كيف استخراج شهادة خلو سوابق من السعودية وانا في امريكا

أخوي تقدر تسوي كل المعاملات الحكومية عن طريق الممثليات السعودية في إمريكا ( القنصليات او السفارة )..

راسل السفارة بطلبك ترا يردون عليك وقلهم انك بحاجه الى خطاب خلو سوابق ؛ إذا مايصدرونه قلهم ابي اسوي توكيل لاحد اهلك في السعودية يراجع الادلة الجنائية ويطلع لك خلو ..

طبعاً تقدر تقدم عالتوكيل من موقع السفارة وتوقعه وترسله لهم وهم يختمونه ويصدقونه ويرسلونه للسعودية ويقدر يستخدمه المُوكّل بمراجعة الدوائر الحكومية عنك.

تفضل موقع السفاره ؛ وادخل قسم شؤون الرعايا فيه كل الخدمات :

The Royal Embassy of Saudi Arabia Homepage

عليكم السلآم

ماعندي جواب بالنسبة لطريقة أستخراجها من امريكا .. لكن إذا تبين تستخرجينها من المملكه ممكن أفيدك ،،

اشكرك اخوي لامارتين على الرد الوافي
يعطيك الف عافيه

اخوي عبادي
انا قررت اني اعمل توكيل لاحد من اهلي او اذا استعصى الامر اسافر انا شخصيا
ممكن تعطيني والموقع الالكتروني للادلة الجنائية ؟؟
والرقم والايميل
وسؤال هل فية نموذج الكتروني لكرت البصمات في موقع الادلة الجنائية ؟
اذا عندك هذا النموذج ياريت ترسلة لي


شكرا لك

^

اهلين خيتو .. أنا أسف لآني ما أعرف رقم هاتفهم ولآ أيميلهم وأصلآ مالها فايدة لآن بالنسبة لورقة خلو السوابق لآزم حضور الشخص شخصياً عشان ياخذون بصماته العشره .. أما أنتم البنات مدري لكن يمكن نفس الشيء لآزم حضوركم

المهم هذا رد لي سابق في موضوع أخر نسخته لك هنا

أنا طلبوا مني نفس الطلب السفاره الآمريكيه حسبي الله عليهم هم وفيزتهم المعقدة مع أني أول مره أقدم على فيزتهم في حياتي تأشيرة سياحة في سفارة الرياض وفيه شخص مثلي بالضبط .. نفس الطلب ونفس السفاره ونفس نوع الفيزا

المهم أولآ تذهب للسفاره اللي طلبوا منك ورقة خلو سوابق وتاخذ منهم خطاب موجه للآدلة الجنائية بعد ذلك تذهب إلى وزارة الخارجية لكي تصدق الورقة وتصديقها بــ 30 ريال سعودي

بعدها تذهب للآدلة الجنائية وتعطي الموظف الخطاب اللي من السفاره عشان يدبسها مع الصحيفة الجنائية ويدبس معها صورة شخصية لك وتعبي بياناتك فيها وتبصم أصابعك كلها على نفس الصحيفة
وممكن يقولك ترجع بعد 3 أيام عشان تستلم صحيفتك {أستمارتك} الجنائية وبعد أستلآمها تذهب لوزارة الخارجية مره أخرى لتصدق الصحيفة بنفس المبلغ ..
وموقع الآدلة الجنائية تقع بالقرب من المحكمة في منطقة أسمها الديرة في مدينة الرياض
وأعتقد ردي شافي ووافي لآنني في البداية كنت أحتاج لهذي المعلومات وكنت مهموم بسببها لكن الحين إن شاءلله أنها واضحة للجميع
وأخيراً أتمنى دعواتكم بتسهيل قبولي وخروج فيزتي لآني إلى الآن لم أسلم السفارة ورقة خلو السوابق تحطمت من فيزتهم ما أهتميت نوعاً ما
هذا والله أعلم ....

تحياتي ،،

شكرا اخوي عبادي
يعطيك الف عافية

طيب وش نوع السوابق اللى يرفضوها .....

يعنى لو فيه شخص عليه سوابق مايقبلون فيزته