مبتعث مجتهد Senior Member
الولايات المتحدة الأمريكية
saudi2011 , ذكر. مبتعث مجتهد Senior Member. من السعودية
, مبتعث فى الولايات المتحدة الأمريكية
, تخصصى سلاسل الدعم والامداد
, بجامعة انتظار
- انتظار
- سلاسل الدعم والامداد
- ذكر
- كولورادو - دنفر, الرياض
- السعودية
- Oct 2010
المزيدl November 1st, 2010, 04:39 PM
November 1st, 2010, 04:39 PM
بسم الله الرحمن الرحيم
الاثنين ا نوفمبر
السفارة الامريكية بالرياض
الموعد . 9 صباحا ...
قبل الموعد بساعتين ..
بعد التوكل على الله اولا واخيرا صحيت بدري تقريبا 6 صباح واخذت معي كل الاوراق المطلوبة وشيكتها رحت افطرت اسرع فطور في حياتي ومسكت الدائري واطيح بذيك الزحمة اللي تشيب الراس وانا وسط الزحمة اقول بيني وبين نفسي والله الا راح الموعد عموما الله ستر ووصلنا بوابة حي السفارات الساعة 8.15 وقفني العسكري وين !!
قلت ابي السفارة الامريكية قال اطلع سيدا لين تصير على يدك اليسار مقابل سفارة تونس مشيت على وصفة بس لخبطت شوي في الدوارات المهم وصلت المواقف الخاصة بالسفارة ...
البوابة ( مدخل السفارة)
وصلت بوابة السفارة تقريبا الساعة 8.24 دقيقة قبل موعدي 36 دقيقة المهم كان السرى تقريبا في بحدود 40 وفية عوائل المهم صفيت مع الناس والدور يمشي شوي الين وصلت للشباك قال جيب ورقة الموعد وجواز السفر واعطاني رقم
اعطيته الورقة والجواز وقال عندك مفاتيح جوال اي شي بجيوبك حطه هنا بالصندوق...
شلت كل اللي بجيوبي الا فلوس تركتها معي عشان فدكس ..المهم اعطاني ورقه حمراء صغيره وقال خلها معك لاتضيع عشان وانت طالع تاخذ اغراضك ...
بعده فتح باب البوابة الداخلي ولقيت اثنين هنود ومعهم حرمه كبيره اتوقع فلسطينيه طلب مني التفتيش وامر من الجهاز وبعدة اخذت اغراضي ودخلت داخل السفارة ...
السفارة من الداخل
اول ماتعدي الممشى الفاصل مابين البوابة الخارجية للسفارة والبوابة الداخلية يواجهك باب كبير قدامه واحد شامي جالس على طاولة يرتب اوراقك من الجواز ووصل سامبا والاي تونتي وبعد مايمررها على الباركود ينسخ لك رقم على جوازك وتدخل على غرفة الانتظار الى ان ينادون باسمك ...
مرحلة ماقبل المقابلة
طبعا انا كان رقمي متاخر شوي يعني بالتسعينات اول مادخلت الصالة وتعرفون الواحد مايدري ويش الطبخه والصالة زحمة من كثر ماعبينا روسنا بالاشياء السلبية من بعض الاخوة هداهم الله ...
الا وحده تنادي نمبر 97 بليز ..
قلت وش ذا الحظ من اولها توي ماجلست ..
توكلت على الله ورحت شباك رقم 6 وكانت وحده اسيويه
قالت بصم على الجهاز اللي قدامك بعد البصمات
اخذت وصل سامبا والجواز والاي تونتي طالعت فيهم ورجعتهم لي
وقالت لي سافرت امريكا قبل ..
وبعدين قالت روح استريح حتى المقابلة الاخيره ...
المقابلة الاخيرة ..
رجعت لصالة الانتظار الكبيرة وجلست حتى وصل رقمي صحيح طولت لكن الحمدلله على كل شي .اثناء جلوسي كنت اقرى ملامح وجية الاخوه اللي طالعين من المقابلة فيهم اللي وده يطير وفيهم اللي واصلة معه عموما وصل رقمي ونادوني اروح لشباك رقم 9
طلع امريكي اشقر يتكلم عربي وهذا حوارنا بعد ماأشر على التلفون اللي بالجدار
انا : صباح الخير
الاشقر : صبااااه النووووووور
الاشقر : لوسمهت حط اصبع بصمه
انا : بصمت ابهامي اليسار فقط
الاشقر: تبغى تدرس في امريكا ياعلي
انا : ان شاء الله
الاشقر: هل هذه اول مره تروح امريكا
انا : نعم اول مره اذا بتعطوني فيزا
الاشقر:اعطني وصل السامبا والجواز والاي تونتي
الاشقر: لماذا اخترت كولورادو .
