September 20th, 2010, 11:27 PM
بسم الله الرحمن الرحيم
السلام عليكم ورحمه الله وبركاته
التعديل من هنا بدا
احب ابلغكم بانه استلمت تاشيرتي وكان جوالي مقفل حصلت مسج يقول لي where are you man ? وهذا بفضل توفيق الله ودعوات الاهل والأصدقاء واكيد انه مبتعث شكل نقطة كبيرة يكفي فقط انه خلاني قادر ارد على نفس استفسارتي وبعدين تعمقت وان شاء الله لنا جولة خاصه جدا باليوميات واتمنى من اخواني انهم مايطفشون كلها مساهل وقت والله يوفقكم بحق السميع العليم تحياتي لكم
قبل ما اتكلم عن المقابلة صراحة انا انصدمت بواقع الاقلام اللي هنا حقيقة الموضوع جدا عادي ولاهو ذاك التضخيم اللي حاصل بكل موضوع يطرح ماعاد طبعا الأشخاص اللي سوا مقابلتهم حيث كانت المعاملة جيدة جدا ومافي ولا نوع من
انواع التهويل اللي شفته بالاقلام اللي هنا بالعكس سهلة وسلاسة ومتعاونين انا اقول للكل اللي عنده موعد ومقابلته قريب
الأمور كلها طيبة وسهله اللي مطلوب منك تتذكر جميع بياناتك فقط ولكم مني تحية طيبة وعطرة
هذا ملخص لمقابلتي يوم السبت 18 سبتمبر في السفارة الأمريكية بمدينة الرياض
طبعا خطة السير كانت متعبة ومرهقة جدا جدة - المدينة - القصيم - الرياض
وماوصلت الا 6.30 الرياض وكان موعد مقابلتي 8 صباحا المهم بس وقفت عند السفارة التركية
واطلع عدة الحلاقة واحلق عندهم ههههه وابدل ثيابي واطلع الشماغ واتعطر واطلع الزبيري اللي فاقعه اللون الاحمر
واصف بالسرى الساعة 7 حقيقة التنظيم لابأس فيه بس عشاننا سعوديين وعرب وكل شوي واحد ناط قدامك
المهم قال اللي موعده سبع ونص يجي مع هالصف وتشوف العالم جري انا موعدي ثمانية المهم مادخلت الا ثمانية ونص
اول ماتوصله تطلع له وصل سامبا والطلب والموعد ينظر فيهم ويقولك عط اغراضك للشباك اللي جنبك لو معك
تليفون مفاتيح ويحطهم لك بظرف عليه كرت أحمر بعدين توقف عند الباب لين يفتح لك الباب عقب
تدخل على الغرفة تحصل في اكثر من موظف وفي فلبينية عسل وكذا حارس أمن مثل المطارات سير يدخلون فيه
اغراضك تحط جميع اغراضك ماعاد الفلوس وتمر عبر هذا السير وعقبها تعطيك الكرت الأحمر وتطلع على الحوش
حق السفارة طبعا شي حوشهم مو طبيعي حراس أمن ورشاشات ومدري وشو المهم تسيد لين تفتح الباب الله ياهو ثقيل
بابهم بالقوة اول ماتدخل تشوف الفرش عليه علامتهم المعروفه على يمينهم فيدكيس باخر الممر وجنبه كافتيريا
واول ماتدخل يوقف شخص مثل اللي بالبنوك يعطيك رقم ويقولك تفضل ارتاح لين يجي رقمك عاد انا جلست باول غرفه
اللي فيها شباك 1 وشباك 2 حقيقة تمنيت انه يدقق باوراقي شباك 2 لانه كان عسل صراحة طبعا تنتظر لين يجي رقمك
يوم انظر بالرقم قدامي سبعين شخص قلت يالله مو مشكلة المهم عدت 40 دقيقة وصلنا تسع واربعين لين جاء رقمي بشباك
5 يوم وصلت الا وهذي وحده فلبينية برضو عسل سئلتني الاسئلة التالية :
1 - سافرت قبل كذا ؟ = مصر
2 - سافرت امريكا قبل كذا = لا
3 - حط يدك وبصم
قالت لي معاك نسخة من الطلب قلت لها لا قالت لحظة وصورته لي وعطتني اياه وقصت الطلب ولازقته على الجواز
قالت لي هذا تعطيهم لفيدكيس يوم تخلص المقابلة .
