استفسار الفيزا الأمريكية, شهادة بنكية ولا كشف حساب؟؟؟

مرحبا هلا والله اخوي

اخوي المطلوب لاصدار الفيزا طالب كل الشهاده البنكيه + كشف الحساب

هو ممكن ما يطلون احد الاثنين وممكن يطلبونهم كلهم

يعني انت خذ الاشياء كله

واذا تبي رايي خذ كشف حساب وشهاده بنكيه من الحساب الي فيه 20 الف دولار احسن لك لانه هو المبلغ المطلوب

تحياتي

الجميع أفضل، ودائما يطلبونها خاصة كشف الحساب



الشهادة البنكية عشان يتأكدون إن عندك مبلغ يغطي تكاليف رحلتك
وكشف الحساب ل3 أشهر هو عشان يتأكدون إنك ما حطيت المبلغ أمس وطلعت عليه شهادة بنكية وبعدين سحبته ورجعته لراعيه..

الحل في رأيي إنك تجيب كشف حساب وشهادة بنكية للحسابين كلهم
- الحساب الأول عشان المقدرة المالية
- والحساب الثاني عشان يتأكدون من إن راتب الوالد ينزل بانتظام (لأنهم بيسألونك عن وظيفة الوالد، ولازم تجيب تعريف من العمل للوالد فيه الراتب والوظيفة) أنا لما شافوا كشف الحساب والشهادة البنكية سألوني عن عمل الوالد فقلت لهم إنه عمل تجاري وعطيتهم مباشرة خطاب من الوالد بالإنجليزي بأنه يتحمل تكاليف دراستي، والورقة رسمية من المؤسسة وعليها تصديق من الغرفة التجارية..

نفس وضعي بالتمام

طبعا في البداية احب اقولك انهم ماراح ياخذوا لا كشف حساب ولا شهادة بنكية

بس راح يشوفها اللي يسوي معاك المقابلة

ووالله انه حتى ما تعب نفسه يقلب الصفحات

شاف اول صفحة وقال لي اوكي اوكي

وشاف الورقة الثانية ورجعها لي

طبعا انا وضعي مشابه لوضعك تماما

انا جبت كشف حسآب + شهادة بنكية للحسآب اللي فيه مبلغ اكثر من 20 آلف دولار

وايضا جبت معايا كشف حسآب لحساب الوالد الثاني اللي ينزل عليه الراتب

طبعا كل حساب كان في بنك مختلف عن الاخر

ومشيت الامور

والان في انتظارها ست الحسن والجمال

وفقت ربي وانار دربك وسدد خطاك

في وداعة الله

اخوي انت ما عندك مشكله وش مشكلتك ما ني عارف
انت على كلامك ابوك عنده حساب فيه فوق ال 20 الف يعني يخطي تكاليف الدراسه جيب كشف حساب على هذا الحساب
وطلع شهادة بنكية من البنك انه فيه في الحساب المبلغ الفلاني على نفس الحساب
وخلي ابوك يطلع ورقة من عمله ورقة تعريف بالراتب بالانجليزي ما تاخذ يوم على شان تطلعها
اذا ما فهمت شي ارسلي واقولك وافهمك
وفي الغالب يطلبون كشف الحساب لانه كشف الحساب يبين ما هل المبلغ موجود في الحساب ولا انسحب بعد استخراج الشهادة البنكية
يعني :


1) تروح تطلع كشف حساب باالانجليزي من الحساب الي فيه فوق ال 20 الف دولار
2) تطلع شهادة بنكية من البنك على نفس الحساب بالمبلغ الموجود فيه
3) تقول لابوك يطلع شهادة تعريف بالراتب بالنجليزي من العمل

اخي الكريم انا وولد خالي سوينا المقابله في سفارة الرياض وهو سوا المقابله عند رجال وانا عند مره كلنا عطيناهم الشهاده البنكيف في البديه ورجعوها لنا وقالو يبون كشف الحساب يعني كشف الحساب هو اهم شي وما عليك جيبه حتى لو كان المبلغ ماله فتره طويله يعني اقل شي يكون له شهر وسلامتك

طيب ياشباب عندي سؤال أبي منكم الجواب لا هنتم الحين ناوي أطلع كشف حساب وشهادة بنكيه من صديق الوالد نظراً لتواجد الوالد خارج السعوديه,, هل يقبلون شهادة وكشف حساب صديق الوالد أتمنى الأفادة لأني ناوي أكتب في الأبليكيشن أنه صديق الوالد وهل يكون فيه ضرر وقت المقابله يحطون سين وجيم في صديق الوالد , إيضاً هناك سؤال أخر إذا كان مقبول هالشي أريد صغية تبين أنه متكفل في دراستي وهل يجب أنها تكون مختومة ولا بس كافي صيغة بدون ختوم ووجع راس, أتمنى الأفادة

ما اتوقع انه مقبول لأني اعرف شخص عمه كان يريد التكفل به ولم يسمحو له فكيف بصديق الوالد .. واحيانا تصيب وتخيب يعني يمكن يمشونك وكلن على حظه

طيب أخوي ضايع لو حطيت الفلوس في حسابي وبعدها سويت كشف حساب ورجعتها بعد الكشف يقبلونها علماً أن في حسابي خلال الثلاث شهور الماضية مبلغ 13000 ريال متحرك يعني مو ثابت على هالمبلغ,, هل يقبلون تلك العملية ولا لا...

والله وانا اخوك ما قد مريت بهتجربه لكن اذكر ان فيه عضو رفضوه بحجة ان المبلغ لازم يكون له اقل شي 28 يوم ويمكن تمشيك اذا جبت لهم تعريف براتب للي بيصرف عليك من اهلك و كشف الحساب الي معك + الشهاده البنكيه وسلامتك .