انا : لاني ارسلت لثلاث معاهد في ولايات مختلفة ومعهد اللغه في كولورادو اسرع واحد ارسل لي الاي تونتي..
الاشقر: هل لديكم القدرة المالية .
انا :نعم موظف وهذا تعريف العمل وهذه الشهادة البنكية وهذا كشف الحساب ..
الاشقر : بعد دقيقتين يسجل بيانات عنده بالجهاز وانا انتظر بالاخير قال فيزتك مقبولة (مبروك ويل كوم تو usa) ورجع لي اوراقي كلها الا الجواز وقال روح فيدكس وسجل بياناتك خلال 3 الى 4 ايام يوصلك جوازك
انا : شكرا
الاشقر : شكرا مع السلامه .
وهذي كل المقابلة
فيديكس : """
هو المكان اللي تحس ان تعبك وارهاقك يروح من تسجل بياناتك عنده عموما انا سجلت بياناتي عنده ودفعت 65 ريال واخذت الايصال والضحكة تشق الوجه طبعا الخروج من نفس البوابه اللي دخلت معها تعطي الحارس الرقم اللي بالورقة الحمرا الصغيره وتسترجع اغراضك وتتوكل على الله وكذا خلصنا من المقابله على اكمل وجه والفضل لله سبحانه اولا واخيرا ودعاء الوالدين ودعاكم الله يوفقكم ...
ملاحظاتي
1- لاتشيلون هم المقابله والله العظيم انا كثر ماسويت مقابلات اشوف مقابلة السفارة الامريكية من اسهل المقابلات يعني امورك رتبها وجيب معاك الاشياء المطلوبة وجاوبهم كلمه ورد غطاها او بالاصح اترك الفلسفة عنك ...
2- بعض الاخوه هداهم الله عبو رووسنا بمواضيع تخليك تتوتر حتى قبل المقابله لكن الواحد يتوكل على الله ويثق بالله وبنفسه وبعده صدقني اللي كاتبه لك الله راح يصير الدعوى كلها اوراق جبها معك وبعض اسئلة من اللي انت قمت بتعبيته في نماذجهم ..
3- لاحظت ان اللي رايح يدرس على حسابة مايطولون ولا يكثرون علية الطلبات واكثر ناس اشوفهم رجعوهم اللي مقدم على فيزا سياحية او مرافق مااكتملت اوراقة
.........
تحياتي للجميع
و سااااااااااااااامحوني طولت عليكم
الله يوفقك وتوصل الفيزا باسرع وقت
وريحتني بالمقابلة والله شايل همها مرررررررررررررررة
الله يسهل بس
l000l November 1st, 2010, 05:11 PM
7 " طيب ما قالك شي عن الشهادات ولوسمحت كم المبلغ في الضمان المالي لاني تقريبا نفس حالتك
ali999 November 1st, 2010, 08:47 PM
7 " معليش كثرت عليك هل طلبوا منك خطاب الاجازه من عملك
ali999 November 1st, 2010, 08:50 PM
7 " [QUOTE=l000l;2345213]الله يوفقك وتوصل الفيزا باسرع وقت
وريحتني بالمقابلة والله شايل همها مرررررررررررررررة
الله يسهل بس
يوفقك اخوي الله يسمع منك وصدقني الموضوع اسهل مما يتصور ولاتشيل هم توكل على الله
saudi2011 November 1st, 2010, 09:36 PM
7 " [QUOTE=ali999;2345825]طيب ما قالك شي عن الشهادات ولوسمحت كم المبلغ في الضمان المالي لاني تقريبا نفس حالتك
لا والله ولاجاب خبرها ..