المهم انتظرت كان واصل رقم المقابلة عند 40 ونا رقمي 70 بالضبط مافيني لاجوع ولا عطش ولاشي قلت خلني جالس مكاني عاد اتابع الناس قدامي اللي اشوفه طلع بورقة صفراء اللي بورقه بيضاء عديتهم يجي لهم 18 شخص
قلت الله المستعان لين وصلت عند رقمي نكست ابلكنت بليز ويندو 11 عاد يوم قال ويندو 11 واتذكر الشباب يقولون شباك 11 ذا مدري وش فيه ويرفض قال لي عربي ولا انقلش ؟ قلت له انقلش دردش معي شوي بعدين قال لي ارفع سماعة التليفون على يمينك سئلني كالتالي
1 - سافرت قبل كذا ؟
2- اهلك وين موجودين في امريكا تعرف احد هناك ؟
3 - راح تدرس على حساب مين من المتكفل بمصاريفك ؟
4 - وش شهاداتك ؟
5 - وش تخصصت بشهادتك ؟
6 - اشتغلت قبل كذا ووين وكم الفترة ؟ < ثلاث شركات
8 - اي ولاية راح تدرس فيها ؟
9 - ليش اخترت الولاية هذي وش راح تتخصص ؟
10 - اذا خلصت دراستك وش راح تسوي ؟
وطلب مني كشف الحساب والشهادة البنكية ناظر فيهم شوي ورجعهم لي
11 - مبروك لقد وافقنا على قبولك تاشيرتك .
قال لي قبلها عاد بصم حط اليمين واليسار
عاد ماسئلتي ولا عن اي ورقة مجرد وصل سامبا فقط والجواز
عاد خلال هالفترة كان صراحة عسل وقمة بالاحترام ودعواتكم لنا بصدورها قبل الدراسة 18 أكتوبر واشنطن نحن قدامون
September 20th, 2010, 11:27 PM
بسم الله الرحمن الرحيمالسلام عليكم ورحمه الله وبركاته
التعديل من هنا بدا
احب ابلغكم بانه استلمت تاشيرتي وكان جوالي مقفل حصلت مسج يقول لي where are you man ? وهذا بفضل توفيق الله ودعوات الاهل والأصدقاء واكيد انه مبتعث شكل نقطة كبيرة يكفي فقط انه خلاني قادر ارد على نفس استفسارتي وبعدين تعمقت وان شاء الله لنا جولة خاصه جدا باليوميات واتمنى من اخواني انهم مايطفشون كلها مساهل وقت والله يوفقكم بحق السميع العليم تحياتي لكم
قبل ما اتكلم عن المقابلة صراحة انا انصدمت بواقع الاقلام اللي هنا حقيقة الموضوع جدا عادي ولاهو ذاك التضخيم اللي حاصل بكل موضوع يطرح ماعاد طبعا الأشخاص اللي سوا مقابلتهم حيث كانت المعاملة جيدة جدا ومافي ولا نوع من
انواع التهويل اللي شفته بالاقلام اللي هنا بالعكس سهلة وسلاسة ومتعاونين انا اقول للكل اللي عنده موعد ومقابلته قريب
الأمور كلها طيبة وسهله اللي مطلوب منك تتذكر جميع بياناتك فقط ولكم مني تحية طيبة وعطرة
هذا ملخص لمقابلتي يوم السبت 18 سبتمبر في السفارة الأمريكية بمدينة الرياض
طبعا خطة السير كانت متعبة ومرهقة جدا جدة - المدينة - القصيم - الرياض
وماوصلت الا 6.30 الرياض وكان موعد مقابلتي 8 صباحا المهم بس وقفت عند السفارة التركية
واطلع عدة الحلاقة واحلق عندهم ههههه وابدل ثيابي واطلع الشماغ واتعطر واطلع الزبيري اللي فاقعه اللون الاحمر
واصف بالسرى الساعة 7 حقيقة التنظيم لابأس فيه بس عشاننا سعوديين وعرب وكل شوي واحد ناط قدامك
