اتمنى اني بده الموضوع اقدر اوصل معلومه حتى لو جزء منها للاعضاء وراح اكتب اش صارلي في القنصليه على شكل نقاط
1- عبيت الابلكيشن وحجزت تقريبا 10 نوفمبر على سفارة الرياض بعد تخويف بعض الاشخاص لي ماكنت مقتنعه بس حجزت لانه ماكان في مواعيد بجده واليوم التاني حذفت الموعد وحصلت بجده وحجزت على اول ايام بديسمبر
2- القبول ماوصل تجسير يماطل لا شي غير تعشيم الطلاب حسبي الله عليهم اتمنيت يجي القبول قبل المقابله للاسف ماكل المطالب بالتمني .
3- قبل لا احجز الموعد اصلا كنت براسل القنصليه بجده والحمدلله كانو متعاونين معاايا
4-جاء يوم مقابلتي انا حجزت في البدايه وحطيت مرافقي مع FAMILY MEMBER بس لمن عرفت انو الفميلي ممبر بس الزوج والابناء وراسلت السفاره على ده الموضوع وقالولي انو موجود ده الكلام في موقع انت اقري بالتفصيل عشان كده روحت حجزت للمرافق يوم مستقل لانو اليوم الي حجزت باسمي كان فل.
5- بس بعدين قريت موضوع عن وحده حطت اخووها فاميلي ممبر ومشولها هي يعني مايددقو والي لاحظته في القنصلية تبع جدة مدام دخلت بوابتهم يعملولك المقابله يعني مايهتمو حجزت حجز مستقل او مع اختك او اخوك مدام البواب دخلك انت نظامي والبواب ماعنده مشاكل اسمك في اللسته الي عنده تدخل حتى مايطالع في ورقه الموعد ولا يهتم بيها .
6-يوم موعدي الاوراق الي اخدتها :
*ورقه تاكيد نموذج DS-160
*وصل سامبا
*ورقه الموعد
*اكيد اهم شي جواز السفر
*صورتين شخصيه مقاس 5×5
*شهاداتي
*هويتي الوطنيه وصورة منها
7- روحت قبل الموعد بنص ساعه اجراءات الدخول مافي داعي اكتبها بس الي حسيته لمن دخلت القنصليه كاني في كول او ديوتي CALL OF DUTY . 8- اول شي موعد التبصيم ده ماسالني شي ماخذ الا نموذج تاكيد الطلب والجواز وايصال سامبا قلتله الاي توني ماوصل قلي عادي وشفته يسال الناس بس ان مااقلي شي . بس انا جالسه استنى موعد المقايله جات وحده عند التصيم قلها ابغى الهويه الوطنيه نفس الي بصمني وماسالني اي ورقه حتى ضمان ماقلي شي عنه ولا مبتعثه من اي طرف المهم قالت ليه الست انها هي قالولها مايحتاجو هويه وطنيه والجواز يكفي انو يكون اثبات ليها الرجال مكر عليهم وقال يبغى الهويه المهم بعد جدال وشد في الكلام جوزها طلع هويته اعتقد بطاقه العايله الجديده الي سوتها الاحوال الي تكون صغيره ونفس بطاقه العيله الكبير وده بصراحه اعتبرها نقطو ممتازة للاحوال المدنيه قام اخدها وسكت وعدت الست وجوزها بسلام .
9- جاء وقت المقابله نادوني والي لاحظته البنات الي يجو لوحدهم يعني مو معاها احد فاميلي ممبر في المقابله تمشي بسرعه وينادوها قبل الي جو من الاول يعني مررررة بسرعه ماستنيت كتير وقت المقابله مع زي الي يجو اتنين سوا او عيله مع انو في ناس كتيرررر قبلي
الاسئلة كانت:
* ليش مسافره امريكه ؟
* على حساب مين ؟
* متى اتخرجتي من الثانويه ؟ "" بصراحه اغلب الناس قالولي اني شكل وجهي طالبه في الثانويه حتى صحبات اختي يحسبوني اصغر منها وهي ثانوي فلمن قلتلها اني لي 5 سنين متخرجه من الثانويه الحرمه اتصدمت بقوة وبعدين رجعت طلت في بتدقيق في ملامحي وانتبهت لنفسها انو شكلها بايخ وعدلت من وضعها وكملت اسالة "
* متى اتخرجتي من الجامعه ؟
*اش تخصصك ؟
*اش تبغي تدرسي بامريكا؟
*عند اقارب بامريكا؟
*بابتك ومامتك فينهم "فين موجودين"؟
*بابا فين يشتغل ؟
*كم عدد اخوانك ؟
*وفين اخوانك متواجدين ؟ الي اخوانه كتير ترى ده نقطه قووة ليه مرررة كتير
*فين الضمان المالي الي يثبت انك من طرف الوزارة ؟ هنا انا قلتلها رقم الطلب حقي المهم سحبت ورقه صفرا اشرت عالاي توني والسفيس والجواز وكتبت بخطر يدها تبغى خطاب مالي وقالتلي تكتمل الطلبات عندك دوغري ارسلي اوراقك هي بتتكلم انجلش اصلا
10- ماخدت مني الا وصل سامبا فقط لاغير يعني ماشافت شهادتي ولا اخدت صور مني زي ماخدتها رجعتها
والحمدلله توته توته خلصت الحدوته تبعتي بقيت حقت مرافقي وان شاء الله قبولي قريب يوصل اضافه اني مارضيت اخر موعدي عشان ابغى اخلص من هم الموعد وكنت ابغى اعرف هل قنصليه جده زي مابيقولو . الــــــــــــــــــــــــــــــــيوم التاني مع اشراقه شمسه مرافقي الصراحه موعده ابدر مني 7ونص بس اعرف كسلان لمن سالته متى خرج من البيت قلي 8 المهم . هنا بس راح اكتب نقاط بسيطه من الاوراق الي اعطيته هي واش حاني هو
1- اوراقه كانت :
*الجواز
*شهادة بنكيه باسم باباتي الله يخليلي هو ويحفظه يارب ويشفيه .
