LinkBack URL
About LinkBacks
من جد خليتني اتفائل وانا اشوف هالموضوع
طول الوقت اخاف ادخل مواضيع المقابلات والي تعثرو و و و و
ان شالله تضبط اموري
ربي يوفقك وانت كمان شكررا لانك ريحتني كثيير
في 19 مارس بيكون موعدي ان شالله يحالفني الحظ
عسااك ع القوه
7 " طول الوقت اخاف ادخل مواضيع المقابلات والي تعثرو و و و و
ان شالله تضبط اموري
ربي يوفقك وانت كمان شكررا لانك ريحتني كثيير
في 19 مارس بيكون موعدي ان شالله يحالفني الحظ
عسااك ع القوه
ولا بيسوون لي سالفه 
March 9th, 2011, 05:22 PM
السلام عليكم ورحمة الله وبركاته ..
اخذت عهداً عندما أستفدت من هذا الصرح الشامخ أن افيد مستخدمي هذا المنتدى ..
كان اليوم الموافق 9 مارس الساعه 7 ونصف موعدي في السفاره الامريكيه ..(بعبع الطلاب )
سنبدأ من بيتنا (لأن الكثير يبي التفاصيل الصغيره جدا)
حركت من بيتنا من الساعه 6 لأني حطيت بحسباني ان فيه زحمه وكذا
((وصف السفاره))
اول ماتخش لحي السفارات بالرياض .. وعند نقطة التفتيش -بتلقى لك مدرعة الطوارئ على يسارك شكلها يروع-<- هذي النقطه مالها دخل بالوصف ..!
تخش من التفتيش .. وتبتل قدام .. الدوار الاول تتركه والثاني والثالث بعدين رووح يمين بيجيك دوار تعداه تلقى السفاره على يسارك وفيها مواقف كبيره .. توقف بالمواقف وتخش من عند الصبات بتلقى عندها سيارات الشرطه خش من عندهم وادعس ياصاحبي برجليك الله لايهينك الين تلقاهم على يمينك صافين اخواننا طالبين التأشيرهـ ..
((عندما وصلت السفاره))
مسكت الطابور مع الناس .. ووصلت عند الفلبينيه القشطه
خذت مني تأكيد الموعد بالسفاره .. وجوازي وايصال سامبا الاصفر (السيفيس ابو 532 ريال)
ورحت للشباك اللي جنبها طفيت جوالي وعطيته مفاتيحي وكل اجهازي الالكترونيه ..
بعدين دخلني في الباب ولقيت تفتيش فصخوني كل شي الحزام والنظارات والبوك والقلم وحطيتها بصندوق .. ومريت من عند الجهاز .. والهندي يناظر فوق الجهاز .. قلت له مامعي شي وش بتشوف .. المهم فيه وحده عراقيه مدري اردنيه مدري صوماليه عطتني اغراضي وقامت تصارخ .. قلت لها هيييه شوي شوي .. ترا الدنيا مو طايره اصبري بالبس نظاراتي الشمسيه وحزامي .. العجله فيها الندامه قالت رووح برا فيه طاوله .. قلت صبرا صبرا ايتها المرأة اللطيفه
واطلع من عند التفتيش وادخل ساحه والقى لي ابو هنود معه الرشاش
دخلت السفاره ولقيت فلبينيه خذت اوراقي وقامت تطقطق بالكمبيوتر وعطوني رقم .. وادخل الصاله اللي جنبهم ..
