الأعضاء الإشتراك و التسجيل

الملتقيات
ADs

مشكلتي مع التأشيره الي ماهي راضيه تطلع من السفاره الامركيه

مشكلتي مع التأشيره الي ماهي راضيه تطلع من السفاره الامركيه


NOTICE

تنبيه: هذا الموضوع قديم. تم طرحه قبل 4700 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ألحايره
    ألحايره

    مبتعث مستجد Freshman Member

    ألحايره الولايات المتحدة الأمريكية

    ألحايره , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى محاسبه , بجامعة جامعة طيبه
    • جامعة طيبه
    • محاسبه
    • أنثى
    • المدينه المنوره, كاليفورنيا
    • السعودية
    • Oct 2010
    المزيدl

    May 17th, 2011, 01:26 AM

    السلام عليكم ورحمة الله وبركاته
    بأختصار مشكلتي رايحه اسردها لكم
    اتمنى تفيدوني وش الحل !!
    انا لي اربع اشهر مسويه وزوجي مسوي المقابله ولحد الان ماطلعت التأشيره لا لي ولا لزوجي ولا بناتي ..
    حيث ان دراستي في 6/ 6/ 2011 م

    واليوم تاريخ 16/ 5 / 2011 م
    يعني مابقى شي عنها
    1/ ماصدرت التأشيره وكل ماستفسر يقولون تحت الاجراءات ( لها اربع اشهر )..
    2/ ماطلعت قرار الابتعاث بحكم من الشروط لابد تكون مرفقه صورة التأشيره ..
    3/ عمل زوجي طلبو منه قرار الابتعاث على شان يسمحون له بالمرافقه ..
    والله ان نفسيتي تعبانه بهذا الخصوص وش الحل الله يسعدكم اخواني وخواتي
    ارشدوني محتاجه تخدموني برايكم وخبرتكم ..
  2. اهلين اختي الحايره .......

    ابد طال عمرك لاتشيلين هم .... ولاتهتمين .....

    ناس اعرفهم لهم اكثر منك ولا للحين التأشيره ماطلعت لهم .....


    انا مااخوفك ... ولكن !!! ....

    ثقي ثقه تامه بآن التأشيرهـ بتصدر لك قبل موعد دراستك بفترهـ ..... ... لان لهم لمت مع ـين يطلعونها قبل موعد الدراسه لجل الواحد يسرفس وضع ـه


    لذلك ... حاولي انك تنشبين للسفاره على ايميلاتهم .... وتشرحين لهم الوضع كااااامل .. من حيث حالة زوجك الى حالة الشروط وهيك ...

    بتقولين ارسلت بقول لك انشبي ...... على قولة المثل { لاصار حاجتك عند الـ ....... . قوله ياسيدي } << تركمين ويكرموووون الاعضاء

    وخليك قريبه من سجادتك ودعواااااتك ... وصدقيني ونصيحة اخ ربي بيفرجها لكم ...


    وكل تأخيره فيها خيرهـ ....



    مع ـالعلم / دراستي بتبدآ في نفس موعدك 6 / 6 .


    والله يوفقك ...لك الود
    7 "
  3. كثير مثل حالتك .. ولستي في هذا الضغط النفسي منفردة ..

    انا موعد دراستي بمثل موعد دراستك .. قدمي للدكتور الحربي طلب تاجيل بعثه .. و أطلبي من المعهد يرسل لك أي توني جديد ..

    بمهل نفسي أسبوع إلى 10 أيام لو ما جت الفيزا سويت الي ذكرته لك ..

    اللهم سهل أمور عبادك و احبابك ..
    7 "
  4. عادي جدا الحايره انا اليوم المفروضاول يوم اداوم فيه وشوفيني جالسه اسولف معك ياللسعاده!!
    امس بعد مااطبقنا ال3شهور على فيزة المرافق اتصلو يبو برنت من الجوازات بعد ما ارسلنا لهم الجواز القديم ..عظيم!!
    ولما رحنا للجوازات قالو عندنا امر من الداخليه بمنع اصدار برنت..اه كم انه ممتع!!
    وهائنا ذا بين حروف كيبوردي اسرد لك روايتي السعيده لتقولي كم انه جميل ان يكون هناك اسعد مني!!
    تفائلي اختي واخذيها ببساطه ان شاء الله تطلع قريب
    7 "
  5. الله يعينك بس الكل خايف انا سويت المقابله كذلك من يومين والله يستر لاتتاخر موناقص

