عاجل: هل من المعقول ان اسحب جوازي من قنصلية الظهران واعيد المقابلة في الرياض؟

هلا بك يامهندس

ياخي ليش مكبر الموضوع

الان انت لو توظفت مكان لازم يطلبون هالشي اللى هي صحيفة من الادلة الجنائية

انت بتروح لديرتهم لازم يعرفون عنك كل شي وللعلم ترا مايعرفون عنك شي ابدا ولا عندهم تواصل مع الداخلية ولا شي ولو كان عندهم تواصل كان جابوها بطريقتهم ..

ليش مكبر الموضوع وانتهاك حقوق ..

هذي الان صارت لازم بكل مكان ..

واحد من اللى اعرفهم قبل امس بيتوظف ببنك الراجحي عطوه خطاب عشان الادلة الجنائية هل هذي فيها انتهاك حقوق؟ ولا المفروض ماايعرفون عنك شي ؟


هذي تعتبر زي شهادة حسن سيره وسلوك ..

بصراحة غريب اللى جالس تقوله ..

بس لو سحبت جوازك من الظهران وجيت للرياض وسالوك عن المقابلة الاولى ليش سحبته بتقول والله هذي انتهاك للحقوق؟ بيقولك مع السلامة .. بيعتقدون انه وراك بلاء ..

هلا حبيبي ... معاك حق لكن لو كان هالحكي وقت المقابلة الشخصية
بعد ما انا انتهيت من المقابله الشخصية قالوا اوكي راح نمنحك التاشيرة و مبروك
وجلست حدود شهر و نص ولاحس ولا خبر .. الحين لما انا ارسلت لهم مسج استفسار
قالوا حالتك تحت الاجراء و لو سمحت ارسل لنا كذا و كذا

انزين ليش ما اخبروني بهالشي وقت المقابلة!
ليش اجلس كل هالفتره ولما قرب وقت السفر قالوا نبي ونبي!!

هنا كان محور الاستفسار ..

وانا وانت نعرف ان لدى السفاره كل اخبارنا و كل معلومات يحتاجونها
فليش كل هالمماطلة؟!

ماعندي مشكلة راح اجيب لهم كل اللي يبون لكن لفت انتباهي شخص عنده مكتب قبول
اخبرني بشكل شخصي ان قنصلية الظهران حيل معقدة وليش اعمل المقابله هناك

وقال اسحب جوازك و تعال يم الرياض و اعملها من جديد

والله ياخوي الخوف ان الرياض تطولها اكثر ...واعتقد الطلب الي طلبوه ممكن يطلبونه في الرياض بعد ..

ياعزيزي مهندس كثير كذا وقت المقابلة يقولون لهم مقبولة فيزتك بس الظاهر لما يبدون بالاجراءات يكتشفون كم شي فعشان كذا ودهم تعطيهم الاوراق اللى طالبينها

انا قريت تقارير كثيرة عن اللى هنا موجودين بمنتدى مبتعث وتجاربهم اغلب اللى مثل حالتك كذا يقولون انهم يقبلون الفيزا بس بعد فترة يقولون تعال خذ خطاب للادلة الجنائية وهات الصحيفة .. يعني اجراء روتيني ..

وانا انصحك انك ماتسحب جوازك لان كل شي موضح عندهم بالرياض ولا الظهران فلاتستعجل وبعدها ممكن يطولون عليك اكثر بس سو اللى قالو لك اياه .. ويمكن مايجي شهر او اقل الا فيزتك عندك

هو مثل ماقلت لك اجراء روتيني ..

يعني حتى لو قدمتها بالرياض ترا على مزاجية الموظف ..


فيه واحد ماعنده الا جواز واحد ولا عمره سافر ابدا طالبين منه برنت من الجوازت بسفراته وبرنت بجوازته السابقة .. يعني كل السالفة اجراء روتيني .. ويبون يتاكدون من اشياء معينة ..

مشكورين و عساكم على القوة

لكن ليش ما ارسلوا لي هالطلبات؟
ليش انتظروا الين انا راسلتهم استفسر عن حالة الطلب
و بالاخير يقول جيب وجيب!!

يعني لو ما ارسلت لهم ماكان طلبوا مني هالطلبات؟

حتى لما طلبوا مني هالطلبات ما قالوا لي الى وين ارسلها!
و هل يجب ترجمة التقرير او لأ؟

و عساكم على القوة

معروف انك ترسلها لهم عن طريق الفيدكس وبرقم جوازك او صورة منه
او ترسلها لهم عن طريق الايميل ..
وكثير مواضيع بالمنتدى هنا طلبو هالورقة منهم والحضور شخصيا
هالامور روتينية عاادي اخوي .. بس اذا فيزتك تبيها تطلع بدري خلص الورق هذي لهم بدري
وان شااءلله امورك تمام
وممكن الرياض تطلب مثل هالطلب والعن
يعني السالفة انت وحظك .. واذا امورك سليمة وملفك ابيض ماعليك خوف
بالتوفيق