مساعدة عاجل تكفون الي عنده حل يعلمني

اذا درستي في المعهد اكثر من 3 شهور ف ما يحتاج اي 20 جديد على حد علمي بالتوفيق

اخوي درست فقط شهرين كورسات متقدمه واختبرت الايلتس ورجعت السعوديه بكمل شهرين ، هل استطيع ادخل امريكا بنفس الاي تونتي ؟

اختي ام رنا.. ركزي معي باللي اقوله لك

الاي توني القديم اللي في معهد هذا المهم

الان اذا بغيتي تغيرين المعهد او تروحين الجامعه.. لازم تكلمين المعهد يسوي لك ترانسفير الاي توني للمكان اللي تبينه جامعه او معهد

انتي اول ماتقولين لهم هم راح يفهمون.. طبعا بعد ماتتفقين مع الجامعه تقولين لمعهدك القديم انا بنقل الجامعه الفلانيه يصير هو يرسل الاي توني حقك القديم للجامعه.. بعض المعاهد يطلبون رسوم النقل وبعضهم لا

على العموم هالخطوه لازم تسوينها ليش؟؟

عشان ماتكون لك مشكلة مع دائرة الهجره الامريكية..

وبعدين كيف تطلعين الاي توني جديد وانتي الفيزا حقتك اللي بجوزاك على رقم الاي تونتي القديم

انتبهي.. الاي توني اللي تدخلين فيه هو اللي راح ينتقل معك لاي مكان تدرسين فيه بامريكا الا اذا انتهى مدته


واي سؤال ياختي انا حاضر

موفقه

يعطيك العافيه على التوضيح وهذا نفس الكلام الي اخذته من احد مكاتب els بالسعوديه ،
طيب انا للحين ما جبت القبول النهائي من الجامعه بسبب عدم حصولي على الضمان للان هذا من جهه، من جهه اخرى هل اطلب من المعهد الي درست فيه يعطي لاولادي وزوجي اي تونتي علما اني ما راح ارجع ادرس عنددهم لاني لازم ابدا الماستر واصلا اختبرت اللغه ، وبعد ما يطلعون لزوجي واولادي الاتوني ، ينفع ارح امريكا على بلد الدراسه ، اطلب من الجامعه هي الي تطالب رسميا بتحويل الاتنوني عليهم هل هذا الكلام ينفع ويخليني في السليم
وش الي يضمن ان الاي توني ساري المفعول ؟

اختي ام رنا معلومه بسيطة الاي توني ماياخذه الا طالب يدرس في امريكا.. يعني اذا زوجك واولادك راح يرافقون معك راح تكون فيزا سياحة

هذا شي الشي الثاني الاي توني مكتوب فيه المده كم كانت على ضوء هذا الشي السفارة فيزت لك.. خلينا نقول انهم فيزو لك خمس سنوات... عادي تقدرين تدخلين امريكا مره ثانيه بس احرصي انه يكون معك قبول الجامعه اللي راح تدرسين المااستر فيها

وارسلي ايميلي للمعهد القديم وقولي لهم انك تطلبين تحويل الاي توني للجامعه اللي تغين تروحين لها.. وعشان تكونين في السليم لازم يردون عليك..

وفي طريقة ثانيه عشان تكونين مرتااحه ارسلي ايميل للجامعه اللي تبين تروحين لها قولي له اني انا درست واختربت اللغه في المعهد الفلاني .. والان انا بدرس عندكم الماستر.. وش البروسيجر المتبع عندكم.. اذا قالو لك تعالي وحنا نطلب الاي توني اوكي

اذا قالو لك لازم تبلغين المعهد القديم.. معناه ترسلين ايميل لهم...

والايميل اللي راح ترسلين للمعهد او الجامعه احفظيه عندك لان في حال اذا دائرة الهجرة الامريكية جت عندك وابحث ولقت لاقدر الله ان الاي توني ماتحول.. تطبعين الايميل اللي ارسلتيه للمعهد وردهم لك وتقولين لهم انك ارسلتي لهم وهم وافقو يصير وضع في السليم والخطا عليهم مليون بالميه

ومن ناحية زوجك واولادك ربي يخلهم لك... اذا كان زوجك ماراح يدرس في امريكا يطلع معك مرافق بفيزة سياحيه B2 واذا كان يطلع معك يدرس لغه وغالبا المرافقين يدرسون لغه يعطونه فيزا F1 ويكون عنده اي توني من المعهد انه يدرس بس

هذا اللي انا اعرفه واتمنى اني اكون افدتك

موفقه ام رنا

كيف اخوي فيزا سياحيه اذا انا ابيهم معاي طول فتره الدراسه الي اعرفه انهم يطلعون فيزا f2 وفي هذي الحاله لازم يكون لكل واحد فيهم اي توني خاص فيه من نفس المكان الي اصدر لي الاي توني اما انهم فيزا سياحيه معناها انهم يرجعون خلال 6 شهور وانا ما ابغى كذا !!
وكلامك سليم انا راسلت المعهد وقلت له ابغى ارجع انا وزجي واولادي اش المفروض اعمل ؟
ومن ناحيه اخرى براسل الجامعه وبشوف وش تنصحني ؟
يعطيك الف عافيه ما قصرت بس يا ليت تتاكد لي من ناحيه نوع الفيز
تحياتي