حوار موعد 12/10 يوم الثلاثاء في الظهران+الأحد 24/10 وصلت الفيزا

هههههـ .. ياخي ترى الدعوه ونآآآسه

وخلك واثق .. أحس إنهم بيعدمونكـ ..

المهم لا وصلت بشرنـآآآ

الله*يوفقك*،*وتتيسر*امورنا*وامورك..*يارب..

الحمدالله فيزتي مقبوله والامور كلها تمام
وسهله الحمدالله يارب
وقالت لي فيزتك خلال اسبوع عندك

ان شاء الله بقولكم كل شي بالتفصيل
بس الحين طافي من التعب ابي انام

الحمد لله إن الأمور تمام ...

و إن شاء الله عقبال ما نبارك لك بوصول الفيزا ...

تحياتي ...

الله المستعان .. ردوني بنك بانتر علشان سالفة الضمان المالي

قعد يخنبق لي بالعربي المكسر ومافهمت عليه


ما ادري في احد رفضوه منكم .. وقاله طريقة ارسال الضمان المالي لهم ثاني ؟



كل التوفيق لكم شباب وبنات

أنا اليوم الاربعاء رحت سويت المقابلة
بس بصراحة كنت حدي متوترة بس السالفة
ماتستاهل أني اتوتر لانهم متعاونين معنا
وخصوصا اللى سو المقابلة يحاول أن
يخفف من التوتر بس جد اعتبرها مغامرة لاني أول
مرة أدخل مكان لحالي واتصرف وروح هنا وهناك
وحدي متلخبطه وأقول في قلبي أنا هنا ومو عارفة
وش أسوي وشلون لو أروح ومعاي عمي اللى مايعرف شي
كيف بتصرف .. بس جد لما كنت بالقنصلية اشوي وبصيح
أحس نفسي وحيده وضايعة بالرغم أن عندي اللغة اشوية تمام
وافهم وش يقولون لي بس من الربكه مااعرف شنو اتكلم
بس ماقصروا اللى يقدمون على الفيزا هههههههههههههههههههههههه
حدددددددددددي اليوم صايره تحفة

وقالوا لي بعد أسبوع توصل تأشيرتك ..

والله يوفقكم جميعاً

سلام
المعذره على التاخير راح اقولكم على اللي صار معي بالتفصيل

اول ماوصلت لمكان القنصليه
الساعه 7:23 دقيقه قبل الموعد المهم نزلت من السياره
وشفت الناس تتجه لنقطة التفتيش
كنت تقريبا ثالث واحد المهم اول ماوصلت وجا دوري للأسف رجعني وقال سيدي الصور ممنوع قلت له فيها صورتي بس قال ممنوع قلت طيب خله عندك بحطها بكيس وبعدين استلمها قال لا رجعها السياره وتعال
سلمت امري لله ورجعت..وصفيت من اول وجديد لكن هالمره قدامي مجوعه لابس فيها
وفتشني وتاكد من الموعد وقالي روح
اول ماوصلت عند الخط انتظرت 5 دقايق جا حارس ومعه شي يمسح فيها يدي ماعرفت وشو
بعدها اشر لي وقال تقدم قدمت لين وصلت شباك فيه سودانيه وقالت الجواز وعطيتها الجواز وقالت ادخل
بعدها فتشوني مره ثانيه ورحت شباك فيه امريكي عطيته الجواز وقالي متى موعدك وقلت له 8
عطاني الجواز وقال ادخل
دخلت وتوجهت من خلال طريق طويل شوي لين دخلت القنصليه..بعدها شفت لوحة مكتوب فيها اتجاه التأشيره
وصلت للباب ودخلت واخذت رقم على
طول وقعدت انتظر حوالي تقريبا ربع ساعه لين وصلوا العاملين بالشباك
المهم كانت في وحده هنديه على اليسار جت وتنادي الارقام والناس تتقدم لها واحد ورى الثاني
وجا دوري قالت وين النسخه من i-20 عطيتها وقالت ورقة الايصال سامبا وكشف الحساب
وورقة تأكيد الموعد والجواز ورتبتهم لي وقالت تفضل اجلس لين يجي رقمك
وبعدها وصل رقمي ورحت للشباك رقم 4 وكانت لبنانيه من كلامها
وقالت لي وين رايح اي ولايه؟
من شان شو رايح؟للدراسه
عطتني كرت عليه رقم الجواز ومعه ورقه فيها تقييم وأسئله عن الموقع والخدمات اللي فيه مو مهمه
وقالت روح للفيدكس وسدد الرسوم وانتظر القنصل للمقابله
قلت اوك سددت الفيدكس وبعدها رجعت وجلست بالكراسي
دقايق وجا دوري رحت للشباك 3 وكانت فيه بنت امريكيه صغيره بالعمر لكن كانت ذوق معي
قالت لي صباح الخير
قلت صباح النور
اول مره تروح لامريكا؟ نعم
هل سبق ورحت للعراق ايران اليمن؟لا
من سيتكفل بدراستك؟والدي
ماذا يعمل؟...
متى تخرجت من الثانوي؟...
وبعدها قالت لي فيزتك مقبوله انتظرها خلال اسبوع مع السلامه
انا:شكرا لك
وبعدها طلعت من القنصليه
والحمدالله التوتر والخوف اللي كان فيني راح من اول ماوصلت واخذت رقم
والله يوفق الكل ويسهل لكل من ينتظر الفيزا

ههههههه اي والله وناسه اول ماخلصت بغيت ارجع مر ه ثانيه لهم

الحمدالله الامور تمام الف شكر لك

ان شاء الله يارب لكل من ينتظر
الف شكر لك

انا ماطلبوا مني الضمان بس كشف الحساب
واللي قابلوني كلهم كانوا تمام معي انت اكيد شباك رقم واحد
انا رحت 4و3 كانوا تمام معي
ان شاء الله يارب تتسهل موفق يارب