ماسألني لاعن شهادة ولا اي شي
المبلغ 10 الاف دولار
37 الف ريال
saudi2011 November 1st, 2010, 09:45 PM
7 " [QUOTE=ali999;2345832]معليش كثرت عليك هل طلبوا منك خطاب الاجازه من عملك
ابد خذ راحتك اخوي اي سؤال حاضر ...
بالنسبة لسؤالك ماسالني بس طلب تعريف العمل وشافه وبعدين رده علي
saudi2011 November 1st, 2010, 09:50 PM
7 " الله يوفقك اخوي مقابلتي في نفس اليوم بس في الظهران مشت اموري احلى من الحلاوه
بس لا حول ولا قوة الابالله
رفضو اصدار الفيزا بسبب شك في تويله جاتني في الرصيد ورفض اي تفسير
على العموم المقابله مافيه شي يخوف لاني ضعت في الظهران ولا وصلت الا بعد الموعد بساعه ودخلوني
black jagour November 1st, 2010, 09:51 PM
7 " [QUOTE=black jagour;2345984]الله يوفقك اخوي مقابلتي في نفس اليوم بس في الظهران مشت اموري احلى من الحلاوه
بس لا حول ولا قوة الابالله
رفضو اصدار الفيزا بسبب شك في تويله جاتني في الرصيد ورفض اي تفسير
على العموم المقابله مافيه شي يخوف لاني ضعت في الظهران ولا وصلت الا بعد الموعد بساعه ودخلوني]
وياك اخوي
وترى رديت على موضوعك هناك وافضل شي لك سوي موعد جديد في سفارة الرياض وباذن الله تتسهل امورك
saudi2011 November 1st, 2010, 10:13 PM
7 " اخوي
انا شهادتي البنكيه
بـ مبلغ 3200 دولار..
من بنك الراجحي
انت تقول ورقه سامبا وش قصتها؟؟
قادم يا امريكا November 1st, 2010, 10:29 PM
7 " 
LinkBack URL
About LinkBacks
November 1st, 2010, 04:39 PM
الاثنين ا نوفمبر
السفارة الامريكية بالرياض
الموعد . 9 صباحا ...
قبل الموعد بساعتين ..
بعد التوكل على الله اولا واخيرا صحيت بدري تقريبا 6 صباح واخذت معي كل الاوراق المطلوبة وشيكتها رحت افطرت اسرع فطور في حياتي ومسكت الدائري واطيح بذيك الزحمة اللي تشيب الراس وانا وسط الزحمة اقول بيني وبين نفسي والله الا راح الموعد عموما الله ستر ووصلنا بوابة حي السفارات الساعة 8.15 وقفني العسكري وين !!
قلت ابي السفارة الامريكية قال اطلع سيدا لين تصير على يدك اليسار مقابل سفارة تونس مشيت على وصفة بس لخبطت شوي في الدوارات المهم وصلت المواقف الخاصة بالسفارة ...
البوابة ( مدخل السفارة)
وصلت بوابة السفارة تقريبا الساعة 8.24 دقيقة قبل موعدي 36 دقيقة المهم كان السرى تقريبا في بحدود 40 وفية عوائل المهم صفيت مع الناس والدور يمشي شوي الين وصلت للشباك قال جيب ورقة الموعد وجواز السفر واعطاني رقم
اعطيته الورقة والجواز وقال عندك مفاتيح جوال اي شي بجيوبك حطه هنا بالصندوق...
شلت كل اللي بجيوبي الا فلوس تركتها معي عشان فدكس ..المهم اعطاني ورقه حمراء صغيره وقال خلها معك لاتضيع عشان وانت طالع تاخذ اغراضك ...
بعده فتح باب البوابة الداخلي ولقيت اثنين هنود ومعهم حرمه كبيره اتوقع فلسطينيه طلب مني التفتيش وامر من الجهاز وبعدة اخذت اغراضي ودخلت داخل السفارة ...
السفارة من الداخل
اول ماتعدي الممشى الفاصل مابين البوابة الخارجية للسفارة والبوابة الداخلية يواجهك باب كبير قدامه واحد شامي جالس على طاولة يرتب اوراقك من الجواز ووصل سامبا والاي تونتي وبعد مايمررها على الباركود ينسخ لك رقم على جوازك وتدخل على غرفة الانتظار الى ان ينادون باسمك ...