قعدت اناظر يمين ويسار واسولف مع اللي جنبي قلت له ماشاء الله بتدرس .. يناظرني بطرف عين قال لا انا بزنس .. قلت ماشاااء الله اجل انت راعي فرع ميكروسوفت هنا .. ناظرني بطرف عين وابتسم مسوي ثقيل
فيه رقم فوق بالشاشه انا كان رقمي 13 واشوف رقم 11 مشى للصاله الثانيه ورقم 12 مشى بعد .. وجا رقمي 13 وقعدت قلت اكيد اللي بيمشون للصاله الثانيه بيروحون لمقابلة القنصل انا مالي دخل .. ويجي السكرتي الهندي رقم 13 وين هادا قلت انا انا .. قال ليه مافي يجي مايشوف .. قلت يله وين اروح بس اخلص انت وهالبدله كنك حفار قبور
خذني ووداني عند وحده لبنانيه حلوه وقمت اسوي كذا معها
المهم رحت لها وخذت مني اوراقي اللي تبيها وقالت لماذا تريد ان تذهب الى امريكا انا قلت لها اييش ماسمعتها .. قال why u r going to America انا ناظرتها وسويت فيها قوي قلت لها what do u see in my papers يعني وش تشوفين فيه اوراقي
قامت تكتب بالكمبيوتر وكل شوي تعطيني نظره وانا مانزلت عيني عنها
المهم قالت من فضلك ضع اصابعك الاربعه من اليد اليسرى واقوم ارصع يديني بالجهاز بغى ينكسر .. بعدين قالت ومن ثم اليمنى واررصعها ايضا .. قالت والابهامين لكن بهدوء قلت اوك وارصع ابهاميني بس بهدوء ..
قالت انتظر هناك حتى تذهب لمقابلتك ..
رحت وجلست وقمت بعدها شري لي كوفي وانكب على فرشتهم وصارخ علي الهندي ابو شنب كنه راس بزر سوداني
انا كان رقمي 13 جا 12 و 11 وراحوا .. شوي ويجي واحد قليل ادب ويقول انا 12 وين اروح كذاب مدري من وين جا الرقم واروح اقول للي ينادي هذا كذاب جاي بعدي كيف يصير قبلي ونتضارب انا وياه
ورجعوه ودخلوني .. واروح عند الامريكي شباك رقم 11 واحد مررره حبوب وكانت المقابله كالتالي ..
القنصل : صباح الخير
أنا : صباح الورد سيدي وانا مبتسم طبعا
اشر لي على السماعه وخذتها ..
قال لي عربي او انقلش قلت له آي كان سبيك انقلش بَت اي بريفـّير تو توك باي ارابيك (يعني انا اعرف انقلش لكن افضّـل الحديث باللغه العربيه )
قال لي حسناً .. اين ستذهب في امريكا ..قلت الى ولاية انديانا .. قال لي اها وقام يكتب بالكمبيوتر وخذ اوراقي كلها .. سألني هل انت متزوج قلت لا . وقام يكتب وانا لازلت مبتسم بردت ضروسي
سألني كل العائلة في السعوديه قلت نعم قال هل لك احد هناك قلت لا ..
سألني لماذا انت لم تكمل دراستك لمدة 4 سنوات بعد تخرجك من الثانويه ... قلت له انا لدي شركة مقاولات وعقارات انا واخي .. وهذه شهادة الخبره حقتي وعطيته اياها وقام يقراها ثمن سكت .. وقام يناظر كشف حسابي .. شوي وتصير عيونه كذا
وقام يكتب .. ثم سألني قال انت متزوج .. قلت سبق وان قلت انا غير متزوج قام يضحك وقال اسف ..<- قوي انا
قال اين ذهبت لدول .. قلت له البحرين وقطر والامارات ..
سكت وقام يكتب .. قال ماذا ستدرس هناك قلت إدارة الموارد البشريه (هيومن ريزورسز مانجمنت)
شوي وحط اوراقي بسرعه نزلها عندي وناظرني بطرف عين انا قلت الفيزا مرفوضه .. قال تأشيرتك مقبوله
قلت realy قال يس قلت له وبلغه سريعه now i can do my dream to study in America thankyou alot قال Oh u can talk English very well
قلت له that's agood thing i got it from my God
ورحت وانا so happy
* عند المقابله لاتنزل عينك من القنصل خل عينك بعينه
*خل إجاباتك واضحه وسريعه حتى لو تكذب بس أهم شي تكون إجابة واضحه ومافيها لف ودوران ..
* اسغفر ربك كثير فـ والله العظيم ان التوفيق بالقرب من ربك ..
* لاترتبك وخلك كوول زي نحول ولا عليك من الامريكان .. وحط في بالك هالآيه ( وعسى ان تحبوا شيء وهو شر لكم )
خلك مبتسم مع القنصل عند المقابله مع وضعية العين بالعين المذكوره آنفا
هذا ماعندي والله اعلم .. وأتمنى التوفيق لكم أخواني وان لا أكون اطلت عليكم الحديث ..