هذا ما حصل معي يوم الأحد في سفارة جدة ( معلومات مفيدة + استفسار )

السلام عليكم و رحمة الله و بركاته ...

طبعا .. موعدي كان يوم الأحد الساعة 9 الصباح .. طلعت من البيت الساعة 7 .. وصلت الساعة 7.30 .. فتوحوا البوابة الساعة 7 إلا ربع .. دخلت التفتيش .. و بعدين قبل الصالة في هندي أعطاني رقم .. دخلت الصالة جاء رقمي .. كان في واحد شكله سعودي بس و الله ما أدري .. المهم شيك على الأوراق و طلب صورة و بصمت و بعدين قالي أجلس الين ما ينادون أسمك للمقابلة .. نادوا أسمي و يوم وقفت عند الشباك و ألقه ( أبو فسية ) الهندي .. كانت أسئلته :

لماذا تريد الذهاب لـ أمريكا ؟
للدراسة
ماذا سوف تدرس في أمريكا ؟
لغة
من المتكفل بدراستك ؟
الوالد
شهادة الثانوية ؟
عطيته
هل يوجد معاك الأصل ؟
لا
كشف الحساب ؟
عطيته
ماهي وظيفت الوالد ؟
متقاعد
أين كان يشتغل ؟
رجل أمن
أين ؟
في المباحث

و بعد ما سألني هـ السؤال تغير وجه .. ( الوالد كان شغال في المباحث و هو متقاعد الحين ) .. طلب ورقة إثبات إنه متقاعد و تنزله راتب ..

و بعدها أعطاني ورقتين ( صفرا و الزرقة )

وقالي أرسلي شهادة الثانوية الأصل و إثبات التقاعد .. وكشف حساب من بنك الأهلي ..

و بسـ ..



الأستفسارات :
هل في أحد أخذ الورقتين و قبلو فيزته ؟
بعد ما سألني الأسئلة قالي أبصم .. هل معناه إنو فيزتي مقبولة بس يحتاج الأوراق علشان يتأكد ؟
طريقة إرسال الأوراق الي طلبها عن طريق فيديكس .. هل أرسل الورقة الصفرا معاها و لا لأ ؟
الورقة الصفرا الي أعطاني إياها في الأوراق الي طلبها و عند خانة الجواز ساري المفعول مئشر عليه .. هل أرسله مع الأوراق و لا لأ مع إنه أعطاني ورقة زرقاء و قالي شيك على الموقع ألين ما نقولك أرسل الجواز ترسله ؟


معلومات مفيدة :
أول شي أترك عنك الخوف و خل إيمانك بربك قوي .. لأنه يوم تطلع من السفارة راح تموت من الضحك راح تحس إنو الخوف ما كان له داعي .. كأنك رايح تودع بالبنك .. نفس الطريقة .. فـ الخوف كله ماله داعي ..
و على فكرة كل الي راح تشوفهم هنود فلا تشك بعمرك و تقول أنا غلطان بالسفارة (شكلي دخلت السفارة الهندية)..
خذ كل الأوراق معاك لا تخلي شي .. خذ الأصل و الصورة ..
خذ معاك شهادة الثانوية الأصل إحتياطا .. لأنه الهندي طلبها مني ..
كشف الحساب و الضمان المالي خليهم من بنك واحد .. لأني أنا كنت جايب الضمان من بنك الأهلي و كشف الحساب من بنك الراجحي .. قام الهندي طلب مني كشف الحساب من الأهلي ..
روح بدري علشان ترتاح و تطلع بسرعة .. حتى لو كان موعدك الساعة تسعة حاول تكون الساعة 7 إلا ربع عند الباب ..


تحياتي لكم .. أتمنى إني قدرت أفيدكم .. وأي استفسار أنا حاضر ..

و الله الموفق و دعواتكم ليـ ..