مرحلة ماقبل المقابلة
طبعا انا كان رقمي متاخر شوي يعني بالتسعينات اول مادخلت الصالة وتعرفون الواحد مايدري ويش الطبخه والصالة زحمة من كثر ماعبينا روسنا بالاشياء السلبية من بعض الاخوة هداهم الله ...
الا وحده تنادي نمبر 97 بليز ..
قلت وش ذا الحظ من اولها توي ماجلست ..
توكلت على الله ورحت شباك رقم 6 وكانت وحده اسيويه
قالت بصم على الجهاز اللي قدامك بعد البصمات
اخذت وصل سامبا والجواز والاي تونتي طالعت فيهم ورجعتهم لي
وقالت لي سافرت امريكا قبل ..
وبعدين قالت روح استريح حتى المقابلة الاخيره ...
المقابلة الاخيرة ..
رجعت لصالة الانتظار الكبيرة وجلست حتى وصل رقمي صحيح طولت لكن الحمدلله على كل شي .اثناء جلوسي كنت اقرى ملامح وجية الاخوه اللي طالعين من المقابلة فيهم اللي وده يطير وفيهم اللي واصلة معه عموما وصل رقمي ونادوني اروح لشباك رقم 9
طلع امريكي اشقر يتكلم عربي وهذا حوارنا بعد ماأشر على التلفون اللي بالجدار
انا : صباح الخير
الاشقر : صبااااه النووووووور
الاشقر : لوسمهت حط اصبع بصمه
انا : بصمت ابهامي اليسار فقط
الاشقر: تبغى تدرس في امريكا ياعلي
انا : ان شاء الله
الاشقر: هل هذه اول مره تروح امريكا
انا : نعم اول مره اذا بتعطوني فيزا
الاشقر:اعطني وصل السامبا والجواز والاي تونتي
الاشقر: لماذا اخترت كولورادو .
انا : لاني ارسلت لثلاث معاهد في ولايات مختلفة ومعهد اللغه في كولورادو اسرع واحد ارسل لي الاي تونتي..
الاشقر: هل لديكم القدرة المالية .
انا :نعم موظف وهذا تعريف العمل وهذه الشهادة البنكية وهذا كشف الحساب ..
الاشقر : بعد دقيقتين يسجل بيانات عنده بالجهاز وانا انتظر بالاخير قال فيزتك مقبولة (مبروك ويل كوم تو usa) ورجع لي اوراقي كلها الا الجواز وقال روح فيدكس وسجل بياناتك خلال 3 الى 4 ايام يوصلك جوازك
انا : شكرا
الاشقر : شكرا مع السلامه .
وهذي كل المقابلة
فيديكس : """
هو المكان اللي تحس ان تعبك وارهاقك يروح من تسجل بياناتك عنده عموما انا سجلت بياناتي عنده ودفعت 65 ريال واخذت الايصال والضحكة تشق الوجه طبعا الخروج من نفس البوابه اللي دخلت معها تعطي الحارس الرقم اللي بالورقة الحمرا الصغيره وتسترجع اغراضك وتتوكل على الله وكذا خلصنا من المقابله على اكمل وجه والفضل لله سبحانه اولا واخيرا ودعاء الوالدين ودعاكم الله يوفقكم ...
ملاحظاتي
1- لاتشيلون هم المقابله والله العظيم انا كثر ماسويت مقابلات اشوف مقابلة السفارة الامريكية من اسهل المقابلات يعني امورك رتبها وجيب معاك الاشياء المطلوبة وجاوبهم كلمه ورد غطاها او بالاصح اترك الفلسفة عنك ...
2- بعض الاخوه هداهم الله عبو رووسنا بمواضيع تخليك تتوتر حتى قبل المقابله لكن الواحد يتوكل على الله ويثق بالله وبنفسه وبعده صدقني اللي كاتبه لك الله راح يصير الدعوى كلها اوراق جبها معك وبعض اسئلة من اللي انت قمت بتعبيته في نماذجهم ..
3- لاحظت ان اللي رايح يدرس على حسابة مايطولون ولا يكثرون علية الطلبات واكثر ناس اشوفهم رجعوهم اللي مقدم على فيزا سياحية او مرافق مااكتملت اوراقة
.........
تحياتي للجميع
و سااااااااااااااامحوني طولت عليكم