أبشركم أستلمت الفيـزا اليـوم , تعال وأقرى التفاصيل

April 25th, 2011, 12:07 PM

السسسلام عليكم ورحمة الله وبركاته
^
^
^
^
^
^
^
^
^
^
^
اليوم ياحلوين شيكت على موقع فيديكس ولقيت ان الفيزا على الطريق وستصلك اليوم , كلمتهم قالوا اليوم تستلمها,
أنا ما أنتظرت حار بحار , رحت لمكتب فيديكس ولقيت المحروسه واصله عطيته اثباتي وخلاني اوقع وعطاني الشحنه
قلت لا ياحبيبي افتحها قدامي علشان لا انصدم بعدين , فتحها وبصفحة رقم اربع لقيت الفيزا ... وحمدت الله

الموضوع كتبته مو علشان اقول لكم استلمت فيزتي , فهذا مو جديد الناس راح تستلم سواء طال الدهر ولا قصر لكن كتبته علشان اوضح لكم بعض التفاصيل المهمه ...



أنا ياجماعه قدمت في 22 /1 / 2011 في الظهران , واستلمتها اليوم 25 / 4 / 2011 يعني ثلاث شهور وثلاث ايام ,
كنت كل ما اراسلهم يقولون تحت الإجرائات وقفلت معي , وقبل ثلاث ايام ارسلت ايميل لوزارة الخارجيه لاني شفت موضوع واحد هنا يقول انه ارسل لهم ايميل وعجلوا له وضعه , وماجاني منهم رد لكن وصلتني الفيزا اليوم , واتضح لي ان الفيزا صدرت في تاريخ 4 / 4 / 2011 يعني تخيلوا كانوا لاطعيني 21 يوم !! وانا اتوقع ان الوزاره راسلتهم وشيكت معهم وعلشان كذا خلصوني سريع سريع ,,

اللي بقوله : ماعليكم من رسايل السفاره يقولون تحت الاجرائات وهي صادره اصلا ً , كل اللي عليكم تشيكون مع فيديكس اول بأول وربي بييسر اموركم ...

على فكره , المتخلفين اصدروا فيزتي في نفس اليوم اللي بتبدأ فيه دورتي , شوفوا النحاسه علشان ما اروح , ولا سلموني الفيزا الا بعد ما أخروني 21 يوم علشان يطمئنون اني منيب رايح ,, لكن فيه دوره ثانيه بشهر سبتمبر .. عسا الله يعين
يعني حطوا ببالكم انهم يركزون على بداية الدراسه

ختاما ً أسأل الله لي ولكم التوفيق ويعجل بصدور فيزكم يارب في أقرب فرصه , وترى فعلا ً انا بديت الاحظ ان العالم بدت تستلم الشهر هذا لاحظت ناس بالمنتدى كثير بدوا يستلمون ...

اخوي ياريح رد لي خبر والله اشتقنا لك وطمنا عن وضعك ياباشا

• نشر عبر تويتر
• نشر عبر فيسبوك
• نشر عبر جوجل