مبتعث جديد New Member
الولايات المتحدة الأمريكية
almadi , ذكر. مبتعث جديد New Member. من السعودية
, مبتعث فى الولايات المتحدة الأمريكية
, تخصصى ليما الحين
, بجامعة Point park
- Point park
- ليما الحين
- ذكر
- Pittsburgh, PINNSYLVANIA
- السعودية
- Feb 2011
المزيدl March 1st, 2011, 04:22 PM
March 1st, 2011, 04:22 PM
السلام عليكم ورحمة الله وبركاته
طبعاَ الكل قبل المقابله شايل هموم الدنيا فوق راسه زيي قبل المقابله
الصراحه ما توقعت ان الموضوع اسهل من ما كنت اتوقع وقد كتبوا قبلي الاعضاء وش صار معهم
المهم نبدا القصه يمكن يستفيد منها الاعضاء الي ما بعد سوو المقابله
موعدي كان الساعه 1:30 جيت الساعه 12:30 وكان وقت بريكـ وكانت الموظفه الي تاخذ الاوراق مو موجوده
رحت للهندي الي ياخذ الجوال والمفتاح ومدري ايش عطيته الورقه حقت الموعد قال الله لايهينكـ لا اشوفكـ قبل وحده ونص
طبعا قفلت معي شوي لاني ما احب الانتظار
المهم رحت صليت الظهر في المسجد الي بالساحه المقابله للسفاره ، ورجعت الساعه 1 لقيت الموظفه قد جت رحت لها على طول خذت اوراقي وبعدها رحت للهندي الي جنبها عطيته اغراضي ودخلت مع الباب حق التفتيش مريت على التفتيش المهم دخلت السفاره لقيت وحده على مكتب بعد الباب الثقيل على طول خذت جوازي وايصال سامبا ولزقت باركود على الجواز وعطتني رقم وقالت رح للصاله الي يسار ، رحت للصاله الي يقولون انتظرت شوي وطلع رقمي رحت لوحدهـ لبنانيه عبت بياناتي وسالتني كم سوال الصراحه كانت اخلاقها حلوووهـ
انتظرت وهنا طولت شوي رغم اني اول واحد بس ما كان فيه احد من القناصل الي يسون المقابلات
بعد الانتظار نادوا على رقمي وكان حظي عند الشقرا كونتر 11 المهم حققت مع اوم اوم
وابلشتني في موضوع ان لي ثلاث سنوات عاطل وطبعا ما زادت على الاساله الي تسال العالم فيها
الا وش كنت تسوي في الثلاث سنوات الي بعد الثانوي وليش الحيين جاي تبي تروح وليش اخترت امريكا وليش اخترت المدينه هذي ومن هالكلام
المهم بعد ما نشف دمي قالت لي فيزتكـ مكبوله << يعني مقبوله رح لمكتب فيدكس
طبعا بعد الكلمه انا بغيت اطير من الفرحه رغم اني ما ادري متى بيجيني جوازي ويارب يجي بدري
وبس
طولت عليكم اعذروني
بس حبيت ابين للي ما بعد سوو المقابله انها ابسط من ما تتوقعون
انا كنت شايل هموم الدنيا على راسي قبل المقابله بس الحمد لله قبلوا الفيزه والله يستر متى بيجي الجواز هذا الي انا خايف منه اليوم
وبث
الف مبرووك
عقبال ما يطلع جوازك وتطير
كنت قبلك بيوم انا في كونتر عشره
الله يوفقك
aziz- March 1st, 2011, 04:37 PM
7 " الله يفرحك بوصول فيزتك على خير يارب
انا بكره موعدي وان شالله يعدي على خير ابسالك اخوي انت مرافق والا مبتعث والا على حسابك
وكمان بسالك وش قلت لها لما سالتك ليه اخترت امريكا انا ماعندي جواب غير لقوة الجامعات
وكمان المدينه ايش جاوبت
لان تجسير هم اللي يجيبو القبولات والمدينه مافيها ميزه معينه ياااليت تجاوبني على اسالتي ولك الف شكر الكل هنا يحط الاسئله بس انا محتاااربالاجابات هههه يعطيك العافيه اخوي
شـجـن March 1st, 2011, 04:54 PM
7 " هلا أخوي
الله يسهل أمورنا جميع ولا تطول الفيزا
اليوم بعد مقابلتي ونفس الكاونتر 11
خخخخ قسمن بالله رحمتها وهي تقولي فيزتك مكبوولة , كتمت ضحكتي , يالبى قلبها يالله قدرت تطلع الكلمة منها , صعبة عليها
وقت موعدك ممتاز , موعدي بايخ 9 ونصف , جلست أنتظر في الطابور اللي برا السفارة نصف ساعة زحمة , وعند طابور التبصيم أول غرفة ثلث الساعة , وبعدين ألغرفة اللي بعدها نصف ساعة , والله طفش وتوتر .
