مبتعث مجتهد Senior Member
الولايات المتحدة الأمريكية
alomary , ذكر. مبتعث مجتهد Senior Member. من السعودية
, مبتعث فى الولايات المتحدة الأمريكية
, تخصصى Master Marketing & Advertising
, بجامعة Not yet
- Not yet
- Master Marketing & Advertising
- ذكر
- ....., Washington
- السعودية
- May 2010
المزيدl November 6th, 2010, 11:29 AM
كم صار لك على المقابله ؟؟
alomary November 6th, 2010, 11:51 AM
7 " لاحول ولا قوة الا بالله
لاتضيق صدري تكفى
والله اني شايل هم ..
وش صار بالضبط معك في المقابله ؟؟
هل سافرت دول كثيره ؟؟
هل تتوقع السبب لأنه ماطلب منك الضمان او الشهادة ؟؟
alomary November 6th, 2010, 12:38 PM
7 " مبررررررررررروك
دامه قال انتظرها خلاص مبروك عليك الفيزا
رمز الوفآ November 6th, 2010, 01:09 PM
7 " بالتوفييييييييييييييييق عقبالنا
ςяαzу нєαят November 6th, 2010, 01:16 PM
7 "
November 6th, 2010, 11:29 AM
السلام عليكماليوم كانت مقابلتي
لدي قبول معهد فقط
الجامعه كنت في الفترة الماضية اراسل جامعات لكن للأسف بحكم انو ابغى بزنس
فأغلبها كانت تطلب جيمات وتوفل ولهذا السبب ماجبت القبول ..
المهم
رحت بالآي توني وقدمت على موعد للسفاره آيتوني معهد ..
الأسبوع قبل الماضي
ودفعت رسوم السيفس والفيزا
200 دولار + 532 ريال + 45 ريال للمقابلة
وكان موعدي اليوم 6 نوفمبر الساعه 9 صباحا
طلعت من البيت الساعه 7 ونصف تقريبا
وصلت السفارات
اول ماوصلت كلمني الضابط
على وين ؟؟
قلت له السفاره الأمريكية
قالي
امشي مع الدوار الأول الثاني الدوارالثالث خذ معه يمين بيجيك دوار تعداه بتحصل مواقف على يدك اليسار
وقف هناك وامشي على رجلينك بتوصل للسفاره وبتشوفه مبنى كبيير على اليسار بعد المواقف
والله رحت ووقفت سيارتي
ويوم وصلت للسفاره
والقى طاااااااااابووووووووور يمكن فيه 70 واحد او اكثر بعد ..
واصف معهم
طبعا
هندي اللي قاعد ياندي
صارت الدعوه موب بالطابور
كل شوي يطلع الهندي
ويقول اللي موعده الساعه 8 يرفع يده
>>>> طبعا انا يوم وصلت كانت الساعه 8 ونص تقريبا
وحقين الساعه 8 مادخلوهم
وانا موعدي الساعه 9
مشيت مع الطابور بهالشمس ..
الين ماوصل دوري
عطيته اوراقي بعدين اخذ مني المفاتيح والجوال
ودخلني للسفاره
>>>> طبعا كل هالإجراءات وصفة الطابور قبل الدخول للسفاره يعني بتكون بالشارع برا
دخلت للسفاره واول ماتدخل بتمشي مثل الحوش المفتوح
الين ماتلقى قدامك مبنى قزاز تدخل هناك
بتلقى امرأه كبيرة في السن ومتحجبه يبدو لي من اصل اردني او فلسطيني ..
قالت لي
ياولدي حط كل اوراقك واي مفاتيح او ساعات او اي شي معاك بالعلبة
>>> مثل حقت المطارات اللي تدخل فيها مع الباب للتفتيش
حطيت اوراقي واغراضي
اخذتها وعطتني ورقه حمرا عشان ارجع آخد جوالي ومفاتيحي اذا طلعت منها ..
المهم
تدخل بيجيك في وجهك واحد سوري مدري اردني
نفس الفكرة
وقدامه كمبيوتر
وبتلقى سيب على اليسار صافين فيه اللي جو قبلك
يمر عليهم واحد واحد
ياخذ الجواز والآي توني وايصال سامبا
ويدخل معلوماتك بالكمبيوتر مدري يشيك عليها ويتأكد
بعدين يعطيك رقم
كان رقمي 73
اول مادخلت
مامداني اجلس
الا تجيني الأمريكية تقول
نمبر تلاته وسابأييين
انتا ركمك تلاته وسبئييين
قلت ايوه
قالت روووه لم شوباك ركم كمسه
قلت طيب
واروح لم شباك رقم خمسه
وتجيني وحدة آسيويه كأنها شغاله فلبينية
قالت لي
موهمد قلت ايوه قالت ابصم يدك اليمين في الجهاز
واحط يدي اليمين اول شي الأربع اصابع مع بعض
بعدين ياخذون اليد اليسار الأربع اصابع ..
