مبتعث جديد New Member
الولايات المتحدة الأمريكية
ملك النجوم , ذكر. مبتعث جديد New Member. من السعودية
, مبتعث فى الولايات المتحدة الأمريكية
, تخصصى Computer Science
, بجامعة none
- none
- Computer Science
- ذكر
- none, الرياض
- السعودية
- Aug 2006
المزيدl April 26th, 2011, 12:28 AM
April 26th, 2011, 12:28 AM
السلام عليكم جميعا ومسائكم ورد او صباحكم عسل احبااابي
بصراحه قلقت من بعض الاعضاء يكتبون اشياء تخوف وتقلق بعضنا البعض
انا ان شاء الله طالع لامريكا بعد توفيق الله لكن لدي بعض الاسئله ومخوفتني كثيير
اولا انا عاطل تقريبا من 10 سنين ومامعي الا ثانوي والحمدلله قررت اخيرا للدراسه انا خوفي يسألوني يقولون وش قاعد تسوي طوول هالفتره؟؟! وش احسن رد اقدر اقوله ويكون حلووو ومرضي لهم.
ثانيا حصلت على قبول من معهد في كالفورنيا لمده خمس شهور وانا جايبها بس اطقطق فيها ونفس الوقت وانا ادرس في المعهد التجاري هناك اقدم على معهد جامعه واكمل الدراسه فيها ( هذا تخطيطي) بس المشكله اخاف يعطوني فيزه على قد مدة الدراسه مثلا 5 شهور او يكون سنه بالكثير. لو مثلا جبت ضمان مالي من الوزاره اني مبتعث وطالع على حساب البرنامج فهل هذا يكون شفيع لي للحصول على 5 سنين بعد توفيق رب العالمين.
انا مقدم على جامعه في امريكا بس طولوها معاي يمكن فوق الشهرين والنصف اقدر اقولهم ابي رقم السيفس مع ايضاح اني راح ادرس في معهدهم او كيف؟؟!!
ارجوا الرد بإيضاح ومن الخبراء الذين دعواتنا لهم بالتوفيق وعدم حرمانهم من هذه الحياه
سؤال يالغالي بس
من 10 سنوات الى الان وش سويت كذا بس جالس بالبيت
عشان نعرف نرد عليك بشكل واضح
ياريح رد لي خبر April 26th, 2011, 12:37 AM
7 " الله يعينك يارب ويوفقنا اترك الاعضاء يفيدوووك ^^
مبتعث متلخبط April 26th, 2011, 01:14 AM
7 " خذ العلم ورده عني وانا اخوك 100%100 بيسألونك وش سويت
هذا شي بالحيل مقلق لهم اللي يجلس سنه او سنتين مايدرس فمابالك 10سنين
زبطوضعك ترا الفرصه الكبيره بأول مره شفلك حل اذا كنت موظف جب اثبات انك كنت موظف فالمكان الفلاني واذا كنت منت بوظيفه جب لهم اوراق انك كنت تشتغل بأي مكان دورات تدريبيه او تطوعيه اي شي لاتخلي شي ماتقدمه ترا ياخوك يقولك الاولات الروابح اقصد هنا انك لاسمح الله لو ما انقبلت اول مره وحبيت تعيد ماتقدر تغيير فالكلام يمكن يكون مسجل معلوماتك
الشي اثاني جب لنفسك قبول اكثر ست شهور يعني سنه من البدايه وريح عمرك مالك ومال يمكن وياليت
اتمنى لك التوفيق
اخوك
دهيكل!!!