أهم شي اليوم أني حققت حلمي وشفت الفلبيني الذيب أبو رشاش , اللي يجيك بعد التفتيش , كان ودي أصور معه بس الله ما كتب
إجراءات السفارة والمقابلة حلوة وسهلة وأنا أستغرب من الطلاب اللي يهولون فيها .
بس يوم رحت لفيدكس ما طقطق عليك الفلبيني واستخف دمه , وأنا أضحك له اسلكله , موب صاحي , أجل يقولي خلي جوال أنت مفتوووح دايم أنا اتصال لازم أنت رد حتى لو أنت في حمام -كرم الله من يقرأ- , عسى ما شر , متى المعرفة بو فلبن .
وزي ماقلت طلعنا من هم المقابلة وطحنا في هم متى تجي الفيزا .
حاتم القحطاني March 1st, 2011, 04:56 PM
7 " ماشاءالله تبارك الله , عقبال ماتوصلك الفيزا وتوصل بالسلامه
هونت علي بصرااحــــه , انا شايلة هم مره عشان مرافقي , ودي اسوي المقابلة الآن وارتاح
الله يوفق كل المبتعثين والمسلمين
lilo March 1st, 2011, 07:08 PM
7 "
March 1st, 2011, 04:22 PM
السلام عليكم ورحمة الله وبركاتهطبعاَ الكل قبل المقابله شايل هموم الدنيا فوق راسه زيي قبل المقابله
الصراحه ما توقعت ان الموضوع اسهل من ما كنت اتوقع وقد كتبوا قبلي الاعضاء وش صار معهم
المهم نبدا القصه يمكن يستفيد منها الاعضاء الي ما بعد سوو المقابله
موعدي كان الساعه 1:30 جيت الساعه 12:30 وكان وقت بريكـ وكانت الموظفه الي تاخذ الاوراق مو موجوده
رحت للهندي الي ياخذ الجوال والمفتاح ومدري ايش عطيته الورقه حقت الموعد قال الله لايهينكـ لا اشوفكـ قبل وحده ونص
طبعا قفلت معي شوي لاني ما احب الانتظار
المهم رحت صليت الظهر في المسجد الي بالساحه المقابله للسفاره ، ورجعت الساعه 1 لقيت الموظفه قد جت رحت لها على طول خذت اوراقي وبعدها رحت للهندي الي جنبها عطيته اغراضي ودخلت مع الباب حق التفتيش مريت على التفتيش المهم دخلت السفاره لقيت وحده على مكتب بعد الباب الثقيل على طول خذت جوازي وايصال سامبا ولزقت باركود على الجواز وعطتني رقم وقالت رح للصاله الي يسار ، رحت للصاله الي يقولون انتظرت شوي وطلع رقمي رحت لوحدهـ لبنانيه عبت بياناتي وسالتني كم سوال الصراحه كانت اخلاقها حلوووهـ
انتظرت وهنا طولت شوي رغم اني اول واحد بس ما كان فيه احد من القناصل الي يسون المقابلات
بعد الانتظار نادوا على رقمي وكان حظي عند الشقرا كونتر 11 المهم حققت مع اوم اوم
وابلشتني في موضوع ان لي ثلاث سنوات عاطل وطبعا ما زادت على الاساله الي تسال العالم فيها
الا وش كنت تسوي في الثلاث سنوات الي بعد الثانوي وليش الحيين جاي تبي تروح وليش اخترت امريكا وليش اخترت المدينه هذي ومن هالكلام
المهم بعد ما نشف دمي قالت لي فيزتكـ مكبوله << يعني مقبوله رح لمكتب فيدكس
طبعا بعد الكلمه انا بغيت اطير من الفرحه رغم اني ما ادري متى بيجيني جوازي ويارب يجي بدري
وبس
طولت عليكم اعذروني
بس حبيت ابين للي ما بعد سوو المقابله انها ابسط من ما تتوقعون
انا كنت شايل هموم الدنيا على راسي قبل المقابله بس الحمد لله قبلوا الفيزه والله يستر متى بيجي الجواز هذا الي انا خايف منه اليوم
وبث