مبتعث مجتهد Senior Member
السعودية
ملاعب , ذكر. مبتعث مجتهد Senior Member. من السعودية
, مبتعث فى السعودية
, تخصصى دبلوم برمجه
, بجامعة فاضي
- الرياض, السعودية
- السعودية
- Oct 2010
المزيدl December 2nd, 2010, 04:18 PM
December 2nd, 2010, 04:18 PM
اخواني امس وصلني الــ I20 و لله الحمد
انا طبعا اللي ابغاه اروح ادرس لغة انجليزيه فقط لاغير
المشكلة اللحين اقرى المقابلات و متخوف مره و اخاف انه يقولون لي ماينفع تروح هع
عمري 27 سنه و متخوف انهم يسوون لي قروشه و زحمه و اليوم حولت مبلغ 100 الف ريال من حساب خالي لحساب ابوي و بسحب شهاده بنكية و كشف حساب طبعا بيبين معهم لما اسحب كشف حساب انها جت دفعه وحده هل فيها مشكلة !!!!!!!!!!!!!!
و ماهي نسبة قبول من يذهب لدراسة اللغة الانجليزية على حسابه ؟؟؟
جوازي سافرت فيه لليمن و مصر
اليمن دراسه جامعه و مصر سياحه
مدري وش وضعي !!
انتظر اجاباتكم الله يرضى عليكم و الله متخوف و متقورش مررره
الله يوفق القائمين على الموقع و يوفقنا معهم يارب ,,
والله كتبت لك رد طول عريض واتمسح للأسف..
مختصر الموضوع..
أثبت لهم دراستك في اليمن و جيب شهاداتك معاك ( ويحبذ لو إنك متفوق )
والتحويل عليه مشكله طبعا,, لكن إذا كانت فترتك دراستك بسيطه مايحتاج المبلغ الكبير ذا..!!
دبر المبلغ المكتوب في الآي توني و جيب معاها ورقة تعريف بالراتب ( الراتب يكون ماشي حاله ).. و إن شاءالله تمشي..
اما لو كانت الفترة طويلة فخلي خالك هو اللي يتكفل بك( أصدر الشهادة البنكية وكشف الحساب باسمه ) بدال مايحول لأبوك ,, عشان لا تجيب للقنصل الشكك يوم المقابلة من ظهور مبلغ كبير فجأة ( وخاصة إنك كنت في اليمن )
broken_ice_1 December 2nd, 2010, 04:42 PM
7 " لبى قلبك على الرد
الشهادات معي ومستواي الدراسي متوسط مانيب دافور بالعربي هع
المشكلة ان خالي رافض فكرة انه يجيب لي ورقه يتكفل بدراستي و اني بدرس من جيبي الخاصص حاولت اقنعه بس ماحولك احد احسه متخوف ,,
الوالد له صديق صاحب شركه مقاولات في امريكا مدري لو ينفع مثلا اجيب منه كشف حساب و تعهد بدراستي او كذاا !!
او وش نظام و هل من اي شخص اقدر اجيب كشف و ضمان دراسي و تعهد منه و لا لا لازم شخص يقرب لي !!!
ملاعب December 2nd, 2010, 04:49 PM
7 " والله هو مافي قانون معين بحد ذاته,,
بس يعني الأفضل إنه من الأقارب طبعا..
ومثل ماقلت لك.. لو كانت الفترة الدارسية بسيطه.. مايحتاج المبلغ الكبير ذا
وخاصة لو كان الوالد على راس العمل وراتبه طيب,,تجيب تعريف بالراتب و أمورك تمشي إن شاءالله
بالتوفيق يا أخي
broken_ice_1 December 2nd, 2010, 05:22 PM
7 " يعطيك العافيه على التفاعل يالغلااا جعل ربي يوفقك يارب
انتظر باقي الاخوه لعلي القى افاده عند احد الاخوه
ملاعب December 2nd, 2010, 05:36 PM
7 " عندي لك شوية اقتراحات..
