موعدي في السفارة 6 اكتوبر الأربعاء

October 7th, 2010, 02:18 AM

السلام عليكم
اخباركم حبايبي
المهم انا من جنبها في السرد يعني لاتلوموني على الخشات
اول شي الحمد لله مشا اليوم الي قبل الموعد على خير
وتوني مطلع الموتر من الورشة الي بغا يضيع مستقبلي
المهم هاذا ماضي وخلونا ننساه

الزبدة ومن الي مايبي الزبدة
في سردي مواقف مضحكة واشياء نسويها ونندم عليها
واكثر شي قاهرني الصوووووووورة ياأخوان الي صورتة في D160 و ورقة الموعد مب لازم يجيب صورة
انا توني ادري راحت 60 ريال على الفاضي لو اني حاطها في فدكس افضل
المهم مشيت للسفارة الي في الرياض ومشيت الساعة 6 و10 وموعدي كان 7 ونص
واوصل 6 و45 دقيقة لموقع السفارة و ثلث ساعة ضاعت داخل السفارة
النصيحة الثانية اسألو العسكري الي في البوابة عن موقعها لأن السفارات لخبطة وقلق
المهم نوصل للسفارة ونوقف الموتر ونمشي ونوقف في الشمس نص ساعة
النصيحة الثالثة انا واقف من الساعة 7 الا ربع وجو ناس قبل مايفتحون بـ 5 دقايق
اي 7 وربع وجو قدامي وهاذا الي خلاني انقهر زود يعني الزبدة تعال قبل موعدك بـ ربع ساعة لاتسوي قوي وتجي مبكر

هاذا الكونتر رقم وااحد وهم مقسمين لثلاثة
الكونتر رقم واحد خذ الجواز وورقة الموعد واصل سامبا والجوال ودخلونا على زي حقت المطارات وفتشونا ودلخونا داخل السفارة وخذو الجوال
وبعد مادخلنا للسفارة يعطونك رقم
الي يبصمك وياخذ بعض الاوراق
تقعد تنتظر شويات ويجي رقمك وتروح للي يسوي المقابلة وغالبا تكون حرمة لأن اغلب الي شفتهن حريم
طبعا رحت للفلبينية وبصمتني وخذت اوراقي وقالت يالله انقلع
وطبعا الكونتر رقم 3 والأخير حق المقابلة الشخصية وهاذ نصيحة سو نفسك ضريف وضحك الي يسوي معك الممقابلة
وعلى نفس الرقم الي اخذتة ويجيك الدور للمقابلة وتبصمك وتاخذ كشف الحساب والشهادة
وتسألك اسئلة
طبعا ماشاورتني عربي ولا انجليزي تتكلم الاثنين معي
المهم الأسألة الي اتذكرها
كم عدد اخوانك ؟؟
هل سافرت من قبل ؟؟ ويين ؟؟
من يتكفل بدراستك ؟؟
وش وضيفة ابوك ؟؟
وش بتدرس برا ؟؟
وهل فيه احد تعرفة هناك يدرس ؟؟
ليش تبي تروح لأميركا ؟؟ وتدرس بعد ؟؟<<< طبعا هنا جاوبت اجابة بنت ابو كلب خقت الي تسوي المقابلة
المهم اثناء المقابلة سو نفسك كذا شوي يعني مضيع خلها تكرك عليك وتضحك وتستانس
طبعا انا يوم سويت كذا ضحكت ضحكة وخرت السماعة عن اذني من قويها
وآخيرا قالت لي مبروووك الفيزا بتطلع بعد اسبوع وانا اقول بالأنجليزي يعني كني ماصدقت ولا أنا ضامنها
آر يو شور وانا فيسي كذا
وتقول يش وانا اقول ثانكيو وهي تضحك وتقول ولكم وتنتهي القصة في أحسن ختام لها
ويالله رح سدد فيدكس
وطبعا كل واحد ياخذ معه فكة لأنها ورطنا مامعة فكة وانلطعنا لما جو ناس معهم فكة



انا عندي اسألة
اول شي ماطلبو ورقة تسديد رسوم السيفيس ؟؟؟
ثاني شي ماخذو ولا شيكو على D160 ??
ولا عطوني ها الورقة الزرقا ؟؟ كل الي سويته سددت رسوم السيفيس ؟؟



اسبك موقف اني يوم طلعت قعدت ادور الجواز على بالي طاح مني ههههههههههههههههه


انا جبت لكم الموضوع بالتفصيل للأستفادة
ولا نايب فاضي اراجعة يعني اذا لقيتو اخطاء سلكو لي
يارب دعواتكم تطلع بسرعة انا دراستي في 22 نوفبمر يعني بعد 48 يوووم
يااااااااااارب عجل علينا بالفيزا وكل المتعثرين ياااارب
يالله برب بنااااام دااايخ

• نشر عبر تويتر
• نشر عبر فيسبوك
• نشر عبر جوجل