مساعدة لا حول و لا قوة إلا بالله اليوم رحلتي و لم تصل التأشيرة ! مالحل ، هل اقوم بالتأجيل ؟

انا لله وانا اليه راجعون

والله الواحد مايدري وش يقول ... يعني حظرة الخارجية الامريكية ما يدرون ان موعد دراستك قرب

انا مستغرب ليه يخلون وضعنا زنقا زنقا

اخوي نصيحتي ارسل ايميل للسفارة مع تحديد معد الدراسة + كلمهم اليوم الساعة 4 الى 5 المساء والله يفرجها عليك

(( يا رب فرج هم اخي ))

^^

يا شيخ روح الله يوفقك و يسهل دروبك

ردك يبرد القلب و الله .

للرفع ، ساعدوني بارك الله فيكم يا أحبة ، اعطوني رأيكم .

أجل دراستك ..كلم المعهد اطلب منهم خطاب تمديد المهله لمدة اسبوعين .الى ان تطلع فيزتك واذا ماطلعت اطلب قبول جديد بنفس رقم السيفس

والله يسهلها عليك يارب وجميع المتعثرين ..قل آمين

وعليكم السلام والرحمة والاكرام
افا ليه اخروها لك وانت مسويها في الرياض
مو يقولون الرياض ما تأخر
انا قلت بسحب جوازي وبسويها بالرياض
اذا نفس الشي خلني محلي ازين

ما اقول إلا حسبي الله عليهم و نعم الوكيل .

لا ياخوي لا تاجل كلم المعهد وشوف كم اقصى مده يعطونك اياها عشان تتاخر
اذا طلعت في خلال هالفتره زين واذا ما طلعت الله يعينك تاجل مثل ما سويت انا
اما بخصوص الطيران فروح وغير الحجز حتى لو خلوك تدفع فلوس بس ما تضيع قيمة التذكره حرام
الله يخرج فيزتي وفيزتك وفيز المعلقين بأسرع وقت

اللهم آمين يا رب العالمين ،،،
لا يفوتكم ، من القهر و الغبنة اللي بي سويت موضوع احكي فيه معاناة الطلاب ببساطة >>

مالك الا تأجل الرحلة

ولازم تطلب I-20 Deferral بيكلفك 50 دولار
أو تأجيل وصول من المعهد (اذا وافقوا لك)

لان السفارة بتطلبك واحد من الاثنين هذولا اذا تمت فيزتك بعد تاريخ بدء الدراسة

انصحك تسويهم من الان لانهم ياخذون وقت