    وهذي رساله الى الاخ العضو إياد العنزي كان يكذب الاعضاء اللي يقولون الفيز تاخرت طيب هل صاحبة الموضوع تكتب!!؟

    لابد نرى كل شي ونعترف انه هناك تاخير واضح والدعوه حظوظ
    7 "
  6. طالب متفائل < ان شاء الله
    Law
    الأكتفاء بالمزيد
    عبدالعزيز
    يسعدكم ربي ردودكم اسعدتني ..
    فعلا راسلتهم ورسلت لهم ايميلات بالهبل ..
    ماني قايله مشكله بس بقولكم اللهم اجعله خير ..
    انا عندي بنتين والان جاي ان شاء الله مولود في الطريق وبصراحه زوجيي يقول مادري وش الاجراء اذا كانت الولاده هنا
    يعني بكل بساطه بنبداء وكأنه من جديد .. تعرفون رايح ينضم معنا اذا ربي سهل الامور ..
    طيب كم التأجيل يكون اقدر اجل شهر واحد فقط !!
    (( تصدقون الغلط من اساسه من ادارة التعليم عدلنا البيانات بعد عيد الفطر .. والاخوات حولو التعديل ومطابقه
    الجواز على الشهاده الى قسم الرجال والاخوان رسلو القديم .. ولا كأنا سافرنا للرياض وعدلنا .. الله يهدهم وش الاهمال هذا
    والله العظيم قلنا لهم خلاص كل شي تمام يعد التعديل ومطابقه الجواز على الوثقيه قالو ايوه ولمن جانا الاي توني اضطرينا نرجع للرياض ونبين انه فيه خطاء قالو يمكن الموظف او الموظفه ماحدث البيانات طيب وسفرنا وتعبنا وهتمامنا هذا الي نقابله منكم ياوزارة التعليم العالي !!) وتعبنا وسفرنا ومرمطتنا لليوم هل هذا يرضاه احد منهم !!
    ===
    أختي الاكتفاء يسعدك ربي ويزيدك سعاده ..
    ياليت عزيمتي مثل عزيمتك كان اكون في قمة السعاده : )
    يارب يسهل امور كلها ..
    اخواني وخواتي يارب يفرج لكم همومكم ويسعدكم على ردكم الي ريحني كثير ..
    7 "
  7. الله يعين بس ويسهل امووووووووووور كل الطلاب والطالبات اللي ينتظرون الفيزه يارب ياكريم

    وكلامك يبين يا اختي الفاضله انك سويتي اللي عليك راسلتي اكثر من مره واتبعتي كل شي! فلذلك يبين انه حظوظ وبس

    اما اختي لاتتكلمي عن وزارة التعليم ابكي فامورها سيئه بكل الحالات والبيروقراطيه ذابحه نفسها عندهم الله يكون بالعون ..
    7 "
  8. وضعك عادي
    لكن ثقي أن التاشيرة سوف تصل قبل بدء موعد الدراسة بفترة كافية بإذن الله
    قومي بالاستعداد للسفر من الان سواء تجهيزات وغيره لأن بمجرد استخراج الفيزا لن تحتاجي سوا يوم واحد حتى تقومي بطباعة قرار الابتعاث , أمر الاركاب , حجز التذاكر
    7 "
  9. الله يكون في عونك اختي والله اصعب شي لما تشيكي على الموقع وما فيه جديد

    انا تأخرت تأشيرتي ٤ اشهر وجتني قبل موعد الدراسة بيومين ولكن اجلت زوجتي الدراسة وانا الغيت اجازتي الاستثنآئية. والحمد لله انا الحين بآمريكا .

    اهم شي لا تقلقي وتوكلي على الله، وربي يسهل اموركم.
    7 "
  10. التاجيل عادي تأجلين شهر اذا عندك الـi20 بتحصلين تاريخ بشهر 6 وتاريخ بشهر 7 اللي هو تقدرين تاجلين اليه

    بعدين مايحتاج تتحطمين انا ثاني مرة اقدم لكن الثانية صابت وخلال 3 اسابيع طلعت التاشيرة اللي ذبحونا فيها ^_^
    كل الاجراءات هي لامن وسلامة امريكة ...
    والبعض ترى يضيع الجواز ويقولك تحت التجهيز ويجلس يدور بين جوازاته وجوازات زملائه ...
    الله كريم والله لنا دام الشيوووون مطولين مالنا غير الصبر..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.