دهيكل!!! April 26th, 2011, 01:51 AM
7 " ربي يسلمكم جميعا
اخوي ريح انا دخلت كليات وجامعات وجلست فيها سنين وبعدها لم اتوفق بشيء ثم انتقلت للندن مع الاهل طبعا انا طلعت بفيزا طالب ونفس النظام اتبعتها هناك ادخل جامعه واطلع وادخل مره ثانيه واتركها بس هنا في الجواز لدي فيزا طالب اكيد بيسألون وين الشهادات او الدورات اللي اخذتها الله يعين بسسس
اخوي متلخبط الله يوووفقك ويسهل امووورك كلها يااارب
اخوي د.هيكل اعرف صاحب لديه شركه اقدر من خلاله استخراج شهادة خبره وش رايك احس الموضوع زاد لخبطه بعد فيزا طالب في بريطانيا
الله يسهل يااارب ويهونها علينا جميعا
ملك النجوم April 26th, 2011, 02:48 AM
7 " بذمتك عاد إخوي 10 سنوات وعاطل .. وين عقلك وين طموحك وش كنت تسوي .. أنا ما أحطمك ولا أخليك تشاؤم لكن ياخوي الأمور تُأخذ بالعقل لا بالماشي
الله ييسر لك ويسهل لك .. ما عندي تعليق على كلامك أعتذر
بس بيني وبينك روحتك ودخلاتك للجامعات والكليات ما تحس لخبطت عليك . وزادت وضعك صعوبة .. اليوم واحد في المنتدى طرح موضوع عن إنه خريج مصر معه ليسانس ورفضوا بحجة الدراسة صعبة طبعا عذر غبي وسخيف لكن تتوقع وش بيردون عليك هل تتوقع ترحيب ؟؟ اسأل نفسك
محمد العباد April 26th, 2011, 01:50 PM
7 " والله اخوووي انا افكر زيييين
بسسس كنت مع الوالد تجاره وسفرات عمل مع الوالد لذا كنت اطمح اكون مستثمر مع الوالد لكن حسيتها انها صعبه بالحيل ويبي لها واحد متفرغ وانا احب اكمل دراستي افضل لهذا السبب كنت طول هالفتره مع الوالد
حفظك الله ورعاك اخي محمد العباد ولك التوووفيق من الله سبحانه وتعالى ان شاء الله
ملك النجوم April 26th, 2011, 02:55 PM
7 " اخوي شف 10 سنوات صعبة وبرضو هي مزاجية موظف يعني يمكن لو رحت له وقلت وش صار معك يمشيك وممكن يستقعد لك
فالافضل اذا الوالد مثل ماتقول تاجر اكيد عنده موسسة طلع لك اوراق تثبت انك تشتغل معه والخ من السفرات ..
كل شي يثبت انك كنت تشتغل مع الوالد واذا سالوك عن لندن والخ .. قله كنت ادرس لغة وكنت مرتبط مع الوالد في بزنس ..
هم يبون كل شي بورق وسهلة ان شاء الله ..
Car Li Tos April 26th, 2011, 03:07 PM
7 " يسعدك ربي ان شاء الله ويوفقك ويسهل اموورك بصراحه فكره حلوه ورائعه ورد جميل والاروع تفهمك للحاله
راح اسوي لي ورقه بثبت شغلي مع الوالد وابقولهم اني كنت ادرس لغه في لندن ومعي اوراق تثبت ذلك بس المشكله اني اخذ الشهاده في تاريخ 2007 وطلعت من لندن تاريخ بدايه 2009
يعني راح يسألوني وش كنت تسوي سنتين بلندن
يالله يارحمن يا قوي يا جبار سهل امري وسهل دربي وسهل على جميع الطلبه والطالبات
ملك النجوم April 26th, 2011, 03:30 PM
7 " ملك النجوم
توقع اي سؤال يسالك ..
يعني لو سالك مثلا على ليش طلعت بتاريخ 2009 .. اذكر السبب الحقيقي او اي شي اخر ..
واهم شي بالاوراق ختمها بختم الموسسة والخ .. اثبات انك موظف فيها ..
وهم ينظرون للشهادة البنكية ايضا وكشف الحساب ..
Car Li Tos April 26th, 2011, 03:38 PM
7 "
April 26th, 2011, 12:28 AM
السلام عليكم جميعا ومسائكم ورد او صباحكم عسل احبااابيبصراحه قلقت من بعض الاعضاء يكتبون اشياء تخوف وتقلق بعضنا البعض
انا ان شاء الله طالع لامريكا بعد توفيق الله لكن لدي بعض الاسئله ومخوفتني كثيير
اولا انا عاطل تقريبا من 10 سنين ومامعي الا ثانوي والحمدلله قررت اخيرا للدراسه انا خوفي يسألوني يقولون وش قاعد تسوي طوول هالفتره؟؟! وش احسن رد اقدر اقوله ويكون حلووو ومرضي لهم.
ثانيا حصلت على قبول من معهد في كالفورنيا لمده خمس شهور وانا جايبها بس اطقطق فيها ونفس الوقت وانا ادرس في المعهد التجاري هناك اقدم على معهد جامعه واكمل الدراسه فيها ( هذا تخطيطي) بس المشكله اخاف يعطوني فيزه على قد مدة الدراسه مثلا 5 شهور او يكون سنه بالكثير. لو مثلا جبت ضمان مالي من الوزاره اني مبتعث وطالع على حساب البرنامج فهل هذا يكون شفيع لي للحصول على 5 سنين بعد توفيق رب العالمين.
انا مقدم على جامعه في امريكا بس طولوها معاي يمكن فوق الشهرين والنصف اقدر اقولهم ابي رقم السيفس مع ايضاح اني راح ادرس في معهدهم او كيف؟؟!!
ارجوا الرد بإيضاح ومن الخبراء الذين دعواتنا لهم بالتوفيق وعدم حرمانهم من هذه الحياه