هنـآ نتقبـل تعازيكم بإستلآمنا الورقة الزرقـآء

September 28th, 2010, 11:48 AM

السلآلآم عليكمـ ورحمه الله وربركآته ..

لا حووول ولا قوة إلا بالله إنا لله وإنا إليه راجعون .. حسبنا الله ونعمـ الوكيل

نتقبل تعازيكم الحاره والبآردهـ .. في وفآآة قصدي في استلآمي للورقة الزرقاء

إليكمـ التفآصيل ..

أسعد الله مساءكم إخواني المشاهدين لقناة مبتعث الإخبآريه ..

لقد جآءنا بيان عآجل .. في يوم الإثنين sep 27 استلم احد الطلآب المقدمين على الفيزهـ الدراسيه للورقة الزرقاء

وإليكمـ مخبرنآ .. accord_187 يتكلم من وسط الحدث

أهلآ أهلآ .. بالفعل يا عزيزي كما قلت في مقدمة حديثكـ حدث استياء كبير لذلكـ الطآلب والسبب

الورقة المشؤومه .. والآن معنا هذا الطآلب واسمه دحووم يخبرنا عن ادق التفاصيل من حين وقت دخولهـ

إلى خرووجه من السفاره الأمريكية ..

دحووم تفضل .. اهئ اهئ والله قهر ليه كذا جاي متحمس وفرحان ومبسوط واوراقي كامله

accord_187 : طيب اخووي دحوم علمنا بالسآلفه من البدايه للنهاية

دحووم : طيب بأعلمك بس لا تنفخ وانت وقناتك الفآشله .. هع

شف يا طويل العمر طبعا اول ما وصلت للسفاره حسبت سجن الملز .. لأن اللي يشوف المبني من الخارج

مرره ما يتوقع ان هذي قنصلية امريكية .. المهم دخلت وماشاء الله في عناصر للحرس الخاص

في منهم الجيش السعودي .. وكذلكـ في منهم هنود وش لزمتهم هناك مدري

الموهيم وصلنا لنقطة الدخووول وداخل المبنى ناس يفتشون لازم واحد واحد وانتظرت تحت الشمس شوي

وما صدقت ادخل .. طبعا اللي كان يشيك على المواعيد زووول لكن زوول ايه جثه الله وأكبر عليه ..

المهم دخلت وجاني الهندي .. انا قلت بألقى أمريكآن وبألقى المارينز مدري شسمهم طلعوا فلبن وهنود

قال ديو هاف اني ثنق .. قلت نو مآن يو كان سي اي دونت هاف اني ثنق طبعا تحمست يوم تكلمت كلمتين

انقلش خخخخخخ .. المهم واتعدى نقطة التفتيش الداخليه وبعدها فلبينيتين شيكوا على الجواز واعطوني ورقة حمراء

حقت اغراضي وورقة صفراء حقت الدور .. واخرج من المبنى الصغير واروح للمبنى الثاني طبعا في بينهم خط

زي السهم .. معروف لازم تمشي فيه .. وصلنا للمبنى الثاني وقالي الحارس هناك قد مورنق قلت له السلآم عليكم

قال وعليكم السلآم .. قلت يالله صباح خير قلت اكيد الفيزا جاايه قريب دامه قالي قود مورنق

والله وادخل وفي تفتيش ثاني .. بس على خفيف وطبعا دخلت وكانت في مقاعد كثيره ..

وفي شبابيك كثيره 6 منها على اليمين خاصه للتشييك الأوراق .. و3 على اليسار للمقابله

وصل الدور 30 في تشييك الأوراق وقتها بدأو بالمقابله .. انان استغربت احسب المقابله مكتب وحركات

طلع ما عندهم سالفه .. شيكت وحده سعودية على اوراقي اتوقع انها سعوديه والحمدلله طلعت اوراقي تمام

وقالت انتظر المقابله .. وقتها كنت متوتر وشوي تنادي اسمي قلت يا زين اسمي على لسانكـ

واجي والقاها فلبينيةوتقول قود مورنق وتضحك .. قلت لا الفيزه بالكثير بكره وهي عندي مرره ما تحتاج

البنت شكلها خقت عندي .. خخخخ ( accord_187 : من زينك عااد كمل وش صار معك ولا يكثر )

دحووم : إلا والله اني ازين منك بس لا تدف .. المهم قالت ابصم بالاصبع الاوسط بالانقلش ما فهمتها

وقالتها بالعربي .. وبصمت كم اصبع وقالت لي امممم وين بتدرس ومين بيدفع المصاريف وهل سافتر قبل كذا

ووش تخصصك لخبطت في تخصصي مدري شكله من التوتر ويوم عدلت لها تضحك وتهز راسها

قلت شكلها متفهمه الوضع .. إن هذا كله توتر لا أكثر وكم عدد اخوانك وو الشهادة البنكيه

المهم وتاخذ جوازي وكان فيه كرت شالت الكرت وكتبت في ورقه زرقاء .. قالت بعد ثلاث اسابيع شيك على الرابط

قلت لها : زي واحد من الاخوان اللي كتبوا موضوع هنا .. نووو اتز الونق تايم قالت ميبي تو ويكس

قلت لها ثانكيو وتعطيني جوازي ورايح على فيديكس اسدد << مسكين على نياته خخخخخخخ

قالي الحارس نووو ذس نوت هير .. قلت وش يبي ذا وراه ما يبيني اسدد خخخخخخ

المشكله كانت في وحده لبنانيه قبلي كانت جالسه تسدد لفيديكس وانا ما سددت قلت الأمر فيه ان

المهم ما فهمت منه رحت عند حق فيدكس قلت ما تبون دراهم وقعد يبربر قلت يعني اسدد من مدينتي قال ايه

قلت ماشاء الله .. يبون يريحوني واسدد من هنآك .. طبعا انا مو من جدهـ

المهم وانا طالع اقلب الورقه يمين يسار فوق تحت .. الله تذكرت ذي الورقة الزرقاء اللي يتكلمون عنها

صرااحه ضاااااااااق صدري .. بعد ما كنت مبسووط قلت لا يمكن بسيطه واقرا بالورقه يمكنك عندئذ ارسال الجواز

قلت كفووو ... والله يعني بنآكلها تراب تكرموون .. خخخخخخ

وكان ودي ارجع لها واستفسر .. بس طلعت لقيت البنت ذيك قدامي قلت انتي سددتي قالت ايه قلت شكرا

عرفت انني من ضحايا هذه الورقه .. واللي قهرني اكثر وش معنات هي ما عطوها الورقه هذي وعطوني اياها

هذا اللي كان مضايقني حيييل مررره .. ولكن الحمدلله على كل حال

وشكرا لك أخووي accord_187 على اعطائي الفرصه لأسمع المشاهدين والمستمعين لقصتي وما حدث لي

في الخرابه الامريكية ..

accord_187 : الشكر لك اخوي دحووم على اختيارك لهذه القناهـ والله يكون في عوونكـ

كان معكم اكورد .. جده .. القنصلية الأمريكية

.................................................. ..........

وفي خبر ثاااني هجمت القوات الأامريكية المسلحه على طآلبآن ... إلخ


طبعآ دحووم هو انا .. ولكن حبيت اكتب الموضوع على شكل خبر .. خخخخخخخ

واتمنى يعجبكمـ .. وتعلمووني بعد مين اخذ هالورقه عشان نواسي بعض

وشكرا لكمـ .. تحيآآتي

• نشر عبر تويتر
• نشر عبر فيسبوك
• نشر عبر جوجل