بعدين تقول جب الإبهام
حق اليدين مع بعض
وتحطهم على الجهاز
وقالت لي خلاص ارجع ..
رجعت وجلست بالإنتظار مرت تقريبا 20 دقيقه انتظار ..
بعدين جت الأمريكية ذيك حقت ركم تلاته وسبئيييين
قالت ركم تلاته وسبئين
قلت ايوه
قالت
روه لم شوباك رقكم تيسأه (9)
رحت للشباك
وصار رجال امريكي ابيض شكله حبوب ويبتسم طول الوقت
جيت وافتح السماعه
قلت له صباح الخير
رد علي اهلا اهلا صباخ النور
كيف هالك موهمد
قلت انا بخير انت كيف حالك ؟؟
قال انا بخير شكرا جزيلا ..
انت درست بالجاميئه يامهمد ؟؟
قلت ايوه انا درست بالجامعه
قال وين ؟؟
قلت جامعه الإمام كلية الإعلام
قالي اووو كويس ..
اول مرة تزور بها امريكا ؟؟
قلت نعم اول مرة ..
قالي اين ستزهب الى امريكا ؟؟
قلت سأذهب الى مدينة سبوكان ولاية واشنطن
قالي اووو نايس هذي بلد جميل ممتاز جدا ..
بعدين قعد يعبي البيانات وانا قاعد اناظره وقلبي
يدقدق خخخخخخ
قالي اين سافرت في السنوات الخمس الماضية ؟؟
قلت سافرت الى دبي 5 مرات والى البحرين 4 مرات
بعدين سكت وقلت والى سريلانكا
ناظرني وهو مبتسم ومتعجب بنفس الوقت
قالي سياحه ؟؟
قلت ايوه سياحه ..
قال اوووه نايس
وسكت ..
بعدين قالي اووووو جامعه قونزاقا ..
نايس نايس
هذي جامعه جميله ستذهب للغه هناك ؟؟
قلت نعم
قالي جميل جميل الجامعه مره ممتازة ..
بعدين قعد يعبي البيانات وقالي حط يدك على جهاز البصمة وبصم علي ..
بعدين قالي
اوكي مستر مهمد
روح لفيدكس وادفع المبلغ وان شاء الله 3 اسابيع وتخرج تأشيرتك ..
انا هنا متعجب
الرجال ماسألني عن كشف حساب
ولا سألني عن شهادة بنكية ولا جاب اي طاري لهالموضوع بتاتا ..
ولاسألني احد بيصرف عليك او عندك ضمان حكومي ؟؟ ..
المشكلة اني مجهزها وحاطها قاعد احتريه يقولي شي
>>>> متحمس على هالشهاده
فماادري بصراحه متخوف ..
هل اذا قال اوكيه خلاص يعني اوكيه ؟؟
وهل تتوقعون السبب لأني جايب بس قبول معهد ؟؟
يعني ماجبت قبول الجامعه معاي ..
الشغله الأخيره هل فيزا المعهد هي نفسها فيزا الجامعه 5 سنوات ؟؟
نقاط على الهامش
* حاول انك تجي مبكر ..
* خلك ريلاكس وهدي اعصابك وخلك مروق ومبتسم طول الوقت ..
* يرحم والدينكم ياسعوديين اي واحد بيروح للمقابله لايسوي لي فيها فاهم ويلبس سوت كرفته وجاكيت رسمي
ولا بدله هههههه والله ناس عجيبه
المشكلة ليته يعرف يلبس بدله شكله يذكرني بالسدحان والقصبي يوم يروحون لبنان !!
يعني لو ماتعرف تلبس بدله او تلبس جنز وتيشرت
عادي البس شماغ وثوب خلك سعودي افتخر بلبسك حق بلدك ورح للمقابله بكل ثقه ..
تراه محد بيفكر انك ارهابي لو بتلبس ثوب بالعكس يحترمونك ويقدرونك ..
* بعض البنات ماادري وش يحسون فيه ماتدري هي رايحه عرس ولا مقابله
مكياج نص كيلو + عطر يجيب الصداع من قوته
والله لو تكب على وجهها مويه كان طلعت لنا علبة الوان قوس قزح
لاحد يزعل تراني امزح هههههه
بس صدق ليت معاي كاميرا اصور بعض الأشكال اللي جايه ههههه
تراها مقابله خليك مهدي الوضع وواثق من نفسك والبس ثوب وشماغ
او اذا كنت تعرف تلبس بدلة البس بدله لاكن تتهور وتلبس جنز مع جزمة رياضه مثلا
بالتوفيق للجميع لاتنسونا من دعاءكم
ان شاء الله يطلع الجواز واموري تمام
مع اني خايف من سالفة الشهادة والضمان لأنه ماسألني ابدا عنها ولا جاب طاري !!
الله ييسر ويعين ..