مقابلتي اليوم ( الاثنين ) 2011/2/14 - قنصلية الظهران

السلاآم عليكم ورحمة الله وبركآته :-

أسعد الله صبآح/مسآء ـكم !

بدآية ..

أحب أشكر القآئمين على هذآ الصرح الشآمخ ! ولولا الله أولاً ثم إطلاعي على الموقع ولآ كآن ( جبت آلعيد ) !

يعني صرآحة وبدون مجآملة ! استفدت كثييير سوآء في أمور التسجيل للفيزآ أو المقآبلة أو حتى الجآمعات خارج المملكة وطريقة السكن وكل شي !

ومآ أخفيكم إني أفتح موضوع موضوع أقرآ فيهآ !

وحآب أشرح لكم هنى وش صآر معي خلآل المقآبلة !

..

اليوم / الاثنين
الموعد كآن / 9:30 في قنصلية الظهران

..

خرجت من البيت 7:30 تقريبا .. وأمشي ( رويداً رويدا ) , عبيت بنزين وأخذت لي فطور ومشيت .. وصلت السآعة 8 !
وقفت السيارة في المظلات ! ورحت عند الممر الطويل !
خلاله سووا لي تفتيش ! ( حتى الأوراق يفتشها يطالع فيها )

هآمش :-
ألي فتشني جنسيته هندي ! والله يهديه كآن متحمس وهو يفتشني .. قال طلع كل أغراضك ألي بجيبك ! طلعت كل شي ! فجأة دق نغمة جوآل .. قال لي ( هااا وتز ذس ؟ ) كأنه يقول ( صدتك ) قلت آي دونت نو .. قآل ( أوه سوري ) .. ويطلع جواله ألي كان يدق من الدرج .. أنآ قعدت أضحك عليه

عند البوابة صفيت طابور خلف الخط الأصفر ! ( كآن الجو بررد وهوآ .. وحضرتي منب لابس جكيت )
جآء دوري ورحت للشبآك ، طلبت مني الجوآز وسألتني متى موعدك ؟
بعدهآ دخلت من البوآبة وتفاجأت بـ تفتيش ثآني ! حط أغرآضي بكيس ! ، وعطآني رقم !
طلعت ورحت لـ مقر التأشيرات !
دخلت وأخذت لي رقم وجلست !
كآن رقمي 22 وآلرقم على الشاشة 4 !
أخذت لي ( كوفي ) وجلست .. فيه في الصالة ( 4 كآونترات ) قدام !
بعدين فيه مكتب صغير على اليسار .. بين الكراسي وبين الكاونترز ..
المكتب عليه سودآني ينآدي بالأرقآم عشآن يرتب لك أورآقك قبل لا تروح للشبآك !

نآدى على رقمي .. ورتب الأورآق وقال استرح !
نآدوا رقمي شبآك 1 ..

* صبآح الخير .. صبآح النور
( عطيته الأوراق والجواز بعد مآ رتبها السودآني )
* لاول مرة تذهب لأمريكا ؟ .. نعم
( دخل بياناتي بالكمبيوتر )
أصآبع يدك اليسآر .. أصآبع يدك اليمين .. الإبهامان !
حسناً .. سدد رسوم فيديكس وإجلس شكراً

جلست تقريباً ربع سآعة !
وإلا الكآونتر رقم 2 ينآدي بالاسم !

هلو .. هلو
سددت رسوم الفيديكس ؟ .. نعم
إلى أي ولآية ستذهب ؟ .. تينيسي
على حسآبك الخآص ؟ .. حسآب أبي
أين يعمل أبيك ؟ .. موظف أرآمكوا
مآ هو تخصصه ؟ .. مهندس
متى انتهيت من الثآنوية ؟ .. قبل أسبوعين
ومآ التخصص الذي ستختآره في الجآمعة ؟ .. ( ميكانيكال إنجرينينق )
هل سبق خلال السنوآت الخمس الأخيرة وأنت سآفرت خآرج بلدك ؟ << هنآ قآل السؤال بسرعة مرة ولغته مكسرة فـ مآ سمعته زين ! شكله يسمع تسميع .. وت ؟ ( أعآد السؤآل ثم جآوبته ) .. نعم
إلى أين ؟ .. دولة الإمارات
ذهبت للبحرين ؟ .. لا
حسناً سنقوم بإرسال تأشيرتك إلى عنوآنك في الفيديكس ! .. كم المدة المستغرقة تقريبا ؟
شهر وآحد .. ( عطيته نظرة مدري وش تبي ؟ ) ولكن درآستني ستبدأ في بدآية شهر مآرس !
ربمآ نرسلهآ إليك قبل بدء درآستك بفترة قصيرة ! .. اوكي شكراً

..

وطلعت من عندهم وانتهيت !
هذآ ألي صآر معي ..
لفت نظري شي وآحد تقريباً .. الحرآس غآلباً غير عرب .. أعتقد ( هنود ومن ربعهم ) ! يمكن فيه كذا وآحد سعودي من ( الجيش العسكري ) لكن قليل مرة ..

~

هلحين إذا كآن كلامه صحيح في وقت إرسال الفيزا .. يصير بآقي أسبوعين !
ألي هو بداية شهر مارس وبداية الدراسة بعد .. 3/1 !
س/ أحجز من هلحين ولا أصبر شوي ؟!

وآعذروني للإطآلة ..
دعوآتكم إن الفيزآ مآ تطول !
وآلله يسهل ويوفق الجميع يآرب ..