مبتعث جديد New Member
الولايات المتحدة الأمريكية
E'1 , أنثى. مبتعث جديد New Member. من السعودية
, مبتعث فى الولايات المتحدة الأمريكية
, تخصصى تسويق
, بجامعة جامعة الرياض
- جامعة الرياض
- تسويق
- أنثى
- لونق بيتش, كاليفورنيا
- السعودية
- Sep 2010
المزيدl January 24th, 2011, 02:14 AM
January 24th, 2011, 02:14 AM
تيب الحين انا متخرجة من عام 2008 ..
ومرافقي تارك الجامعه من سنة ونص تقريبا ..
لو سألونا بالسفارة وش سويتي بعد التخرج وش اقول للعلم اني كنت عاطله عن العمل
ومرافقي وش نقوووولهم عشانه ترك الجامعه ؟ .. بلييز اقترحوا علينا نحتاجكم
إيش المشكلة إذا قلتي إنك كنتي عاطلة؟ ماهي جريمة
هذي الأمور ما ينفع فيها اقتراحات لأنهم بالنهاية بيقولوا لك أثبتي إنك كنت بتعملي كذا وكذا..
خليكي صادقة يا أختي ..
Sharey January 24th, 2011, 02:30 AM
7 " نصيحه لاتقولين انك كنتي عاطله ابد جيبي اي ورقه من معهد او اي شي...واخوك بعد
ترى الكلام هذا ماجبته من راسي...اعرف واحد انرفض لانه كان عاطل وقالوله لم تبين انك طالب مؤهل لدراسه في الولايات المتحده الامريكيه
واحب اقولك شي ترى السفاره متعاونين مع البنات جدا... اي خدمه انا حاضر
دعواتك فيزتي تطلع...متحطم منهم
مناظل January 24th, 2011, 04:27 AM
7 " ههههه __
نفس التسآول بس سبقتني خيتي بطرح الموضوع ___
لييت محد يفتي من رآسه لاني بعد سمعت من نآس أنوه
عـآدي قول لهم كنت بالجامعه بس ماكملت لظروف حياتي الشخصيه
وطلعت منها ....يعني بالعربي ان شاءالله تيسر لي ولكم ..
سميتكـ غلاآآي January 24th, 2011, 04:57 AM
7 " حاولي تحضرين لك مشهد من اي مكتب
تقولين انك كنتي موظفه ولو فرشه لانو خايفين من اهل العطاله يتوقعون راح يطلعون لامريكا للتسلية
ترى انا مثلك عاطل ونصحوني اصدقائي وجبت مشهد والحمد لله قبلوني وعطوني الفيزا بعد 5 ايام والله العظيم قولو ماشاء الله
الوافي 2055 January 24th, 2011, 06:49 AM
7 " اهم شي أختي تكونين صادقه معهم
قولي لهم تخرجت من الثانوية وحاولت ادرس بس ظروفي ماسمحت أو قولي لهم ظرفك وكذلك الكلام ينطبق على مرافقك
ترى الدعوه ماتخوف هم بس يبغون يعرفون ماضيك
جنون العالمي January 24th, 2011, 07:49 AM
7 " والله هذا الي انا ودي اعرفه لاني عاطل وخوفي اذا جيت اقدم يرفضوني لهالسبب..ياليت الي عنده معلومه اكيده يوضح لنا لأني قريت ان اكثر من واحد انرفضت فيزته بسبب انه عاطل ومعروف ان السعودي وضعه مشبوه ومفتحين العين عليه..
لكن الله العالم بالي بالقلب والنوايا لذلك صفوا النيه مع الله وبإذن الله بتنفرج من عنده سبحانه وتعالى..
وياليت اخوي الوافي تعلمنا وشي المشهد ! مدري تقصد شهاده خبره او تعريف ؟ ولا شي ثاني يالغالي
Enough January 24th, 2011, 11:54 AM
7 " أولا: لو قالت إنها كانت بجامعة حيقولو هاتي إثبات .. فيه اختراع اسمه سجل أكاديمي حتى للي سحبو من الجامعة ..
ثانيا: المئات أخذو التأشيرة وهم كانو عاطلين المشكلة مو في العطالة المشكلة في اللف والدوران.. وبعثة الملك 90% اللي مقدمين فيها كانو عاطلين ..
وثالثا: والنعم فيكم يا أمة الصادق الأمين..
Sharey January 24th, 2011, 06:58 PM
7 " بالنسبة السؤال هذا للبنات نادر
بس الشباب يقولون كنا نشتغل ويا كثر ارواق الشركات
الثقه January 24th, 2011, 11:02 PM
7 "
January 24th, 2011, 02:14 AM
تيب الحين انا متخرجة من عام 2008 ..ومرافقي تارك الجامعه من سنة ونص تقريبا ..
لو سألونا بالسفارة وش سويتي بعد التخرج وش اقول للعلم اني كنت عاطله عن العمل
ومرافقي وش نقوووولهم عشانه ترك الجامعه ؟ .. بلييز اقترحوا علينا نحتاجكم