اولا : لو إنك طالع بس شهادة لغة,, ليش ماتطلع عن طريق شركة سياحة مثل ( عطلات العمودي ) ..؟؟
ثانيا : لو إنك طالع لغه بس ,, ليش اخترت امريكا ..؟؟ ليش مارحت الدول الأسهل والأرخص ( نيوزلندا كندا استراليا )
لو قدمت عن طريق العمودي مثلا على كندا ( بإذن الله ) الفيزا تجيك مليون في المية ( وكندا فيها إلحاق بالبعثه لو حبيت تكمل )
بس بصراحه مكلف شوي عن طريق العمودي
بالتوفيق
broken_ice_1 December 2nd, 2010, 06:14 PM
7 " اخوي العمودي كم يكلف لــ كندااا تقريبا !!!
و هل لديه تنظيم لامريكا !!!
اخترت امريكا لان لي اخويا هناك و احسها احسن طبعا مب قايلهم ان لي احد هناك على شان لا يقولون ذا بيهج
فزعتك يابطل !!!
سمعت في مكاتب تساعدك في تخليص الفيزا الامريكية من جد ذي و لا سواليف !!!
ملاعب December 3rd, 2010, 02:36 AM
7 " هم يقيسون قدرتك في الدراسه وقدرتك الماديه والاوراق الثبوتيه تكون حاضره في المقابله كذلك ايصالات الرسوم المطلوبه من سيفس او سفاره
فـ مثلا لو دراستك باليمن درجاتها حلوه جب كشف الدرجات يفيد فيها
او عملت عمل ومادرست مره جب الي يثبت انك عملت
وكذلك ااذا درست شيء ثاني جب الي يثبت اذا كانت الدرجات حلوه
اهم شيء بتفوق او جيد فيه لانهم يتأكدون برضو انك بتمشي في الدراسه
وبالنسبه للحساب التدقيق على حسب الموظف اهم شيء تسوي شهاده بنكيه بالمبلغ وكشف حساب بنفس الوقت يفيد بتوفر المبلغ نفسه بالحساب حتى لو قبل يوم من المقابله والحساب حق ابوك اكيد نشط وينزل فيه فلوس ويسحب منه ...اذا ً لاعليك
والعمر ماينظرون له الا من ناحية اين قضيت هذه السنوات بعد الثانويه الشيء الي متفوق فيه مثل ماقلت لك اذكره وجب الاثباتات اما غير ذلك لا حتى لو اضطريت انك تكذب وتقول انك تعمل مع الوالد طوال هالفتره اذا كانت درجاتك سيئه في الجامعه الي دخلت فيها
النسبه كبيره اذا كانت الاوراق كامله يصدرون لك تأشيره اهم شي اتكل على الله
إبحار في عالم الطموح December 3rd, 2010, 02:53 AM
7 "
December 2nd, 2010, 04:18 PM
اخواني امس وصلني الــ I20 و لله الحمدانا طبعا اللي ابغاه اروح ادرس لغة انجليزيه فقط لاغير
المشكلة اللحين اقرى المقابلات و متخوف مره و اخاف انه يقولون لي ماينفع تروح هع
عمري 27 سنه و متخوف انهم يسوون لي قروشه و زحمه و اليوم حولت مبلغ 100 الف ريال من حساب خالي لحساب ابوي و بسحب شهاده بنكية و كشف حساب طبعا بيبين معهم لما اسحب كشف حساب انها جت دفعه وحده هل فيها مشكلة !!!!!!!!!!!!!!
و ماهي نسبة قبول من يذهب لدراسة اللغة الانجليزية على حسابه ؟؟؟
جوازي سافرت فيه لليمن و مصر
اليمن دراسه جامعه و مصر سياحه
مدري وش وضعي !!
انتظر اجاباتكم الله يرضى عليكم و الله متخوف و متقورش مررره
الله يوفق القائمين على الموقع و يوفقنا معهم يارب ,,