*كشف حساب.
*ورقه كتبتها انا عالكمبيوتر فيها اقرار من والي الامر بدفع التكاليف كامله لاخويا للمعهد وتكاليف المعيشه في بلد الدراسه بالانجلش وباباتي وقع فيها من تحت .
*شهاداته
*هويته الوطنيه وصورة منها
*تاكيد الطلب وورقه الموعد
*وصل سامبا
*صورة شخصيه5×5
2- الي قلي هو اخويا عن المقابله انها سالته عن عدد اخوانه وقالت ليه اختك عندك الفيزا قالها لا بس امس سوت المقابله سالته عن سنه تخرجه بس اعتقد الي اتخرج ليه فتره جالس يسالو عن اسبابه وده الشي اكيد المهم اسالته زي اسالتي بس بزياده اشياء بسيطه .وكمان قلي انو عشان لوحده مشي بسرعه وقت المقابله مع انو في ناس كتير قبله وهو جاء متاخر اصلا عن موعده فده حسنه انو ماضفته معايا في الفميلي ممبر مااحب اللطعات بالمرررررررررة 3- اعطته الورقه الصفرا واشرت على الاي توني لانو نحن زي بعض بدون اي توني حسبي الله على الي كان السبب حتى مانعرف فين راح تكون اراضينا واشرت ليه على السفيس وجواز السفر قالتي ليه ارسلها لمن تكتمل . ممكن في اشياء سهيت عنها او ماني متزكرتها هلا واي احد عنده سوال ان شاء الله اقدر اجاوبه ولا تنسونا من دعواتك الحلوة يااحلى اعضاء
واي اضافه اتزكرها وتكون مهمه راح اضيفها وباذن الواحد الاحد اذا ربي كتبلي عمر بوكرة الاتنين لو مداني امر على مكتب تجسير جده اذا تبوني اقلك اش صار معايا قولولي عارفته انهم لا حياه لمن تنادي بس ناويه ارفعلهم ضغطهم زي مارفعو ضغطي حسبي الله على الي كان السبب واعطى القبولات بس تجسير
December 6th, 2010, 12:56 AM
*ورقه تاكيد نموذج DS-160
*وصل سامبا
*ورقه الموعد
*اكيد اهم شي جواز السفر
*صورتين شخصيه مقاس 5×5
*شهاداتي
*هويتي الوطنيه وصورة منها
الاسئلة كانت:
* ليش مسافره امريكه ؟
* على حساب مين ؟
* متى اتخرجتي من الثانويه ؟ "" بصراحه اغلب الناس قالولي اني شكل وجهي طالبه في الثانويه حتى صحبات اختي يحسبوني اصغر منها وهي ثانوي فلمن قلتلها اني لي 5 سنين متخرجه من الثانويه الحرمه اتصدمت بقوة وبعدين رجعت طلت في بتدقيق في ملامحي وانتبهت لنفسها انو شكلها بايخ وعدلت من وضعها وكملت اسالة "
* متى اتخرجتي من الجامعه ؟
*اش تخصصك ؟
*اش تبغي تدرسي بامريكا؟
*عند اقارب بامريكا؟
*بابتك ومامتك فينهم "فين موجودين"؟
*بابا فين يشتغل ؟
*كم عدد اخوانك ؟
*وفين اخوانك متواجدين ؟ الي اخوانه كتير ترى ده نقطه قووة ليه مرررة كتير
*فين الضمان المالي الي يثبت انك من طرف الوزارة ؟ هنا انا قلتلها رقم الطلب حقي المهم سحبت ورقه صفرا اشرت عالاي توني والسفيس والجواز وكتبت بخطر يدها تبغى خطاب مالي وقالتلي تكتمل الطلبات عندك دوغري ارسلي اوراقك هي بتتكلم انجلش اصلا
*الجواز
*شهادة بنكيه باسم باباتي الله يخليلي هو ويحفظه يارب ويشفيه .
*كشف حساب.
*ورقه كتبتها انا عالكمبيوتر فيها اقرار من والي الامر بدفع التكاليف كامله لاخويا للمعهد وتكاليف المعيشه في بلد الدراسه بالانجلش وباباتي وقع فيها من تحت .
*شهاداته
*هويته الوطنيه وصورة منها
*تاكيد الطلب وورقه الموعد
*وصل سامبا
*صورة شخصيه5×5
عارفته انهم لا حياه لمن تنادي بس ناويه ارفعلهم ضغطهم زي مارفعو ضغطي حسبي الله على الي كان السبب واعطى القبولات بس تجسير