عندنا فيزة خمس سنوات وفاجأتنا السفارة بإلغائها...

الله يستر عليكم ويسهلها لكم ان شااءالله

ماعندي علم في هالموضووع .. لاكن الاخواان اهل الخبره يفيدوونكم ان شااءالله

رفض الفيزة تحت المادة 214(b) عادة لها احدى السببين أدناه:

1) القنصل أو مسؤولي الهجرة غير مقتنعين بعودتكم الى الوطن بعد الانتهاء من الدراسة.

2) سبب أمني.

بما أن السفارة أرسلت لكم ايميل ، فغالبا تم اخطار السفارة بضرورة الغاء الفيزة من جهات داخل الولايات المتحدة (ادارة الهجرة والجوازات مثلا USCIS أو وزارة الأمن القومي DHS) واتخذت السفارة قرارها بناء على هذا الطلب.

بالنسبة للسبب الأول ، التخصص يلعب دور مهم ، وتخصص التمريض مطلوب جدا داخل الولايات المتحدة وقد يكون هناك تخوف من عدم عودتكم الى السعودية (يعني بالعربي بيكونون خايفين انكم عندكم نية الهجرة ، يمكن تلاقين شغل في أمريكا وماترجعين السعودية الخ).

هل اشتغلتي في أمريكا -في مستشفى مثلا- بشكل غير نظامي؟ هل سويتي أي شئ ممكن يتم تفسيره على انه عندك نية الهجرة؟ اذا جوابِك "لا" ، اذا قدمتوا المرة الجية حاولوا تكون معكم اثباتات قوية ومقنعة انكم عندكم روابط وصلات قوية في السعودية وانكم بترجعون بعد انتهاء الدراسة.

بالنسبة للسبب الثاني ، هل عندكم أنشطة قوية مع جهات اجتماعية (مراكز اسلامية مثلا)؟ احتمال يكون لكم علاقة صداقة أو ومعرفة مع شخص "مثير للاهتمام" في أمريكا ويكون مراقب (طبعا هو وكل الي يتعاملون معه) وانتم ماتدرون..

على العموم ، رفض الفيزا تحت المادة 214(b) يمكن استئنافه بشكل رسمي. لما تروحون الموعد الجاي ، خذوا معكم اثباتات كافية علشان تثبتون انه لكم روابط مادية واجتماعية قوية في السعودية. اذا تم الرفض ، ممكن تستأنفون عن طريق محامي أمريكي مختص بشؤون الهجرة ، واذا مافيه سبب مقنع للرفض ، بتاخذون الفيزا.

بالتوفيق،

أختي أول مرهـ بصرآحة أشوف حالة زي كذآ
بس أكيييد خيرهـ من رب العآلمين إن شآء الله
وربي يسهل عليكم ويوفقكم وترجعو مرهـ ثآنية والآمور سهلة

وإن شآء الله اللي عندهـ علم بالموضوع يفديكـ هوووون ...
~

شكراً جزيلاً على التفاعل أخ FaisalNY
بس أنا ماأشتغلت في أمريكا ولا سوينا شئ يثبت أنه مالنا رجعة للسعودية ولاعندنا علاقات اجتماعية قوية مع أحد كلها صداقات عادية.
طبعاً أحنا ماقدرنا نعرف السبب بس اهم شئ يعطونا فيزا
مشكورين جميعاً و الله يوفقنا وأياكم

أيوووه الحالة غريبة بس هذي كتبة رب العالمين والحمد الله على كل حال
الله يكتب لنا رجعة ثانية ياااارب
شكراً على الرد

شكراً و الله يسهل امورنا واموركم
وبالتوفيق

والله ياخت رهوفة عندي نصيحة لكي وابغاك تتاكدي من هالشي قبل كل شي
ارسلي رساله لسفارة الرياض او القنصلية الي طلعتي منها التاشيرة للتاكد انه بالفعل توقفت التاشيرة
لانه فيه ناس كثير جتهم رسائل وخصوصا من المرحلة الخامسة لانه صار تسرب للمعلومات على ماذكر ذاك الوقت
قبل كل شي تاكدي من السفارة او القنصلية يمكن يكون كذب هالشي لاني ماعمري سمعت عن شخص توقفت تاشيرته من غير سبب
الي اعرفه انه تنسحب من التاشيرة اذا اخطاء ويرحل الشخص وغير كذا مامر علي نهائيا انه توقفت يوم رجع السعودية

تحياتي

الأخ أحمد،

الأخت تقول الفيزة اتلغت وراحت القنصلية الخ ، يعني لو كانت الشغلة كذب كانوا قالولها في القنصلية..

الفيزا يمكن الغائها في أي وقت وأي مكان (داخل أو خارج أمريكا أو في منفذ الدخول Port of Entry "المطار مثلا"). كان معنا طالب هندي اشتغل تحت بند التدريب (CPT) بشكل قانوني بس تجاوز عدد ساعات العمل المسموحة. نظاما الطالب ممكن يشتغل 20 ساعة اسبوعيا كحد أقصى لمدة 11 شهر في مجال تخصصه تحت بند التدريب (CPT). الطالب اشتغل أكثر من 20 ساعة والشركة دفعت له راتب بعدد الساعات وكل شي كان موثق على نموذج W-2 (نموذج دفع الرواتب والضرائب). بعدين سافر الهند اجازة وفي مطار Newark سألوه اذا خرق قانون الهجرة واشتغل ساعات زايدة ، قال لهم لا ، لغوا الفيزة حقته ورجعوه مع منعه من دخول أمريكا لمدة 5 سنوات بتهمة "محاولة التضليل".

الأخت rahoofa:

اذا تم رفض الفيزة المرة الجية -لاسمح الله- ممكن تتواصلون مع "مجموعة مورثي القانونية Murthy Law Group". هم غاليين شوي بس من أقوى المحامين في شؤون الهجرة في أمريكا ومختصين في الحالات الي زي حالتكم.
أنا شخصيا أتوقع انهم خايفين انكم ماترجعون على السعودية (بحكم تخصصك).

موقع المجموعة:

Murthy Law Firm : U.S. Immigration Law

رابط بمنتدى المجموعة (تقدرين تدخلين على المنتدى تبع ال F1 وتسألين الخ):

http://murthyforum.atinfopop.com/4/OpenTopic

الى الاخ FaisalNY

وصلني أيميل من السفارة الأمريكيه بالرياض. إذا كنت تنوي السفر إلى أمريكا يجيب عليك طلب فيزا جديدة...

الاخت تذكر في كلامها انه وصلها ايميل برفض التاشيرة الاولى واستخراج تاشيرة ثانية

؟؟