مقابلتي بالسفارة 18/6 اقولهم اني موظف ولا لا ؟؟

لا عااادي اخوي لا فيها مشكله ولا شي بالعكس لو قلتلهم اني منب موظف هنا المشكله بيقولك وش تسوي بعد الثانوي او الكليه على حسب شهادتك . خذ من الدوام شهادة خبره وبس عشان ان سائلك وقالك موظف يمكن يطلب منك شهادة خبره وتكون مصدقه من الغرفه التجاريه للاحتياط.!

ايوه عادي قولهم ,,,


أنا موظف أرامكو وقلت لهم وعادي ما قالي شي

اساسا من الاسئلة اللي راح تجيك

ماذا فعلت بعد تخرجك من الثانوية

واذا كنت موظف او درست مده واعك اثبات بكلامك هذا شي يدعمك مايضرك لأنة لو في حالة انك قلت له انك ماسويت شي راح تحط نفسك بمتاهات انت بغنى عنها وبعدين لو جيت ترقع ماعاد ينفع

اتمنى لك التوفيق يالغالي

بالعكس اخوي خلك واضح وصريح لأبعد درجة تقدر عليها

لأنة من الاسئلة اللي بتجيك

ماذا فعلت بعد ان استلمت اخر شهادة علمية

عشان كذا جاوب بالصدق ولاتقولة جالس بالبيت لأنة بيقولك محتاجين اثبات انك جالسين بالبيت ( من وين تجيب له الاثبات الله اعلم )
فأنت لو جاك السؤال قله انك موظف وحاول انه يكون معك تعريف من جهة العمل ( في حاله لو طلب منك انه يطلع عليه )

تمنياتي لك بالتوفيق وترا الامور كلها سهالات كأنك رايح تطلع شريحة من الاتصالات وقت الزحمة

ماقصرتو ومشكورين جداً ..

اتمنى الافادة من الشباب الباقين ..