرف ضامن للطرف الثاني ويستوفا رسوم الضمان في اغلب الاحيان عن طريق شيكات يذكر فيها مناولة للبنك لو ضمانك 15000 دولار وتبي تسجل جامعة انسى الموضوع لازم يكون بالعشرين وفوق
    شهادة الرصيد هي فلان فلان ترى عندة مبلغ كذا ولااحد يجي يطالبني بشي بكرة لانها في الحساب الجاري يقدر يصدر الخطاب ويصرفها من بكرة او من نفس الحظة .
    والسفارة والمعهد والجامعة المفروض ماتقبل الشهادة البنكية لانها تتعامل بالثقة يعني بكرة لاسمح الله طالبتك الجامعة بالسداد وقلت ها قالت انت زوتني بالخطاب بمبلغ كذا لا وبعد تحاج السفارة السعودية ويكون لها تبعات كثيرة ولا ننسا الضرائب التي تؤخذ على اساس المعلومات المالية التي تم تزويد السفارة بها

    انا اسف على الاطالة بس انت تعرف اكيد غيرك مايعرف وانا تراى للاسف مسوي نفس الحركة .

    اما السفارة وش صار معي اغلب الوقت قاعد اسأل نفسي وشراح يسوي هذا الي ميح ميح مرة بالانجليزي إذا سافر حتى مبتدئ ماوصل ما هو مشكلة هو راح يعرف وش المشكلة إذا جاع أو مرض إذاى كان عندة خوية يترجم لة بكرة أكيد ماهو موجود .

    بعدين وش ذا السفارة إلي كلها فلبنين وهنود واندوسيين و بيك .

    العوائل حزنوني صدق مافي مكان يجلسو فيها وهم مرتاحين طبعا في بعض الخوات متساوي عندها مضحوك عليها أحد قالها السفارة مكان فلة أو تحسب الشراب على طاولات الانتظار هي صحيح بلد الحرية بس حرية ايش هنا السؤال ؟

    الكل لاحظ عدم مرور السفير او من ينوب عنة على المتقدمين للتأشيرة وذلك ضد الاعراف والبرتوكلات .

    لا يوجد اعلان متى الاجازة ومتى تنتهي !!!

    ارجو ان اجمع اكبر عدد ممكن لتوفير مكان للعوائل مع اني احب الاختلاط الهادف

    شكرا
    7 "
  4. المشاركة الأصلية كتبت بواسطة اخر العنقود
    بالتوفيق اخوي اهم شي خلصت وارتحت الحمدلله

    انا مقابلتي قبل امس والحمدلله تيسرت الامور


    الله يطلعها لنا باسرع وقت يارب
    الحمد لله والشكر له.

    الله يسهل الامور ان شاء الله ويسمع منك ربي
    7 "
  5. السلام عليكم

    انا اليوم كانت مقابلتي في الرياض معك بنفس اليوم بالرياض الصراحه توقعت اسهل من كذا من ناحية الانتظار مليـــــــــت جيت الساعه 9 ولا طلعت الا 1 ههههه وسويت اكشن وخزبعلات والله لو تدري السفاره وش سويت ان تلغي فيزتي اليوم قبل بكره بعد ما دبس جوالي والمفتاح حق السياره رحت ولا دخلت عند البوابه وطلعت المفتاح من الظرف الي دبوسه وارجع الشقه عشاني ناسي الجواز هههه واخذه وارجع وكان شي لم يحدث والله لا يوريك انخرشت خرشة يقولي العبد اذا رحت معاد تجي اول مره وادخل بعد اكثر من نص ساعه ولا درى عني ورحت وسويت المقابله وسهلات الي طلبوه ايصال سامبا وكشف الحساب اما شهادة الثانوي الخ .. ما طلبوه ولا شهاده بنكيه ولا صور ولا سيفيس وسلامتكم
    7 "
  6. المشاركة الأصلية كتبت بواسطة فارس الفرسان
    أنا كنت معكم في نفس اليوم ..

    مقابلتي كانت عند الشباك رقم 9 ..

    وحده شقراء وعليها أسئلة ماأدري وش تبي ..

    آخر شي قالت لي تأشيرتك تطلع بعد شهرين >> سلاماااااات

    ماأدري متى قالوا لكم تطلع التأشيرة ؟؟

    تحياتي ..

    أنا معك بنفس الشباك, وقالت لي شهرين!
    مع العلم اني مطلع تأشيرة اخر شهر 2 الماضي واخذت ما يقارب3أسابيع وشوية, والان المفروض اجراءاتها تكون اسرع من قبل ومع ذلك قالت شهرين.
    تساهيل بأذن الله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.