المهم قال اللي موعده سبع ونص يجي مع هالصف وتشوف العالم جري انا موعدي ثمانية المهم مادخلت الا ثمانية ونص
اول ماتوصله تطلع له وصل سامبا والطلب والموعد ينظر فيهم ويقولك عط اغراضك للشباك اللي جنبك لو معك
تليفون مفاتيح ويحطهم لك بظرف عليه كرت أحمر بعدين توقف عند الباب لين يفتح لك الباب عقب
تدخل على الغرفة تحصل في اكثر من موظف وفي فلبينية عسل وكذا حارس أمن مثل المطارات سير يدخلون فيه
اغراضك تحط جميع اغراضك ماعاد الفلوس وتمر عبر هذا السير وعقبها تعطيك الكرت الأحمر وتطلع على الحوش
حق السفارة طبعا شي حوشهم مو طبيعي حراس أمن ورشاشات ومدري وشو المهم تسيد لين تفتح الباب الله ياهو ثقيل
بابهم بالقوة اول ماتدخل تشوف الفرش عليه علامتهم المعروفه على يمينهم فيدكيس باخر الممر وجنبه كافتيريا
واول ماتدخل يوقف شخص مثل اللي بالبنوك يعطيك رقم ويقولك تفضل ارتاح لين يجي رقمك عاد انا جلست باول غرفه
اللي فيها شباك 1 وشباك 2 حقيقة تمنيت انه يدقق باوراقي شباك 2 لانه كان عسل صراحة طبعا تنتظر لين يجي رقمك
يوم انظر بالرقم قدامي سبعين شخص قلت يالله مو مشكلة المهم عدت 40 دقيقة وصلنا تسع واربعين لين جاء رقمي بشباك
5 يوم وصلت الا وهذي وحده فلبينية برضو عسل سئلتني الاسئلة التالية :
1 - سافرت قبل كذا ؟ = مصر
2 - سافرت امريكا قبل كذا = لا
3 - حط يدك وبصم
قالت لي معاك نسخة من الطلب قلت لها لا قالت لحظة وصورته لي وعطتني اياه وقصت الطلب ولازقته على الجواز
قالت لي هذا تعطيهم لفيدكيس يوم تخلص المقابلة .
المهم انتظرت كان واصل رقم المقابلة عند 40 ونا رقمي 70 بالضبط مافيني لاجوع ولا عطش ولاشي قلت خلني جالس مكاني عاد اتابع الناس قدامي اللي اشوفه طلع بورقة صفراء اللي بورقه بيضاء عديتهم يجي لهم 18 شخص
قلت الله المستعان لين وصلت عند رقمي نكست ابلكنت بليز ويندو 11 عاد يوم قال ويندو 11 واتذكر الشباب يقولون شباك 11 ذا مدري وش فيه ويرفض قال لي عربي ولا انقلش ؟ قلت له انقلش دردش معي شوي بعدين قال لي ارفع سماعة التليفون على يمينك سئلني كالتالي
1 - سافرت قبل كذا ؟
2- اهلك وين موجودين في امريكا تعرف احد هناك ؟
3 - راح تدرس على حساب مين من المتكفل بمصاريفك ؟
4 - وش شهاداتك ؟
5 - وش تخصصت بشهادتك ؟
6 - اشتغلت قبل كذا ووين وكم الفترة ؟ < ثلاث شركات
8 - اي ولاية راح تدرس فيها ؟
9 - ليش اخترت الولاية هذي وش راح تتخصص ؟
10 - اذا خلصت دراستك وش راح تسوي ؟
وطلب مني كشف الحساب والشهادة البنكية ناظر فيهم شوي ورجعهم لي
11 - مبروك لقد وافقنا على قبولك تاشيرتك .
قال لي قبلها عاد بصم حط اليمين واليسار
عاد ماسئلتي ولا عن اي ورقة مجرد وصل سامبا فقط والجواز
عاد خلال هالفترة كان صراحة عسل وقمة بالاحترام ودعواتكم لنا بصدورها قبل الدراسة 18 أكتوبر واشنطن نحن قدامون