هل تختلف نوع التأشيرة لطالب اللغة عن طال الجامعة

وعليكم السلآم والرحمة ,

لآ مآ فيه اختلآف ؛ الإثنين يكونوـآ حآملين فيزآ طآلب من نوع F1 ~

سوآء مبتعث أو ع حسآبك ؛ معهد أو جآمعة بمآ انك بتروح تدرس بدوآم كآمل يعني تأشيرتك F1 .

وبالتوفيق يَ ربْ ~

لا مافيه فرق ثنتينهم اسمهم F-1 لكن الفرق في المدة لما يكون عندك قبول معهد اتوقع يعطونك مدة سنة واذا عندك قبول جامعه يعطونك 5 سنوات
طبعاً انا قلت اللي صار مع اصحابي مقدمين بقبول معهد وجاتهم التأشرة بعد طلعت الروح لمدة سنه اما ولد عمي اللي عنده قبول جامعه جاته 5 سنوات ما شاء الله

معقولة ؟؟؟؟؟؟؟؟؟؟؟
والله ما كنا حاسبين حساب هالنقطة
الله يعين

والله ياخوي هذا اللي صار واي شخص اذا شافك مقدم بس قبول معهد بيفكر انك رايح لغه وراجع وهم يبون الزله علينا
بس ان شاء الله تطلع لكم 5 سنوات

معقولة بس سنة يعطون

هي اصلاً اللغة لو باخلص جميع المستويا في المعهد الي بروحه تاخد اكثر من سنة

طيب اخوي MoOoDy-MAX اصحابك لما قدموا واعطوهم سنة
كان متى بالضبط
ووين كان بيدرسون هل في معهد تجاري او معهد تابع جامعة او كلية مجتمع

اممممم ياطويلين العمر والسلامه صار لهم الحين 6 شهور تقريبا
واحد منهم عطوه فيزا سنه والثاني عطوه فيزا 7 شهور طبعاً هم مقدمين على معهد ELS
اما ولد عمي ما شاء الله تبارك الله مقدم معاي بنفس اليوم 13 فبراير وطبعاً في الآي توني مكتوب ان مدة الدراسه 5 سنوات لأن عندنا قبول جامعه وما شاء الله اسبوع وطلعت له اما أنا لأن اسمي محمد كملت شهرين ونص الحين
الله يسهل علينا

لا لا لا لا تقووول والله اني خايف من هالنقطة انا قبول معهد بس مكتوب فيه ان مقر الدراسة داخل الحرم الجامعي يعني ذاكرين اسم الجامعة بقبول المعهد ومدة دراسة اللغة سنة وانا لمن رحت السفارة كان عندي قبول جامعة بس ورقة ثانية ما طلبوها مني بس الموظف في المقابلة قالي ايش بتدرس بعد اللغة قلتله مالية انشاء الله هل تتوقعون يعطوني سنة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

بما أنه سألك وش بتدرس بعد اللغه يعني 5 سنوات ان شاء الله مبروووووك << يبي يبارك بأي طريقه

ههههههههههههه الله يسعدك دنيا واخره والله ما الومك وانا اخوك من كثر الحرة ودنا نبارك حتى للي توهم مسوين موعد السفارة