استفسار بدت الدراسة و الفيزا ما طلعت ؟؟

كلم معهد ثاني

لان في معاهد السمستر حقهم يبدا ب3 وبعضهم باربع على حسب

يعني انا الحين ان شاءاالله دراستي ب 18 مدة لغتي 4 شهور وطبعا كله يعتمد عالفيزا لو ما لحقت راح يكون الكورس الثاني حقهم على شهر 5 وانا ما ودي اتاخر بعد

فبدور معهد ثاني يبدا كورسهم عالاقل شهر 3 ان شاءالله

ودعواتك الله يسهل وتطلع الفيزا يارب والحق على هالكورس

الله يكون بعونك تبحث لك عن قبول في معهد ثاني وبالعادة المعاهدة الي يكون عندها قبول بشكل شهري تكون تجارية ومستواها غير جيد على الإطلاق كمعهد ELS بعكس المعاهد التابعة للجامعات مواعيد ثابتة مابين 3 الى 4 مواعيد فقط لكن الدراسة تكون فيها ممتازة جدا
فإذا كان قبولك بمعهد تابع للجامعة نصيحتي إنك لا تحول الى معهد تجارية أو حاول تشوف لك معهد تابع للجامعة حتى لو تأخرت كم شهر عادي أهم شئ تحصل على شئ ممتاز بالأخير

أنا دراستي في نهاية شهر 5

مع إن تجسير جلب لي قبول بمنتصف شهر 4 لكن انا كنت ابحث عن الجودة


اتمنى لك التوفيق وأعتذر على الإطالة

ليش حبيبي انتا مبتعث ولا على حسابك ؟

وكم يوم جلس جوازك في السفااره ؟

انا اشوف تنتظر السمستر الجاي

انا ما عندي مشكلة اروح لاي معهد ثاني
لكن المشكلة في الفيزا نفسها ان فيها معلومات المعهد نفسه و رقم السيفيس
لو طلعت قبول ثاني بيكون مختلف عن الموجود بالفيزا !!!
هنا المشكلة وش الحل

الله يوفقك و ييسر امرك

ما عندي اي مشكلة اروح لاي معهد ثم أحول بعدين على معهد ثاني
لكن الي اقرى عنه ان الاميقريشن تسوي مشكلة اذا شافوا عدم تطابق بين معلومات الـ I-20 و بين الموجود في الفيزا
لو فيه حل اني اجيب قبوول لمعهد ثاني بدون ما اغير الفيزا او تصير لي مشكلة مع الاميقريشن هناك

انا رايح على حسابي
و جلس جوازي في السفارة بالظبط 15 يوم
السفارة ما تأخرت علي
بالعكس المعهد و المكتب حق القبول حسبي الله عليهم هم الي طولوا
تخيل جلست انتظر 6 اسابيع على شان قبول معهد بسسس
الي في العادة ما ياخذ اسبوع او اسبوعين بالكثير

للرفع
ياليت المساعدة من اهل الخبرة

هلا اخي الفاضل
السلام عليكم

بناء على طلبك هنا تجد تجربتي واتمنى تكون مفيدة لك http://www.mbt3th.us/vb/forum16/thread220553.html

واذا اقدر اساعدك اكثر ارجو الا تتردد بمراسلتي والله يوفقك